Daily Archives: تشرینی یه‌كه‌م 17, 2023

رێکەوتی:٢٠٢٣/١٠/١٧ لە ژێر چاودێری بەڕێز/ پ.د. ادریس محمد طاهر سەرۆکی زانکۆی پۆلیتەکنیکی هەولێر بە پشتگیری بەڕێز/ اومێد ارشد حوێزی ڕاگری پەیمانگای تەکنیکی پزیشکی هەولێر. بەشی پشکنینی چاو لە پەیمانگە هەستا بە ئەنجامدانی  وۆرکشۆپێک لە ژێر ناوی (( هەفتەی بینایی، پاراستنی بینایی پاراستنی ژیانە))  سیمینارێک لەلایەن بەڕێزان پ.ی.د موراد امیر احمد سەرۆکی بەشی پشکنینی چاو و د. سامی جلال عبدالصمد دكتۆرا لە نەشتەرگەری و نەخۆشییەکانی چاو مامۆستا لە بەشی پشکنینی چاو و د. دیار عبدالقادر ابراهیم نەشتەرگەری و نەخۆشییەکانی چاو مامۆستا لە بەشی پشکنینی چاو  و د.بێریوان عبدالقادر علی  مامۆستا لە بەشی پشکنینی چاوتایبەت بە کێشەکانی چاو پێشکەش کرا.

لەژێر چاودێری و ئامادەبوونی  پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر رۆژی سێ شەممە 17ـی ئۆکتۆبەری 2023، لە کۆلێژی تەکنیکی تەندروستی و پزیشکی هەولێر کۆتایی هات بە خولێکی راهێنان کە بۆ بەرزتر کردنەوەی توانا و لێهاتووییەکانی دەرچووانی کۆلێژی ناوبراو رێکخرابوو.

لە مەراسیمەکەدا کە هەریەکە لە راگری کۆلێژ و یاریدەدەری راگر و ژمارەیەک مامۆستا ئامادەیبوون، سەرۆکی زانکۆ وتەیەکی پێشەکەش کرد و تیایدا دەستخۆشی لە کۆلێژی تەکنیکی تەندروستی و پزیشکی هەولێر کرد بۆ ئەنجامدانی ئەم جۆرە خولانە بۆ دەرچووان کە مەبەست لێی بەرزترکردنەوەی توانا و لێهاتووییەکانی دەرچووانە، هەروەها بە گرنگییەوە باسی لە بوونی پەیوەندی لە نێوان دەرچووانی زانکۆ کرد لەگەڵ بەشەکانیان و کردنەوەی خول و راهێنانی لەم جۆرە بۆ بەرزکردنەوەی ئاست و توانستیان و یارمەتیدانیان بۆئەوەی لە داهاتوودا بە ئاسانی کاریان دەستبکەوێت لە بازاڕی کاردا.

خولەکە بۆ ماوەی 10 رۆژ بەردەوام بوو کە تیایدا بەشێوەیەکی چڕوپڕ بابەتەکانی تایبەت بە لێهاتوویی و نوێترین پێشکەوتنەکان لەسەرجەم بوارەکان بۆ دەرچووانی زانکۆ روونکرایەوە و ئەو تیشکخرایە سەر ئەو بابەتانەی کە وا دەکات ئاسان هەلی کار بەدەست بهێنن.

لە کۆتایی مەراسیمەکەشدا بڕوانامە بەخشرایە بەشداربووانی خولەکە.

 

رۆژی سێ شەممە 17ـی ئۆکتۆبەری 2023، لەهۆڵی کۆنگرەکان لەسەرۆکایەتی زانکۆی پۆلیتەکنیکی هەولێر بەئامادەبوونی بەڕێز پ.د.ئیدریس محەمەد تاهیر هەرکی سەرۆکی زانکۆ، پ.ی .م.ئومێد ئەرشەد حوێزی ڕاگری پەیمانگەی تەکنیکی پزیشکی هەولێر، ژمارەیەکی زۆر لە مامۆستایان و قوتابیانی پەیمانگەی تەکنیکی پزیشکی هەولێر وۆرک شۆپێکی تەندروستی لەژێر ناوی (هەفتە و ڕۆژی بینایی جیهانی ، پاراستنی بینایی ، پاراستنی تەندروستی مڕۆڤە) بەرێوەچوو.

لە دەستپێکدا پ.د.ئیدریس سەرۆکی زانکۆ وتەیەکی پێشکەش و تیایدا بەخێرهاتنی مامۆستایان و قوتابیانی کرد و گوتی : پێخۆشحاڵین ئەمڕۆ بۆ جارێکی تر پەیمانگەی تەکنیکی پزیشکی هەولێر لەبەرنامەیەکی ترو لەبۆنەیەکی تردا ، بەبۆنەی هەفتەی بینایی دووبارە کۆی کردینەوە بۆ ئەوەی لەبەرنامەیەکی تردا کە پەیوەستە بە بابەتی بینایی مرۆڤ پێشکەش بکەن، دەستخۆشیان لێ دەکەم چونکە جاری یەکەم نییە لەچەند بابەتێک لەم هۆڵە کۆمان دەکەنەوە بۆ ئەو یاد و ڕۆژانەی کە پەیوەستن بەتەندروستی و ژیانی مڕۆڤەوە، هەفتەی بینایی یەکێکە لەو ڕۆژانە کەلەجیهاندا گرنگی پێدەدرێت ، لای هەموومان ئاشکرایە کەبینایی چاو سەبارەت بەمڕۆڤ چ گرنگیەکی تایبەتی هەیە.

