زانکۆی پۆلیتەکنیکی هەولێر و زانکۆی نێودەوڵەتیی تیشک کۆبوونەوەیەک لەبارەی کۆنفرانسی ئەندازیاری نێودەوڵەتی هاوبەش ئەنجامدەدەن

ڕۆژی دووشەممە ڕێکەوتی 16ـی کانونی دووەمی 2023 کۆبوونەوەیەکی هاوبەش ئەنجامدرا لە نێوان هەردوو زانکۆی پۆلیتەکنیکی هەولێرو زانکۆی تیشکی نێودەوڵەتی لەگەڵ ئێوارە خوانێک بە ئامادەبوونی هەردوو سەرۆک زانکۆ و یاریدەدەرانی سەرۆک زانکۆ و ژمارەیەک لە ئەندامانی لێژنەکانی کۆنفرانسی ئەندازیاری نێودەوڵەتی هاوبەش کە ساڵانە لە مانگی شوبات ئەنجام دەدرێت.

لە کۆبوونەوەکەدا بە شێوەیەکی گشتی هاوکاری و هەماهەنگیی نێوان هەردوو زانکۆ دووپاتکرایەوە، هەروەها باسی شێواز و چۆنیەتی ئەنجامدانی کۆنفرانسی زاستی لە بوارەکانی ئەندازیاری شارستانی و کۆمپیوتەر کە بڕیارە لە ڕۆژانی 15-16/2/2023 ئەنجام بدرێت گفتوگۆی لەسەر کرا وە بڕیاری گونجاوی لەبارەوە درا.

شایانی باسە لەژێر ڕۆشنایی یاداشتی لیێگەیشتنی نێوان هەردوو زانکۆی پۆلیتەکنیکی هەولێرو زانکۆی تیشکی نێودەوڵەتی، چەندەها کاروچالاکی زانستی ئەنجامدراوە و تا ئێستاش بەردەوامەوە گرنگترینیان:

ـ (8) کۆنفرانسی زانستی لە بواری ئەندازیاری شارستانی و کۆمپیوتەر

ـ (8) چالاکی و پێشبڕکێی قووتابیان

ـ کردنەوەی خوێندنی ماستەری هاوبەش کە تائێستا (16) قوتابی لە بوارەکانی ئەندازیاری سودمەند بوون و بڕوانامەی ماستەریان بەدەست هێناوە.