رۆژی یەکشەممە ٢٧ کانوونی دووەمی ٢٠١٩ تاکو ٣١ کانونی دووەمی ٢٠١٩ سەرۆکایەتی زانکۆی پۆلیتەکنیکی هەولێر وۆرکشۆپێکی تایبەت بە کارکردنی کارمەندانی یەکەی راگەیاندنی کۆلێژ و پەیمانگەکان بەڕێوەبرد لە هۆڵی کۆنفرانسەکانی سەرۆکایەتی زانکۆ
وۆرکشۆپەکە لەژێر ناوی ( بەرهەمهێنان میدیای هەواڵ،فۆتۆگرافی، ڤیدیۆگرافی روناکی) بوو، کە تیایدا ١٥ بەرپرس و کارمەندانی یەکەی راگەیاندن بەشداریان کرد و ئاشنا کران بە چۆنیەتی وێنەگرتن و ڤیدیۆ دۆکیۆمێنتاری و هەواڵ نوسین.
ماوەی ٥ رۆژ و رۆژانە بۆ ماوەی ٧ کاتژمێر و نیو بەشێوەی چڕ و ورد بەردەوام بوو وانەکان لەلایەن دوو شارەزایی بواری میدیای و پسپۆڕ وترانەوە رۆژانی ٢٧ و ٢٨ کانوونی دووەم وانەی تایبەت بە نوسین، دارشتن و قاڵبەکانی هەواڵ لەلایەن (عبدالخالق ٳبراهیم) مامۆستا لە پەیمانگەی تەکنیکی کارگێڕی هەولێر و پسپۆڕی بواری میدیای نووسراو وترایەوە و بەشداربووان بەشێوازی نوێ و تازەی کارکردن و دارشتنی هەواڵ و راپۆرت و ستۆری و راپۆرتە هەواڵ ئاشناکران، بەشێوەی تیۆری پراکتیکی .
رۆژانی ۲۹-۳۱ـی کانونی دووەم وانەکان تایبەت بوون بە هونەر و تەکنیکی وێنەگرتن و روناکی و ڤیدیۆگرافی و دۆکیۆمێنتیاری و لەلایەن پسۆری و شارەزای بواری کامێرا و وێنەگرتن( شڤان هەرکی) وترانەوە بەشداربووان راهێنران لەسەر چۆنیەتی وێنەگرتنی بۆنە و مەراسیم و وۆرکشۆپ و چالاکیەکان هەروەها روناکی و بەکارهێنانی کامێرا و جۆرەکانی.
لەکۆتا رۆژی خولەکەدا بەشداربوان و راهێنەران لەلایەن دکتۆر نەجیب تۆما یاریدەدەری سەرۆکی زانکۆ بروانامەی بەشداربوونیان پێبەخشرا
دکتۆر نەجیب لە وتەیەکدا وتی: ئامانجی ئێمە لەو خولانە زیاتر بە تەکنیک و پسپۆری و پرۆفیشناڵکردنی کاری زانکۆکەمانە و دەمانەوێتە لەگشت بوارەکاندا پشت بەلایەنی زانستی و پڕۆفیشناڵی ببەستین و ئەو خولەش بۆ ئەوەی تا لەگەڵ جیهانی گەورەی میدیایدا تێکەڵ بین و بتوانین چالاکیەکانمان بە فێرخوازان و تەواوی زانکۆکانی تر بگەیەنین و ببینە هۆکاریك بۆ گواستنەوەی زانیاری.
