ڕۆژی چوارشەممە رێکەوتی ٢٠٢٣/٢/١٥ لە رۆژی جیهانی شێرپەنجەی منداڵان دا بەسەرپەرشتی ماموستایانی بەشی شیکاری نەخۆشییەکان (م. هەڤرس عبدی ) و (م.کاژین مطلب ) و (م.دیمەن فاخر ) و (م.شرین جبار) و (م.شریهان حکمت) و قوتابیانی بەشی شیکاری نەخۆشیەکان بەیانیان قۆناغی دووەم ،هەڵسان بە ئەنجامدانی چالاکی هۆشیار کردنەوە لە نەخۆشی شێرپەنجەی خوێن بۆ قوتابیان ۆ مامۆستایانی هەردوو قوتابخانە.
لەسەرەتا دەستکرا بە پێشکەش کردنی سمیناری زانستی کە ناوەڕۆکەکەی باس لە هۆکاری دروست بوونی نەخۆشی شیرپەنجە و خۆپاراستن و ناسینەوەی نیشانەکان و دەست نیشان کردنی نەخۆشیەکە و چۆنیەتی چارەسەرکردنی کرا.
پاشان دەستکرا بە دابەش کردنی برۆشۆر و پۆستەر بەسەر قوتابیان و ئەنجامدانی پشکنینی شەکرەی خوین دیاری کردنی کێشی لەش بە حالەتەکانی ئاسایی و نائاسایی و چەندین چالاکی تر.
بە ناوی کۆلێژی تەکنیکی سۆران سوپاسی بەڕێوەبەر و مامۆستایانی هەردوو قوتابخانەکان دەکەین کە زۆر هاوکارمان بوون بۆ ئەنجامدانی چالاکییە.
