Blog

رۆژی سێ شەممە رێکەوتی 3ـی کانونی یەکەمی 2019 سەرۆکی زانکۆی پۆلیتەکنیکی هەولێر پرۆفیسۆری یاریدەدەر د. کاوە عبدالکریم شێروانی پێشوازی لە نووسەر و روناکبیری تورک د. إسماعیل بێشکچی و شاندی یاوەری کرد.

لە دیدارێکدا کە ژمارەیەک لە ئەندامانی ئەنجومەنی زانکۆ و بەرێوبەرانی سەرۆکایەتی زانکۆ و سەرۆکی زامەزرێنەرانی وەقفی بێشکچی لە ئەستەنبوڵ إبراهیم گوربوز و جێگری سەرۆکی وەقفی بێشکچی لە کوردستان روندک فارس ئامادەیبوون، د. إسماعیل باسی لە بارودۆخی کوردستان و عێراق و گۆرانکاریەکانی ناوچەکە کرد هەروەها باس لە چارەسەرکردنی کێشەکان کرا.

رۆژی دووشەممە رێکەوتی 2ـی کانونی یەکەمی 2019 سەرۆکی زانکۆ پرۆفیسۆری یاریدەدەر د. کاوە عبدالکریم شێروانی لە مەراسیمێکدا سەنتەری پێداگۆجی زانکۆی پۆلیتەکنیکی هەولێری لە باڵەخانەی سەنتەری توێژینەوەی زانستی کردەوە.

بە ئامادەبوونی ژمارەیک لە ئەندامانی ئەنجومەنی زانکۆ، راگر، بەرێوبەرانی سەرۆکایەتی زانکۆ و بەرێوبەری سەنتەری پێداگۆجی د. خلیل حسن یونس مەراسیمی کردنەوەی سەنتەرەکە دەستی پێکرد و لەسەرەتادا سەرۆکی زانکۆ وتەیەکی پێشکەش کرد و پیرۆزبایی لە بەرێوبەر و مامۆستایان کرد و باسی لە گرنگی ئەم سەنتەرە کرد بۆ بەرەوپێش بردنی ئاستی مامۆستایان بە شێویەکی سەردەمیانە، لە بەشێکی دیکەی وتەکەیدا سەرۆکی زانکۆ پاڵپشتی تەواوی خۆی بۆ سەنتەرەکە دووپات کردەوە.

کاری سەنتەرەکە بریتی دەبێت لە ئەنجامدانی خولی پێداگۆجی واتا خولی زانستی فێرکردن بۆ مامۆستایانی زانکۆ بە رێگایەکی سەردەمیانە وەکو پێداویستی بۆ وەرگرتنی نازناوی زانستی.

 شاندێکی زانکۆی پۆلیتەکنیکی هەولیر کە پێکهاتبوون لە یاریدەدەری سەرۆکی زانکۆ بۆ کاروباری زانستی د.نجیب تۆما بتۆ و راگری پەیمانگەی تەکنۆلۆجی هەولیر پ.ی د.بۆتان مەجید ئاسنگەر بەشداریان کۆنفرانسی حەوتەمی ساڵانەی رێکخراوی سپارکی هۆلەندی دەکات کە لە شاری ئەمستردام لە وڵاتی هۆڵەندا لە رۆژانی ٢٦ و ٢٧ی نۆڤەمبەر ئەنجامدرا لە ژێر ناونیشانی

IGNITE Conference 2019

کۆنفرانسەکە بۆنەیەکی جیهانییە کە ئاوارەکان، خاوەنکارەکان، پسپۆڕانی خوێندنی باڵا، کەرتی تایبەت، بەرپرسانی حکومەت، رێکخراوە ئەکادیمی و ناحکومیەکان پێکەوە کۆدەکاتەوە بەمەبەستی چاکسازی کردن لە خوێندنی باڵا، بەرزکردنەوەی بەردەوامی توانای ئابووری و بەهێزکردنی سەرکردایەتی کردن لەناو گەنجان لە وڵاتە تازە گەشەسەندووەکان.

زانکۆی پۆلیتەکنیکی هەولیر لە سالی ٢٠١٦ ـەوە تا ئەمرۆ بە پاڵپشتی ریکخراوی سپارک ژمارەیەک لە کورسی خویندنی بۆ قوتابیانی پەنابەری سوری دابینکردووە، بڕیارە لە داهاتوویەکی نزیکدا پرۆژەی دیکە لە بواری فێرکردن و راهێنان لە زانکۆی پۆلیتەکنیکی هەولیر ئەنجام بدرێت بە هاوکاری رێکخراوی سپارک.

زانکۆی پۆلیتەکنیکی هەولێر و زانکۆی تریبوڤانی نیپاڵی کە دووەم زانکۆیە لەسەر ئاستی وڵاتی نیپاڵ یاداشتێکی لێکتێگەیشتینی زانستی و ئەکادیمیان واژۆکرد.

شاندێکی زانکۆی پۆلیتەکنیکی هەولێر کە پێکهاتبوون لە (بێستون عەبدولمەجید عوسمان و رەوەشن عوسمان عەلی) بەنوێنەرایەتی زانکۆی پۆلیتەکنیکی هەولێر لەگەڵ شاندێکی زانکۆی تریبوڤانی نیپاڵی کۆبوونەوە و یاداشتێکی لێک تیگەیشتنی زانستی ئەکادیمیان واژۆکرد بۆ زیاتر گرنگیدان بەلایەنی ئاستی زانستی لە هەردوو زانکۆکە.

یاداشتەکە تایبەتە بە پەرەپێدانی پەیوەندییە زانستی و ئەکادیمییەکانی نێوان هەردوو زانکۆ، ئەوەش سەرەتاییەک دەبێت بۆ پتەوکردنی پەیوەندییە ئەکادیمیەکان و ئەنجامدانی کۆنفرانسی هاوبەش و ئاڵوگۆری ستافی ئەکادیمی قوتابیان وتوێژینەوەی هاوبەش لەنێوان هەردوولادا
زانکۆی تریبوڤان زانکۆیەکی حکومییە و پێکهاتووە لە چوار فاکەڵتی، کە لەسەر ئاستی وڵاتی نیپاڵ دووەم زانکۆیە و لەسەر ئاستی جیهانیش یەکیکە لە زانکۆ ناسراوەکان.