ئەمڕۆ یەکشەممە رێککەوتی 8ـی ئاداری 2020 شاندێکی وەزارەتی پێشمەرگە بە یاوەری راوێژکارانی ئەڵمانی سەردانی سەرۆکایەتی زانکۆی پۆلیتەکنیکی هەولێریان کرد و لە لایەن سەرۆکی زانکۆ پ.ی.د. کاوە عبدالکریم شێروانی پێشوازییان لێکرا.
لە دیدارەکەدا کە هەریەکە لە یاریدەدەری سەرۆکی زانکۆ بۆ کاروباری زانستی و ژمارەیەک لە بەڕێوبەرانی سەرۆکایەتی زانکۆ ئامادەی بوون، شاندی ناوبراو داوایان لە سەرۆکی زانکۆ کرد کە پێکەوە کار لەسەر کردنەوەی چەند خولێکی کورتخایەن بکەن بۆ راهێنەرە ناوخۆییەکانی پێشمەرگە لە رووی وتنەوە ی ئەکادیمیانەی وانەکان ، بۆ ئەم مەبەستەش سەرۆکی زانکۆ پ.ی.د. کاوە شێروانی رەزامەندی نیشاندا کە بە هەموو شێوەیەک هاوکاری وەزارەتی پێشمەرگە دەبن و ئامادەیی تەواوی زانکۆی دەربڕی بۆ هەموو هاوکاری کردنێک.
لە لای خۆیانەوە شاندەکەی وەزارەتی پێشمەرگە سوپاسی سەرۆکی زانکۆیان کرد بۆ پێشوازی و رەزامەندی دەربرینیان لە هاوکاری کردنی وەزارەتی پێشمەرگە بۆ بەرێوەبردنی خولەکان.
