ڕۆژی پێنج شەممە رێکەوتی ۲۷/٦/۲۰۱۹ شاندی ژمارەیەک زانکۆی وڵاتی تورکیا سەردانی سەرۆکایەتی زانکۆی پۆلیتەکنیکی هەولێریان کرد.
بە ئامادەبوونی راگری پەیمانگەی تەکنیکی شەقڵاوە د. عبدالهادی عمر قۆجە، یاریدەدەری سەرۆکی زانکۆ بۆ کاروباری کارگێڕی و دارایی پ.ی.د. جودت جعفر خطاب پێشوازی کرد لە شاندی زانکۆکانی
Bolu Abant Izzet Baysal University
Harran
Karabük University
لە کۆبوونەوەیەکدا لەگەڵ شاندی ناوبراو باس لە پەرەپێدانی پەیوەندی نێوان ئەو زانکۆیانە و زانکۆی پۆلیتەکنیکی هەولێر کرا.
رۆژی سێ شەممە رێكه‌وتى 25/6/2019 بە ئاماده‌بوونی بەرێزان د.صباح زێبارى – ئه‌ندامى په‌له‌مانى كوردستان، سفین جاسم محمد نوینه‌رى به‌رێوه‌به‌رى گشتى ته‌ندروستى هه‌ولێر، جبار ره‌حیم نه‌قیبى سه‌ندیكاى كارمه‌ندانى ته‌ندروستى هه‌ولێر، شاخه‌وان سلیم سه‌رۆكى لقى هه‌ولێرى سه‌ندیكاى كارمه‌ندانى ته‌ندروستى و چه‌ندین مامۆستا و ده‌رچوویەک، به‌شى پشكنینى چاو لە په‌یمانگه‌ى ته‌كنیكى پزیشكى هه‌ولێر دیبه‌یتێكی له ژێر ناوونیشانى : (ئاینده‌ى پشكنینى چاو و كێشه‌كانى پشكێنه‌رانى چاو له هه‌رێمى كوردستان) له هۆڵى كونفراسه‌كانی سەرۆکایەتی زانکۆ ئه‌نجامدا.
سەرەتا وتاری سەرۆکی زانکۆ لە لایەن یاریدەدەری سه‌رۆكى زانكۆ پ.ی. د.جودت جعفر خطاب پێشکەش کرا و تیایدا دەستخۆشی لە رێکخەران و و پانێلیستەکانی کردهەروەها سوپاسی میوانان و ئامادەبووانی کرد، دواتر راگری پەیمانگەی پزیشکی هەولێر پ.ی.م. ئومێد ارشد حه‌وێزى لە وتەیەکدا باسى لە گرنگى دیبه‌یتى كرد، پێش ده‌ست پێكردنى پانێله‌كان لایه‌ن رێكخه‌رى دیبه‌یت د.مراد امیر احمد وتارێکی له سه‌ر به‌شى پشكنینى چاو پێشكەش كرد.
په‌نێلى یه‌كه‌م:
به بەشداری به‌رێزان: د.صباح زێبارى ئه‌ندامى په‌رله‌مانى كودستان، سفین جاسم محمد : نوێنه‌رى به‌رێوه‌به‌رى گشتى ته‌ندروستى هه‌ولێر ، جبار ره‌حیم نه‌قیبى سه‌ندیكاى كارمه‌ندانى ته‌ندروستى هه‌ولێر ، د.مراد امیر احمد ، سه‌روكى به‌شى پشكنینى چاو له زانكوى پولى ته‌كنیكى هه‌ولێر ده‌ستى پێكرد و به تێر و ته‌سه‌لی باسى رێنمایه‌كان و یاساكانى ته‌ندروستى و پشكنینى چاو كرا و مێوانه به‌رێزه‌كان ئاماده‌یى خۆیان بۆ پشتگیرى له هه‌موو راسپارده‌كانى دیبه‌یت ده‌ربڕى و سوپاسى زانكۆى پولیته‌كنیكى هه‌ولێریان كرد.
په‌نێلى دووه‌م:
به بەشداری به‌رێزان : شاخه‌وان سلیم ، سه‌رۆكى لقى هه‌ولێرى سه‌ندیكاى كارمه‌ندانى ته‌ندروستى ، كاك جرجیس یوسف نه‌باتى , كاك عبدالله محمد خدر و كاك عرفان عزالدین موسته‌فا چه‌ندین بابه‌تى پیشه‌یى و سه‌ندیكایى وتوێژی لەبارەوە كرا و دەرگای پرسیار و گفتوگۆ کرایەوە بۆ ئامادەبووان و ئەوانیش بە را و سەرنجەکانیان دیبەیتەکەیان دەوڵەمەندتر کرد، له كۆتایىدا ، بروانامەی رێزلێنان به سه‌ر بەشداربووان و رێکخەری دیبه‌یت دابه‌ش كرا.
