رۆژی چوارشەممە رێککەوتی 11ـی نۆڤەمبەری 2020 زانکۆی پۆلیتەکنیکی هەولێر و زانکۆی موسڵ بە هاوکاری رێکخراوی سپارکی هۆڵەندی یەکەمین کۆنفرانسی زانستی بە شێوەی ئۆنلاین لە ژێر ناونیشانی (ڤایرۆسی کۆرۆنا: ئێستا و داهاتوو) دەستی بە کارەکانی کرد، و ماوەی دوو رۆژ بەردەوام دەبێت.
کۆنفرانسەکە لە کاژێر 11ـی پێش نیوەرۆ بە بەشداری زیاتر لە 300 کەس لە نوێنەرانی وەزارەتی خوێندنی باڵای هەرێم و بەغدا ، نوێنەری کونسولخانەی هۆڵەندا، ئەکادیمی و رێکخراوە ناحکومییەکان دەستی پێکرد سەرەتا سروودی نیشتمانی عێراق و کوردستان پێشکەش کرا و دواتر هەر یەکە لە سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی و سەرۆکی زانکۆی موسڵ پ.د. قوسەی کمال الدین الأحمدي وتەی بەخێرهاتنیان پێشکەش کرد و سوپاسی رێکخراوی سپارکیان کرد بۆ ئەو هەماهەنگی و پاڵپشتییەی کە لە ماوەی رابردوو بۆ بەرەوپێش بردنی بواری خوێندن پێشکەشی کردووە،
دواتر سەرۆکی دەزگای سەرپەرشتی و دڵنیایی جۆری لە وەزارەتی خوێندنی باڵای حکومەتی هەرێمی کوردستان د. محمد حسین احمد وتەیەکی پێشکەش کرد و ئەنجامدانی کۆنفرانسەکەی لەم کاتەدا بە گرنگ وەسف کرد و هیوای خواست کە ئەم جۆرە چالاکییانە بەردەوامییان هەبێت بۆ بەرەوپێش بردنی ئاستی زانستی و توێژینەوەی توێژەران.
کۆنفرانسەکە پێک دێت لە 8 پەناڵ لە رۆژی یەکەم چوار پانێڵ و رۆژی دووەم چوار پانێڵ بەڕێوەدەچێت کە ژمارەیەک توێژینەوەی توێژەر و مامۆستایانی زانکۆمان لەخۆ دەگرێت کە ژمارەیان (9) توێژینەوە و هەڵسەنگێنەرە کە سەرجەمیان لە بارەی پەتای کۆڤید19 ـەوەن.
شیاوی باسە کۆنفرانسەکە بە هاوکاری و رێکخراوی سپارکی هۆڵەندی بەرێوەدەچێت و بڕیارە دوو رۆژ بەردەوام بێت.