بەڕێزان لەبەشی پشکنینی چاو هەردەم بەردەوام بوونە لەبابەتی پێشکەشکردنی سیمینارو وۆرک شۆپ ، جێگای دەسخۆشییە ، بەشەکانی تریش لەپەیمانگا دیارە کاری وایان ئەنجامداوە ، لەڕاستیدا پەیمانگەی تەکنیکی پزیشکی پێویستە زیاتر گرنگی بەو بابەتانە بدات نەک تەنها بۆ قوتابیان  و مامۆستایان و کارمەندانی زانکۆ بەڵکو پێویستە بچینە ناو کۆمەڵگاو لەگەڵ کۆمەڵگاش تێکەڵاوی هەبێت، بۆ ئەوەی ئەو زانست و زانیارییەی هەیە پێشکەشی کۆمەڵگاشی بکەین ، کۆمەڵگاش بەبەردەوامی پێویستی بەو زانستە هەیە کە لەلای مامۆستایانی زانکۆیە بۆ ئەوەی گوێبیستی بن و لە ژیاندا سوودی لێوەرگرن ، بەتایبەتیش لەبابەتی تەندروستی بەگشی جا چ بابەتی بینایی چاو بێت یا بابەتی دەرمان و لەدایک بوون بێت کە زۆر پێویستە خانمانمان لێی ئاگاداربکرێنەوە ، ڕۆژی جیهانی ئافرەتان کارێکی باشتان ئەنجامدا، پێم باشە ئەو چالاکییانە بەردەوام بن بەتایبەت وۆرک شۆپ و سیمینارەکان ، تێکەڵاوی هەبێت هەم کۆمەڵگا دەبینین ، بۆنموونە بچینە گەرەکێکی دەوروبەری هەولێرو لەوێ سیمینار پێشکەش بکەین بۆ ئەو خەڵکەی ئەوێ جا سەبارەت بەهەر بابەتێکی تەندروستی بێت، زۆر پێخۆشحاڵم بەو جۆرە کارو چالاکییانەی لەپەیمانگا ئەنجام دەدرێت ، ئومێدەوارم فراوانتری بکەن ، دووبارە دەسخۆشی لەبەشی پشکنیکی چاو و ڕاگرایەتی پەیمانگە دەکەیین بۆ ئەنجامدانی ئەو وۆرک شۆپە .

دواتر پ.ی.د. مراد امیر احمد لەژێر ناوی ڕۆژی جیهانی بینایی سیمینارێکی تایبەتی پێشکەش کرد ، دواتر لەهەریەک بەڕێزان د.سامی جلال عبدالصمد ، د.دیار عبدالقادر ابراهیم ، د.بێریوان عبدالقادر علی سیمیناری تایبەتی تەندروستی خۆیان پێشکەش کرد، کە تیایدا بەباتەکانی وۆرکشۆپەکە بەوردی بۆ ئامادەبووان روونکرایەوە.

دواتر دەرگای پرسیارو گفتوگۆ بۆ وەڵامدانەوەی پرسیارەکان دەربارەی بابەتەکان بەرووی ئامادەبووان کرایەوەو لەلایەن دکتۆرانی پسپۆر وەڵامیان درایەوە.

پێش‌ کۆتایی هاتنی وۆرک شۆپەکە لەلایەن سەرۆکی زانکۆ پێشکەشکارانی وۆرک شۆپ بڕوانامەی ڕێزلێنانیان پێبەخشرا.

 

ڕۆژی دووشەممە ڕێکەوتی ٢٠٢٣/١٠/١٦ ( م. پاکستان محەمەد ئەمین یوسف ) ڕاگری کۆلێژی تەکنیکی سۆران پێشوازی کرد لە هەریەکە لە شاندی سەرۆکایەتی زانکۆی پۆلیتەکنیکی هەولێر سەرۆکی لیژنە بەڕێز ( ئەحمەد شێرکۆ ) و ئەندامانی لیژنە هەریەکە لە بەڕێزان ( ساڵح ڕەسوول محەمەدئەمین نوێنەری گەنجینەی سۆران ، ڕائید ڕەوەند نوێنەری بەرگری شارستانی سۆران ) .

دواتر ئەندامانی شاندەکە ، بە ئامادەبوونی (م. فاخر محەمەدئەمین) بەرپرسی هۆبەی بەشەناوخۆییەکان و ئەندامی لێژنە و لیژنەی تەندروستی و سەلامەتی کۆلێژەکەمان ، سەردانی بەشەناخۆیی کوڕانیان کرد بە مەبەستی بە کرێ گرتنی بینایەی بەشەناوخۆیی و نوێ کردنەوەی گرێبەست و پێدانی ڕێنمایی و هەبوونی خاڵەکانی مەرجی تەندروستی لە بینایەکەدا .