سەنتەری راهێنانی پێداگۆچی و پەرەپێدانی ئەكادیمی لە زانکۆی پۆلیتەکنیکی هەولێر رایدەگەینێت كە رۆژی یەكشەمە رێککەوتی ۱ـی کانونی یەکەمی ۲۰۱۹ كاژێر ١٠:٠٠ بەیانی كۆرسی پێداگوچی دەستپێدەكات.
بۆ ئەم مەبەستە داوا لەو خوازیارانەی كە ناویی خۆیان تۆمار كردووە لەو رێککەوتە ئامادەبن، بە پێچەوانەوە مافی بەشداربوونی نابێت.
لیستی مامۆستا وەرگیراوەکان
شوێن سەنتەری توێژینەوەی زانستی زانکۆی پۆلیتەکنیکی هەولێر لە ناو کەمپی پەیمانگەی .تەکنەلۆجی هەولێر
لە رۆژانى ٢١ و ٢٢ ى تشرینى دووەمى ٢٠١٩، شاندێکى زانکۆى پۆلیتەکنیکى هەولێر کە پێکهاتبوون لە بەڕێزان مامۆستا ڕەوشەن عثمان عەلی و مامۆستا بێستوون عبدالمجید عثمان مامۆستا لە پەیمانگەى تەکنیکى کۆیە بەشداریان لە شانزەهەمین خولی ساڵانەى کۆنفڕانسی نێودەوڵەتى کرد لە وڵاتی چین. ئەم کۆنفڕانسە لەلایەن زانکۆى
Three Gorge University
لە شارى ینچوان بەڕێوەچوو.
لەم کۆنفڕانسە، نوێنەرانى زانکۆ کورتە باسێکیان لەبارەى مێژووى زانکۆى پۆلیتەکنیکى هەولێر پێشکەشکرد. شایەنى باسە زیاتر لە ٢٩ زانکۆ و رێکخراوی نێودەوڵەتى لە ١٥ وڵاتی جیاواز بەشداری ئەم کۆنفرانسەیان کرد.
کۆنفرانسی ئێن.ئی.دەبلیو. ئێس بۆ یەکەمجار لە ساڵی ١٩٩٤ لەلایەن زانکۆى بەرلین دەستپێشخەری ئەنجامدانی کرا، کە تیایدا تۆرێکى هاوبەشیان دروستکرد کە لە زانکۆ و کۆلێژى ناحکومی وڵاتانى ئەروپا و رۆژهەڵاتی ئاسیا پێکهاتبوون لەژێر ناوى ئێن.ئی.دەبلیو. ئێس کە کورتکراوەى باكور ،باشور، رۆژهەڵات و رۆژئاوا ، وە نوێنەری وڵاتانی سەرانسەری جیهان لەخۆدەگرێت.
ئەمڕۆ چوارشەممە ٢٠ تشرینی دووەمی ٢٠١٩ لە سەرۆکایەتی زانکۆی سەڵاحەددین یاداشتی لێکتێگەیشتینی (ئێم ئۆ یو)ی ئەکادیمی لەنێوان هەردوو زانکۆی پۆلیتەکنیکی هەولێر و زانکۆی سەڵاحەددین بۆ بنیاتنان و پەرەپێدانی هاوبەشی ئەکادیمی.
واژۆکردنی یاداشتەکە بەسەرپەرشتی هەردوو سەرۆک زانکۆ پرۆفیسۆری یاریدەدەر دکتۆر کاوە عەبدولکەریم شێروانی سەرۆکی زانکۆی پۆلیتەکنیکی هەولێر و پڕۆفیسیۆری یاریدەدەر دکتۆر ئەحمەد ئەنوەر دزەیی سەرۆکی زانکۆی سەڵاحەددین، هەروەها ئامادەبوونی یاریدەدەرانی هەردوو سەرۆک زانکۆ بۆ کاروباری زانستی، بەڕێوەبەری ئۆفیسی نێودەوڵەتی لە زانکۆی پۆلیتەکنیکی هەولێر.
