Blog

رۆژی شەممە رێکەوتی 11ـی ئەیلولی 2021 لە هۆتێلی ئەربیلی نێودەوڵەتی بە ئامادەبوونی سەرۆکی زانکۆ پ.ی.د. کاوە عبدالکریم شێروانی، زانکۆی پۆلیتەکنیکی هەولێر و رێکخراوی سپارکی نێودەوڵەتی خولێکی راهێنانی تایبەت بە رەوتەکانی بازرگانی و کارگێڕی کردەوە بۆ ژمارەیەک لە مامۆستایانی هەریەک لە زانکۆکانی پۆلیتەکنیکی هەولێر، تەکنیکی باکوور، ئەلفورات ئەلئەوسەت، موسڵ و پەیمانگەی ئاراراتی ناحکومی.

خولەکە بە سەرپەرشتی زانکۆی پۆلیتەکنیکی هەولێر بۆ ماوەی پێنج رۆژ بەردەوام بوو و لە لایەن راهێنەری نێودەوڵەتی پ.د. حسن یونس پێشکەش کرا.

ئامانجی خولەکە ئامادەکردنی راهێنەرانە بۆ ئەوەی دواتر خولی راهێنانی تایبەت بۆ قوتابیانی زانکۆمان و قوتابی کۆچبەری ناوخۆ و دەرەوە بکەنەوە.

و رۆژی چوار شەممە رێکەوتی 15ـی ئەیلولی 2021 کۆتایی بە خولی راهێنانەکە هات و بروانامەی بەشداربوون لە لایەن سەرۆکی زانکۆکانی پۆلیتەکنکی هەولێر و فورات بەخشرایە بەشداربووان.

شایانی باسە لە ماوەی رابردوو یاداشتنامەی لێکتێگەیشتن لە نێوان زانکۆی پۆلیتەکنیکی هەولێر و رێکخراوی سپارک واژوو کرابوو بەمەبەستی پاڵپشتی کردنی قوتابیانی کۆچبەر و کردنەوەی ئەم جۆرە خولانە.

وا بڕیارە رێکخراوی ناوبراو بە هەماهەنگی زانکۆمان لەم ساڵدا دوو خولی دیکەی راهێنان بکەنەوە لە بوارەکانی ئینگلیزی ئەکادیمی و وێنەی ئەندازەیی.

رۆژی سێ شەممە رێکەوتی 14ـی ئەیلولی 2021 شاندێکی زانکۆی پۆلیتەکنیکی هەولێر سەردانی وەزارەتی ناوخۆیان کرد کە پێکهاتبوون لە راگری پەیمانگەی تەکنیکی پزیشکی هەولێر پ.ی.م. اومێد ارشد حەوێزی، بەرێوبەری دڵنیایی جۆری م. کمال محمد عبدالله و بەرێوبەری پرۆگرامەکانی خوێندن م. کۆڤان عمر حسن.

لە کۆبوونەوەیەکدا لەگەڵ هەریەک لە بەرێوبەری گشتی دیوانی وەزارەتی ناوخۆ پ.ی.د. سامی جلال حسین، بەرێوبەری بەڵگەکانی تاوانی هەرێم عمید سەرکەوت جلال حسن، بەرێوبەری تاقیگەی بایۆلۆجی/دی ئێن ئەی مقدمی بایۆلۆجی ئاراز محمد مولود گفتوگۆ کرا لەسەر پێشنیاری کردنەوەی بەشی بەڵگەکانی تاوان لە زانکۆی پۆلیتەکنیکی هەولێر.

کردنەوەی بەشەکە لەسەر پێشنیاری زانکۆی پۆلیتەکنیکی هەولێربووە بەمەبەستی پێگەیاندنی ئەفسەر و کارمەندانی بەڵگەکانی تاوان لە گشت پارێزگاکانی هەرێمی کوردستان.

لە کۆتایی کۆبوونەوەکە کۆنووسێک ئامادە کرا کە تیایدا کۆمەڵێک پێشنیار و رێنمایی تایبەت بە وەرگرتنی کارمەندان خراونەتە روو و ئاراستەی بەرێزان وەزیری خوێندنی باڵا و توێژینەوەی زانستی و وەزیری ناوخۆ دەکرێت بەمەبەستی پەسەند کردنی، شایانی بەبیرهێنانەوەیە کارەکانی کردنەوەی بەشەکە بە هەماهەنگی لەگەڵ وەزارەتی تەندروستی بەرێوەدەچن.

دوای بەشداری کردنی لە کۆنفرانسێکی نێودەوڵەتی لە رێکەوتی 28ـی ئابی 2021 پ.ی.د. هێمن کاکەخان عولا کە هاوکات بەرێوەبەری گشتى سەنتەری توێژینەوەى زانکۆی پۆلیتەکنیکی هەولێریشە بۆ جاری دووەم مدالیایی ئاڵتوونى وەرگرت لە کۆنفرانسی نێودەوڵەتى لەژێر ناونیشانی

(  6th Annual International Invention  Innovation Competition  in CANADA, iCAN 2021 )

لە ولاتی کەندا لەسەر

(( Rhuscor) Nanoemulsion Biopesticide)

کە لەلایەن

Toronto International Society of Innovation & Advanced Skills (TISIAS)

رێکخرابوو.

زانکۆی پۆلیتەکنیکی هەولێر ناوی پاڵێوراون لە دەرچووانی پەیمانگە تەکنیکیەکان بۆ وەرگرتنیان لە کۆلێژە تەکنیکیەکان بەشێوەی سیستەمی پۆلیتەکنیك رادەگەیەنێت و ئێوەی بەڕێزیش دەتوانن لەو لینکانەی خوارەوە ناوی پاڵێوراوان و ناوی وەرنەگیراوان ببینن و ئەو بەڕێزانەی تانەیان هەیە دەتوانن لە ڕۆژی یەکشەمە 12/9/2021 تا ڕۆژی پێنج شەمە 16/9/2021 سەردانی بەڕێوەبەرایەتی تۆماری گشتی زانکۆی پۆلیتەکنیکی هەولێر بکەن بۆ پێشکەش کردنی تانەکانیان.

لیستى ناوى پاڵێوراوانى ز. پ. هەولێر بەشێوەى بەرایى بۆ وەرگرتنیان لە کۆلێژە تەکنیکیەکان بەشێوەى سیستەمى پۆلیتەکنیک

ناوى پاڵێوراوانى دەرچووانى پەیمانگە تەکنیکیەکانى سەر بە ز. پ. هەولێر بۆ وەرگرتنیان لە کۆلێژە تەکنیکیەکانى ز.پ. دهۆک

ناوى پاڵێوراوانى دەرچووانى پەیمانگە تەکنیکیەکانى سەر بە ز. پ.هەولێر بۆ وەرگرتنیان لە کۆلێژە تەکنیکیەکانى ز.پ سلێمانی

لیستی ناوی پاڵێوراوانی دەرچووانی پەیمانگە تایبەتەکان

لیستى وەرنەگیراوانى پەیمانگە تەکنیکیە تایبەتەکان بۆ کۆلێژە تەکنیکیەکانى سەر بە ز. پ. هەولێر بەشێوەى سیستەمى پارالێڵ

لیستى ناوى وەرنەگیراوانى دەرچووانى پەیمانگە تەکنیکیەکانى سەر بە زانکۆى پۆلیتەکنیکى هەولێر بە شێوەى سیستەمى پۆلیتەکنیك