رۆژی یەکشەممە رێکەوتی 13ـی شوباتی 2022 لە هۆڵی بۆنەکانی سەرۆکایەتی زانکۆ بە ئامادەبوونی سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی و ژمارەیەک لە ئەندامانی ئەنجومەنی زانکۆ و راگری پەیمانگەی تەکنیکی خەبات مامۆستا سۆران ذنون یاسین و نوێنەرانی رێکخراوی (ئی سی ئۆ)کوسوڵی هۆڵەندی مەراسیمی کردنەوەی خولی کشتوکاڵی لەژێر ناونیشانی (پرۆگرامی گەشەپێدانی کەرتی کشتوکاڵی لە عێراق) بەرێوەچوو.
لە سەرەتای مەراسیمەکەدا سەرۆکی زانکۆ د. کاوە شێروانی وتەیەکی کورتی پێشکەش کرد و تیایدا سوپاسی رێکخەرانی خولەکە و رێکخراوە هۆڵەندییەکە و پەیمانگەی تەکنکی خەباتی کرد، هەروەها بە گرنگییەوە باسی لەم خولانە کرد کە لە بواری کشتوکاڵی سوودیان هەبێت بۆ بەرەوپێشچوونی کەرتی کشتوکاڵ لە کوردستان بۆ ئەوەی وڵاتمان پشت بە یەک سەرچاوەی داهات نەبەستێت کە بەداخەوە لە ئێستادا گرنگییەکی ئەوتۆ بە کشتوکاڵ نادرێت.
هەروەها لە بەشێکی دیکەی وتەکەیدا سەرۆکی زانکۆ باسی لە ئەرکی زانکۆکان کرد بۆ دروست کردنی کادری ناوەندی لە بازاڕی کار بۆ بوارەکە و گرنگیدان بە بەشە کشتوکاڵییەکان.
خوولەکە بە هەماهەنگی زانکۆی پۆلیتەکنیکی هەولێر و رێکخراوی (ئی سی ئۆ)کوسوڵی هۆڵەندی بەڕێوە دەچێت بۆ، ماوەی 5 ڕۆژ لە بەڕێوەبەرایەتی گشتی سەنتەری توێژینەوەی زانکۆ بەردەوام دەبێت بەبەشداری 25 کەس لە ئەندامانی لێژنەی تایبەت و تەکنیکارانی بەشە کشتوکاڵیەکانی زانکۆ
