رۆژی یەکشەممە 11ـی دیسەمبەری 2022 سەرۆکی زانکۆ پ.د. ئیدریس محمدطاهر هەرکی بەیاوەری یاریدەدەری سەرۆکی زانکۆ بۆ کاروباری قوتابیان، بەڕێوبەری تۆماری گشتی سەرۆکایەتی زانکۆ و هەردوو راگری کۆلێژی تەکنیکی ئەندازیاری و کارگێڕی هەولێر، سەردانی هۆڵی تاقیکردنەوەکانی هەردوو کۆلێژی ناوبراویان کرد.
سەرۆکی زانکۆ و شاندی یاوەری سەردانی هۆڵی تاقیکردنەوەکانی سەرجەم بەشە زانستییەکانی هەردوو کۆلێژەکەیان کرد و لە نزیکەوە ئاگاداربوون لە چۆنیەتی بەڕێوەچوونی تاقیکردنەوەکانی کۆتایی سمستەری یەکەم و هەروەها لە کێشە و گرفتەکانیان کۆڵییەوە و هیوای سەرکەوتنیان بۆ قوتابییان خواست.
