رۆژی پێنج شه‌مه، رێكه‌وتی ٢٢\١١\٢٠١٨ شاندێكی زانكۆی پۆلیته‌كنیكی هه‌ولێر، سه‌ردانی زانكۆی بێڵیڤیڵد-یان كرد له وڵاتی ئه‌ڵمانیا بۆ مه‌به‌ستی سازدانی وۆركشۆپێك زانسته پراكتیكیه‌كان له ئه‌ڵمانیا. شانده‌كه به سه‌رۆكایه‌تی پ.ی.د. كاوه عبدالكریم شێروانی- سه‌رۆكی زانكۆ، به هاوه‌ڵی د. نه‌جیب تۆما- یاریده‌ده‌ری سه‌رۆكی زانكۆ بۆ كاروباری زانستی، د. بۆتان ئاسنگه‌ر راگری په‌یمانگه‌ی ته‌كنه‌لۆجی و پ.ی. ئومێد حه‌وێزی- راگری په‌یمانگه‌ی پزیشكی هه‌ولێر.
زانكۆی پۆلیته‌كنیكی هه‌ولێر ڤیستیڤاڵی ساڵانه‌ی ناودارانی هه‌ولێر راده‌گه‌یه‌نێت
زانكۆی پۆلیته‌كنیكی هه‌ولێر پڕۆژه‌یه‌ك بۆ كه‌سایه‌تیه ناوداره‌كانی شاری هه‌ولێر ڕاده‌گه‌یه‌نێت كه‌وا جێ په‌نجه‌یان هه‌بوه له بواره جیاكان وه‌ك (ئه‌ده‌ب، هونه‌ر، په‌روه‌رده، زانست، وه‌رزش، كۆمه‌ڵایه‌تی، خزمه‌تگوزاری گشتی، ته‌ندروستی، كاری خێرخوازی ، پیشه‌گه‌ری ) له‌ژێر دروشمی (به‌سه‌ركردنه‌وه‌ی ناودارانی هه‌ولێر).
پڕۆژه‌كه، پێشه‌نگ ده‌بێت ده‌رباره‌ی به‌رزكردنه‌وه‌ی ئه‌م جۆره كه‌سایه‌تیانه بۆ ئه‌م مه‌به‌سته‌ش كاره‌كان ده‌ستی پێ كردوه و كۆبوونه‌وه‌ی یه‌كه‌میش به سه‌رپه‌رشتی پ.ی.د.كاوه شێروانی سه‌رۆكی زانكۆی پۆلیته‌كنیكی هه‌ولێر له‌گه‌ڵ چه‌ند كه‌سایه‌تیه‌كی ده‌ره‌وه و ناوه‌وه‌ی زانكۆ بۆ تاوتوێ كردنی ڕێكخستنی چاڵاكیه‌كه له ڕۆژی 4/10/2018 ئه‌نجامدرا. له كۆبوونه‌وه‌كه، تیشك خرانه سه‌ر بابه‌ته‌كه و ڕاو سه‌رنجه‌كان ئاڵوگۆڕ كران.
پێوه‌ری هه‌ڵبژاردنی كه‌سایه‌تیه‌كان له ڕێگه‌ی لێژنه‌ی تایبه‌ت ده‌بێت و له هه‌ر بوارێكیش كه‌سێكی زیندوو و كه‌سێكی كۆچكردوو دیاری ده‌كرێن له سنوری ئیداره‌ی شاره‌وانی هه‌ولێر، ئه‌وانه‌ی خزمه‌تی شاره‌كه‌یان كردوه بێ ڕه‌چاوكردنی شوێنی له‌دایك بوونیان و ساڵانه‌ش ئه‌نجام ده‌درێت.
وا بڕیاره له كۆبوونه‌وه‌ی داهاتوو لێژنه‌ی هه‌ڵسه‌نگاندن و لێژنه‌ی ئاماده‌كاری دیاری بكرێن و بڕیار له‌سه‌ر ڕێكه‌وتی ئه‌نجامدانی چالاكیه‌كه بدرێت.
هه‌ر به‌ڕێزێكیش خۆی پێ شیاوە یاخود ڕاو سه‌رنج و پێشنیارێكی هه‌یه، ده‌توانن له ڕیگه‌ی ئیمه‌یلی ([email protected]) بۆ زانكۆی پۆلیته‌كنیكی هه‌ولێری بنێرن.
رۆژی یه‌كشه‌ممه رێكه‌وتی 22/7/2018 سه‌رۆكایه‌تی زانكۆی پۆلیته‌كنیكی هه‌ولێر كۆبونه‌وه‌ی فراوانی له‌گه‌ڵ ئه‌نجومه‌نی هه‌موو كۆلێژ و په‌یمانگه‌كان و سه‌رۆك به‌شه زانستیه‌كان و به‌رپرسه زانستیه‌كان، تۆمار، دڵنیایی جۆری ئه‌نجامدا.
كۆبوونه‌وه‌كه به سه‌رۆكایه‌تی د.كاوه شێروانی سه‌رۆكی زانكۆ و به یاوه‌ری یاریده‌ده‌ره‌كانی بۆ كاروباری زانستی و دارایی و قوتابیان له هۆڵی كۆنفرانسه‌كانی سه‌رۆكایه‌تی زانكۆ به‌ڕێوه‌چوو.
له كۆبوونه‌وه‌كه به تێرو ته‌سه‌لی باس له ڕیفۆرمی خوێندنی ته‌كنیكی له كوردستان كرا كه‌وا ئێستا وه‌زاره‌تی خوێندنی باڵا به مه‌به‌ستی جێبه‌جێ كردنی، لێژنه‌یه‌كی هاوبه‌شی له زانكۆكانی كوردستان پێكهێناوه به سه‌رۆكایه‌تی د.كاوه شێروانی .
دواتر گفتوگۆ ده‌رباره‌ی سیسته‌می نوێی خوێندن و ساڵنامه‌ی نوێی زانكۆكان كراو هه‌روه‌ها گۆڕانكاریه‌كان له ڕێنماییه‌كانی وه‌رگرتن له زانكۆ پۆلیته‌كنیكیه‌كان بۆ به‌شداربوان روونکرایەوە.
له‌كۆتایی كۆبوونه‌وه‌كه‌ش گفتوگۆ ده‌رباره‌ی خاڵه جیاوازه‌كان كراو ڕاو سه‌رنجه‌كان خرانه ڕوو بۆ زیاتر خزمه‌تكردنی قوتابیانی زانكۆی پۆلیته‌كنیكی هه‌ولێر به‌تایبه‌تی و خزمه‌تكردنی زانست له كوردستان به گشتی.
لەژێر چاودێری بەرێز پ.ی.د.کاوە شێروانی سەرۆکی زانکۆی پۆڵیته‌كنیكی هه‌ولێر، سێیەمین سیمپۆزیمی زانستی لە ژێر ناونیشانی ،،توێژینەوە و بلاوکردنەوه بەئامادە بوونی ژمارەیەکی بەرچاو لە سەرۆک زانکۆ و مامۆستایانی زانکۆکان سازکرا
سەنتەری توێژینەوە وبەهەماهەنگی لەگەڵ لێژنەی ئامادەکاری بۆ ئەنجامدانی ئەم سمپۆزیۆمە هەڵسان بە کۆکردنەوەی کەسانی شارەزاو پڕ ئەزموون له پێنج زانکۆی جیاواز كه جگه له زانكۆی پۆلیته‌كنیكی هه‌ولێر پێكهاتبوون له زانكۆكانی پۆلیتەکنیکی سلیمانی ، زانکۆی دهۆک ، زانکۆی سۆران و زانکۆی کۆیە.
ناوەڕۆکی سمپۆزیۆمەکە خۆی له چه‌ند ته‌وه‌ره‌یه‌ك گرته‌وه، کە بریتی بوون لە دوو سمینار و سێ پانێڵ، كه گرینگی تایبه‌تی خۆیان هه‌بوو بۆ توێژەرەکان به‌مه‌به‌ستی ئاگا داربوون لێیان لەهه‌مووشیان گرنگتر ئاشنا بوونی توێژەران بە ڕێنمایەکانی هاندانی توێژینەوەی زانستی بۆ توێژەران، له هه‌مان كاتدا چۆنیەتی بڵاو کردنەوەی توێژینەوە، و چۆنیەتی ناسینی گۆڤاری ساختە، هه‌روه‌ها گرنگی بەردەست بوونی گۆڤارەکان بۆ توێژەرەکان و گرنگی بەردەست بوونیان لە وێب سایتەکان.
كۆتا ته‌وه‌ره‌ی سیمپۆزیۆمه‌كه بریتی بوو له گفتوگۆ كردن ده‌رباره‌ی ڕێگەچارەی گونجاو بۆ بڵاوکردنەوەی توێژینەوەکان لەگۆڤارە جیهانیەکان کە جێگەی مەتمانە بن.
