پ.د.ئیدریس محەمەد تاھیر ھەرکی، سەرۆکی زانکۆی زانکۆی پۆلیتەکنیکی ھەولێر و بەرێوەبەری گشتی سەنتەری توێژینەوەی پ.ی.د.رەنج سیروان عبداللە لەسەر بانگھێشتی فەرمی ژووری بازرگانی و پیشەسازی ھەولێر بەشدارییان کرد لە دیدارێکدا کە بۆ پێشوازی خاتوو بارۆنا ئێما نیکڵسن، دامەزرێنەر و سەرۆکی ئەنجوومەنی کاری عێراقی- بەریتانی IBBCدا کرد.
لە دیدارەکەدا کە ئومێد خۆشناو پارێزگاری ھەولێر، جەیمس گۆلدنمان کۆنسوڵی گشتی بەریتانیا لە ھەولێر، سەروەر کەمال ھاواری بریکاری وەزارەتی بازرگانی و پیشەسازی بۆ کاروباری بازرگانی و دیپلۆماتکاران و ئەندامانی ژووری بازرگانی و پیشەسازی ھەولێر و ژمارەیەک لە بازرگانانی شاری ھەولێر و ئەندامانی یەکیتی ھاوردە و ناردنکارانی ھەرێمی کوردستان ئامادەی بوون، چەند وتارێک پێشکەش کرا.
بارۆنا ئێما نیکڵسن، دامەزرێنەر و سەرۆکی ئەنجوومەنی کاری عێراقی- بەریتانی IBBC کە ھاوکات ئەندامی ئەنجوومەنی لۆرداتی شانیشینی بەریتانیشە لە وتارەکەیدا، لەدوای باسکردن لە خەبات و قوربانیدانی گەلی کورد و مێژووی پەیوەندی ئابووری و بازرگانی لەگەڵ کوردستان و شاری ھەولێر باسی لە گرنگی ئامادەبوونی شاندی زانکۆی کرد لەو دیدارەکەدا کرد و باس لە رۆلی زانکۆی کرد لە پێشخستنی ئابووری وڵاتدا.
لە دانیشنەکاندا دیدار و کۆبوونەوە ئەنجام درا و شاندی زانکۆ لەگەل ئەندامانی رێخراوی IBBC کۆبوونەوە کە تیایدا باس لە گرنگی زانکۆ لە کۆمەلگا و بە تایبەتی لە ئامادەکردنی گەنج بۆ بازاری کار و بەشداربوونی زانکۆ لە چالاکییەکانی تایبەت بە ژووری بازرگانی و پیشەسازی لە کوردستاندا کرد.
ھەر لە پەراوێزی دیدارەکەدا، پ.د. ئیدریس محەمەد تاھیر ھەرکی چاوی کەوت بە کۆنسوڵی گشتیی بەریتانیا لە ھەولێر و لە دوای گفتوگۆکردن لەسەر چەند بابەتێکی گرنگ، ھاوکات بانگھێشتی کۆنسولی گشتی بەریتانیای لە ھەۆلێر کرد بو سەردانی زانکۆی پۆلیتەکنیکی ھەولێر و ناوبراویش وێڕای خۆشحاڵی نیشاندان بە بانگھێشتەکە، رایگەیاند کە لە ئایندەیەکی نزیکدا سەردانی زانکۆی پۆلیتەکنیکی ھەولێر دەکات.
لە کۆتایدا، سەرۆکی زانکۆی پۆلیتەکنیکی ھەولێر کۆبوونەوەی لەگەڵ خاتوو بارۆنا ئێما نیکڵسن، دامەزرێنەر و سەرۆکی ئەنجوومەنی کاری عێراقی- بەریتانی IBBC ئەنجامدا.
لە دیدارەکەدا چەخت لەسەر گرنگی زانکۆ لەم قۆناغە بۆ کۆمەلگا و دەستەبەرکردنی کار و پیشە بۆ گەنجانی ولات جگە لە گرنگی زانکۆ بۆ چارەسەری کێشەکانی بازار و کەرتی پیشەسازیی لە ھەرێمی کوردستاندا کرا.