رۆژی دووشەممە رێکەوتی ۲٤ی حوزەیرانی ۲۰۱۹ شاندێکی زانکۆی پۆلیتەکنیکی هەولێر بەسەرۆکایەتی د. نەجیب تۆما بتۆ یاریدەدەری سەرۆکی زانکۆ بۆ کاروباری زانستی بەشداریان لە وۆرکشۆپێک لەژێر ناوی (پەرەپێدانی ستراتیژیەتی زانکۆکانی کوردستان ) لە وڵاتی چیک کرد کە ماوەی سێ رۆژ دەخایەنێت.
لە درێژەی چالاکیەکانی پرۆژەی(تیگریس) بۆ بە جیهانی کردنی ستراتیژیەتی زانکۆکانی کوردستان و پەرەپێدانی تواناکان لە خوێندنی باڵا، کە یەکێکە لە پرۆژەکانی (ئیراسموس) و یەکێتی ئەوروپا تەمویلی دەکات لەزانکۆی مەساریک- شاری بڕنۆ لە وڵاتی چیک کە ماوەی ۳ ڕۆژ دەخایەنێت لە ۲٤تا ۲٦ـی حوزەیرانی ۲۰۱۹ و شاندێکی باڵای زانکۆی پۆلیتەکنیکی هەولێریش بەشدارە”.
شاندەکەی زانکۆی پۆلیتەکنیکی هەولێر بۆ وۆرکشۆپەکە پێکهاتووە لە د. نجیب تۆما بتۆ یاریدەدەری سەرۆکی زانکۆی پۆلیتەکنیکی هەولێر بۆ کاروباری زانستی، دکتۆر رەنج سیروان بەڕێوبەری ئۆفیسی نێودەوڵەتی سەرۆکایەتی زانکۆی پۆلیتەکنیک.
ئامانجی وۆرکشۆپەکە بریتیە لە :
٭پەرەپێدانی ستراتیژیەتی زانکۆکانی کوردستان کە بەشداربوون لەم پرۆژەکە ژمارەیان ۹ زانکۆیە لەگەڵ وەارەتی خوێندنی باڵا و توێژینەوەی زانستی.
٭ پەرەپێدانی سیستەمی کارگێڕی بەنێودەوڵەتی کردنی خوێندنی دکتۆرا لە کوردستان.
٭ هەروەها پرۆسەی بەڕێوەچوونی پرۆژەکە لە ڕووی دارایی و کارگێڕیەوە بەووردی باس کرا لە وۆرکشۆپەکە.
زانکۆی پۆلیتەکنیکی هەولێر هەنگاوەکانی ریفۆرم و جێبەجێ کردنی پرۆسەی بۆلۆنا و سیستەمی ئی سی تی ئێس لە کۆلێژ و پەیمانگەکانی زانکۆ وە دەست پێکرد.
دوای هەوڵ و ماندووبونێکی زۆر بۆ داڕشتنی چوارچێوەی هەنگاوەکان، ئەمرۆ ۲٤ـی حوزەیرانی ۲۰۱۹ شاندێک بە راسپاردەی سەرۆکایەتی زانکۆ و پاڵپشتی سەرۆکی زانکۆ پ.ی.د. کاوە شێروانی وۆرکشۆپێکی لە پەیمانگەی تەکنیکی شەقلاوە ئەنجامدا لەلایەن راگری پەیمانگەی تەکنەلۆجی د. بۆتان مەجید ئاسنگەر هەولێر و بەهاوکاری بەڕێوەبەری کاروباری زانستی لەسەرۆکایەتی زانکۆ د. هۆشیار امین، یاریدەدەری راگری پەیمانگەی تەکنیکی کارگێری هەولێر پ.ی. م. دلاوەر جلال غریب و بەڕێوبەری پرۆگرامەکانی خویندن مامۆستا کۆڤان عمر، بۆ ئاشناکردنی مامۆستایان بە سیستەمی خویندنی نوێ کە بریارە بۆ ساڵی خویندنی ٢٠١٩ – ٢٠٢٠ جێ بەجێ بکریت لە زانکۆ.
بڕیار وایە رۆژانی داهاتوو ئەم وۆرکشۆپانە بەردەوام دەبن لە گشت کۆلێژ و پەیمانگەکانی زانکۆ کە تیمیکی دیکەی زانکۆ کە پێک هاتوون لە بەرێزان د. توانا احمد، د.عفان عثمان د.بهمن م.سعد هادي چاوشلی بەشێکی ئەم ئەرکەیان گرتۆتە ئەستۆ.
