Blog

لە ژێر چاودێری پ.ی .د .کاوە شێروانی سەرۆكی زانكۆی پۆڵیتەكنیكی هەولێر ڕۆژی پێنج شەممە ڕێكەوتی ٢٠١٩/٤/۲٥ لە باخچەی سەرۆکایەتی زانکۆ پێشانگای فۆتۆگرافی بەڕێوە چوو.

بە ئامادەبوونی سەرۆکی زانکۆی بۆلیتەکنیکی هەولێر و سەرۆکی پێشووی زانکۆ و ئەندامانی ئەنجومەنی زانکۆ پێشانگایەکی فۆتۆگرافی بۆ هەریەکە لە محمد عمر موسەوی و شاوێن نەوزاد کارمەندانی زانکۆ و شڤان هەرکی قوتابی بەشی تەکنیکی میدیا لە کۆلێژی تەکنیکی کارگێڕی هەولێر کرایەوە، کە تیایدا ژمارەیەک وێنە نمایش کرا کە خۆی دەبینیەوە لە سروشت و ژیانی ئاسایی و وێنەی جەنگی ژیانی کوردەواری.

لە كۆتایدا سەرۆکی زانکۆ دەستخۆشی لە هەرسێ فۆتۆگرافەر کرد و هیوای بەردەوامی و سەرکەوتنی بۆ خواستن.

لەژێر چاودێری سەرۆکی زانکۆی پۆلیتەکنیکی هەولێر، بەشی تەكنیكی میدیا لە كۆلیژی تەكنیكی كارگێڕی هەولێر یادی 121 ساڵەی ڕۆژنامەگەری كوردی  مەراسیمێكی بە چەند چالاكییەكی یادی رۆژنامەگەری كوردی ڕێكخست.

ئەمرۆ 25/4/2019 لە هۆڵی کۆنقرانسەکانی سەرۆكایەتی زانكۆی پۆلیتەكنیكی هەولێر بە ئامادەبوونی سەرۆكی زانكۆ و جێگری سەرۆكی پەرلەمانی كوردستان و سەرۆکی پێشووی زانکۆ و ژمارەیەك لە بەرپرسانی دەزگاكانی میدیایی لە كوردستان و رۆژنامەنووسان و قوتابیان مەراسیمەكە بە دەقیقەیەك وەستان بۆ گیانی پاكی شەهیدان دەستی پێكرد.

لە وتەیەكدا سەرۆكی زانكۆ پ.ی.د. كاوە عبدالکریم شێروانی وێرای پیرۆزبایی لەیادەکە و دەستخۆشی بۆ بەشی تەكنیكی میدیا لە رێكخستنی مەراسیمەكەدا، ئاماژەی بۆ ئەوەشكرد كە ئەو یادە لە زهنی گەلی كورددا بە زیندوویی دەمێنێتەوە وشانازی بەرێبەرانی ئەو رێبازەشەوە دەكەن.

وەك مژدەیەكیش بۆ دەرچوانی بەشی تەكنیكی میدیا گوتی:”ساڵی داهاتوو زانکۆکەمان خوێندنی باڵا ماستەر دەكاتەوە و دەرفەت بۆ هەموو دەرچووانی بەشەكانی راگەیاندن دەڕەخسێنێت تا لەو ڕێگەیەوە بتوانن پەرە بە ئاستی زانستیان بدەن”.
مەراسیمی یادی 121 ساڵەی رۆژنامەگەری كوردی كە ئەمرۆ بەڕێوەچوو ژمارەیەك لە رۆژنامەنووسان رێزیان لێنرا و هاوكات ژمارە 3ی گۆڤاری میدیا 21 بڵاوكرایەوە

ڕۆژی چوار شەممە ڕێکەوتی 24/4/2019 لە پەیمانگەی تەکنیکی شەقڵاوە بە ئامادەبوونی سەرۆک و ئەندامانی ئەنجومەنی زانکۆی پۆلیتەکنیکی هەولێر کۆبوونەوەی ئاسایی خۆی ئەنجام دا.

لە ژێر چاودێری پ.ی .د .کاوە شێروانی سەرۆكی زانكۆی پۆڵیتەكنیكی هەولێر ڕۆژی دووشەممە ڕێكەوتی ٢٠١٩/٤/٢٢ پانێڵێک لە پەیمانگەی تەکنیکی سۆران لە ژێر ناونیشانی (چۆنیەتی پاراستنی کۆمەڵگە لە مەترسیەکانی تەشەنەکردنی ماددە هۆشبەرەکان) بەڕێوە چوو.

پانێڵەکە بە بەشداری هەریەکە لە (مقدم بەختیار كریم-بەرپرسی بانكی زانیاری لە بەڕێوەبەرایەتی گشتی نەهێشتنی ماددە هۆشبەرەكانی هەرێم، جواد سوار محمد-بەرپرسی نوسینگەی مافی مرۆڤ لەسۆران، هەروەها نزار احمد یحیی مامۆستا لەپەیمانگەی تەکنیکی سۆران) بەڕێوەچوو، کە تیایدا باس لە ماددەی هۆشبەر و لێکەوتەکانی کرا کە لە ئێستادا یەکێکە لە گرنگترین بابەتەکانی جیهان و کوردستانە بەتایبەتی لە دەڤەری سۆران بەهۆی شوێنی جوگرافی، کە هاوسنورە لەگەڵ ئێران و تورکیا کە بە سەرچاوەی بڵاو بوونەوەی ماددەکە ناسراون.

ئامانج لە ئەنجامدانی پانێڵەکە هۆشیار کردنەوە و خستنەڕووی کۆمەڵێک زانیاری بوو لەسەر ماددە هۆشبەرەکان، جۆرەکانی، بازرگانی کردن، زیانەکانی هەروەها هۆکاری سەرهەڵدانی ماددە هۆشبەرەکان.

دواتر را و سەرنج و تێبینیەکانی ئامادەبووان دیبەیتەكەیان زیاتر دەوڵەمەند كرد، لە كۆتاییدا ڕاگرایەتی پەیمانگەی تەكنیكی سۆران سوپاس و پێزانینی ئاراستەی رێكخەر و ئەندامانی دیبەیتەكە كرد.