هەر لەو چوار چێوەیەدا زانکۆی پۆلیتەکنیکی هەولێر و زانکۆی سەڵاحەددین رێککەوتنێکیان واژوو کرد کە خوێندنی ماستەر و دکتۆرا بەیەکەوە بکەنەوە کە لە لایەن مامۆستاکانی هەردوو زانکۆوە سەرپەرشتی قوتابیان بکرێت، بەتایبەتی لەو پسپۆڕییانەی کە لە زانکۆی پۆلیتەکنیکی هەولێر نیە، بۆ ئەم مەبەستە زانکۆی سەڵاحەددین ئامادەیی دەربڕی کە ماستەر و دکتۆرا بە تایبەتی بۆ مامۆستایانی زانکۆی پۆلیتەکنیکی بکاتەوە.
واژۆکردنی یاداشتی لێکتێگەیشتنی (ئێم ئۆ یو)ی ئەکادیمی ، وەک رێکەوتنێکی هاوبەشی ئەکادیمی واییە لەنێوان هەردوو زانکۆ و ئامانجی یاداشتەکە لە چوارچێوەی رێکەوتنێکی دوو لایەنەیە بۆ بنیاتنان، بەرەوپێشبردن و هەماهەنگی ئەکادیمی نێوان هەردوو زانکۆکە، کە تیایدا چەند ئامانجێک لە خۆ دەگرێت.
ناوەڕۆکی یاداشتەکە پێکدێت لە کۆمەڵێک خاڵ لەوانە هەنگاونان بۆ بنیاتنانی هاوبەشی ئەکادیمی بەردەوام لەنێوان هەردوو زانکۆ، بۆ بەستنی کۆنفرانس و وۆرکشۆپ و سیمپۆزیەمی زانستی و ئەکادیمی و هەروەها توێژینەوەی زانستی ، ئاڵوگۆڕی توانا مرۆییەکان و هەروەها سود وەرگرتن لە لایەنی تەکنیکی یەکتر لە ڕووی تاقیگە و ئامێر و ستافی ئەکادیمی و توانای زانستی هەردوولا .
دوای واژوو کردنی یاداشتەکە لە وتەیەکدا سەرۆکی زانکۆی پۆلیتەکنیکی هەولێر پرۆفیسۆری یاریدەدەر د. کاوە عبدالکریم شێروانی سوپاسی سەرۆکی زانکۆی سەڵاحەددین پرۆفیسۆری یاریدەدەر د. ئەحمەد ئەنوەر دزەیی کرد لە بەرامبەر هاوکاری کردن و هەماهەنگی نێوان هەردوولا بۆ بەرەو پێش بردن و بنیاتنانی لایەنی ئەکادیمی و زانستی هەردوو زانکۆکە.
ئامانجی یاداشتەکە بەرزکردنەوەی توانای ئەکادیمی و زانستی نێوان هەردولا و قوتابیان و مامۆستایان و هەروەها زیاتر بەرەوپێشبردنی تواناکانی قوتابیان لە لایەنی تەکنیکی و مرۆیی و راهێنانەکان وبەشێوەیەکی سەردەمی.
لە درێژەی کار و چالاکیەکانیدا، لێژنەی چالاکییە زانستیەکانی زانکۆی پۆلیتەکنیکی هەولێر هەڵدەستێت بە ئەنجامدانی وۆرکشۆپێکی یەک مانگی بۆ گشت ستافی ئەکادیمی کۆلیژ و پەیمانگاکان، کە زیاتر لە هەشت ناونیشان لەخۆ دەگرێت.
گرنگترین بابەتەکانی ئەم وۆرکشۆپە بریتییە لە پێداویستییەکانی توێژەران و مەرجەکانی بەرجەستەکردنی دلنیایی جۆری لە زانکۆکان، سیمینار و چالاکیەکانی ئەم وۆرکشۆپە لەلایەن کەسانی شارەزا پێشکەش دەکرێت، هەروەک لە وێنەکەدا ئاماژەی پێکراوە.
شوێن: هۆڵی سەنتەری توێژینەوەی زانستی زانکۆی پۆلیتەکنیکی هەولێر
کاتی دەستپێک لە رۆژانی وۆرکشۆپ کاژێر : ۱۰:۳۰ -۱۲:۳۰
کلیک لێــــرە بکە بۆ خۆ تۆمار کردن:
