شاندێکی زانکۆی پۆلیتەکنیکی هەولێر بەشدارییان لە وۆرکشۆپێکی سێ ڕۆژەی تایبەت بە بۆلۆنا پرۆسێس و جێبەجێکردنی کردنی سیستەمی ئی سیتی ئێس کرد کە لە لایەن یونسکۆ لە ڕۆژانی 15_17/4/2019 رێکخرا بوو
شاندەکە پێکهاتبوون لە یاریدەدەری سەرۆکی زانکۆ بۆ کاروباری زانستی د.نجیب تۆما، مامۆستا کۆڤان عمر بەڕێوبەری پەرەپێدانی پرۆگرامەکانی خوێندن لە سەرۆکایەتی زانکۆ و د بهمن عمر سەرۆکی بەشی ئەندازیاری شارستانی لە کۆلێژی تەکنیکی ئەندازیاری هەولێر، بەشدارییان کرد لە وۆرکشۆپی تایبەت بە بۆلۆنا پرۆسێس، کە لەلایەن ڕێکخراوی یونسکۆ لە هۆتێلی کریستاڵ لە هەولێر، بە سەرپەرشتی شارەزایەکی پێشکەوتوو لە بواری بۆلۆنا پرۆسێس پرۆفیسۆر ئان کاترین جێگری سەرۆکی بەدواداچوونی گروپی بۆلۆنا لە زانکۆی پیزا لە ئیتالیا بە بەشداری حەوت لە زانکۆ پۆلیتەکنیکیەکانی کوردستان و عێراق.
لە وۆرکشۆپەکەدا نوێترین هەنگاوەکانی جێبەجێ کردنی بۆلۆنا پرۆسێس و سیستەمی ئی سی تی ئێس باسکرا لە ولاتانی ئەوروپا و ئەمریکا، وە باس لە هەنگاوەکانی جێ بەجێ کردنی پرۆسەکە کرا و لە ئێستادا زانکۆی پۆلیتەکنیکی هەولێر یەکێکە لەو زانکۆیانەی هەرێمی کوردستان کە کار لەسەر جێبەجێ کردنی سیستەمەکە دەکات و گۆڕینی ڕیفۆرمی خوێندن دەستی پێکردووە و لە گشت کۆلێژ و پەیمانگاکانی سەر بە زانکۆکە.
لە کۆتایی وۆرکشۆپەکە بەرێز خالید خۆشناو بەرپرسی پەروەردە و خوێندنی باڵا لە رێکخراوی یونسکۆ لە هەولێر بڕیاری دا کە وۆرکشۆپی داهاتوو لە سلێمانی ئەنجام دەدرێت.
