Blog

رۆژی پێنج شەممە 12ی سێپتەمبەری 2019 سەرۆکی زانکۆی پۆلیتەکنیکی هەولێر پ.ی.د. کاوە شێروانی و بە ئامادەبوونی ڕاگری پەیمانگەی تەکنیکی شەقڵاوە و ژمارەیەک لە بەڕێوبەرانی سەرۆکایەتی زانکۆ پێشوازیان لە تاقانەی ئەنفال حەسەن عەلی کرد.

وەک ڕێزێک بۆ ئەو قوربانیانەی کە خانەوادەی کاک حەسەن لە پێناوی ئازادی و سەربەستی کوردستان بەخشیویانە سەرۆکی زانکۆ پلاکێتی ڕێزلێنانی بەخشیە بەڕێزیان.

حسن علی یەکێکە لە تاقانەکانی ئەنفال لە سنووری گەرمیان کە دوو مانگ لەمەوبەر لە کاتی هێنانەوەی روفاتی کەسوکارەکەی لە باشوری عیراق لە لایەن ئەفسەریکی عێراقەوە لەبەر چاوی میدیاکاران هەوڵی دا هێڕش بکاتە سەری چونکە ڕازی نەبوو ئاڵای کوردستان لە ملی بهێنێتە خوارەوە.

لەدرێژەی هەوڵەکانیدا بۆ پتەوکردن و بە سیستماتیککردنى پەیوەندییە نێودەوڵەتییەکانى لەگەڵ زانکۆکانى جیهاندا، شاندێکى ( زانکۆى پۆڵیتەکنیکى هەولێر) لەماوەى نێوان 29 / 8 تا 6 / 9 / 2019 سەردانى وڵاتى مالیزیاى کرد و لەلایەن سەرۆک و بەشێک لە ستافی ئەکادیمى و کارگێڕیى زانکۆى

(UTHM)

مالیزیاى بەگەرمى پێشوازییان لێکرا.

لە چەند کۆبوونەوەیەکى هاوبەش و لە ئەنجامى گفتوگۆیەگى چڕو پڕى نێوان هەردوو لادا، وردەکارییەکانى میکانیزم و هەلومەرج و کات و شوێنى بەڕێوەچوونى دووەمین کۆنفرانسى زانستیى نێودەوڵەتيى هاوبەش، لە سەرەتاى ساڵى 2020 دا لە هەولێر، خرانە بەرباس و ڕێکەوتنیان لەبارەوە کرا.

پاشان لە ڕێوڕەسمێکى شایستەدا ئاهەنگێکى قەشەنگ بۆ واژۆکردنى

(MOU)

(یاداشتى لەیەکترگەیشتن) ى نێوان هەردوو زانکۆ سازکراو لەلایەن یاریدەدەرى سەرۆکى زانکۆى پۆڵیتەکنیکى هەولێر پ. ى . دکتۆر جودت جعفر خطاب و سەرۆکى زانکۆی ناوبراو واژۆکرا.

شایانى باسە هەریەک لە بەڕێزان (د. بەهات حەسیب قەرەداخى) و (د. عبداللە عمر یاسین) ئەندامى شاندى زانکۆ بوون و لە سەردان و کۆبوونەوەو مەراسیمەکەدا، یاوەرى بەڕێز یاریدەدەرى سەرۆکى زانکۆمان بوون .

لەدرێژەی چالاکیەکانی سەنتەری زمانی ئینگلیزی سەربە زانکۆی پۆلیتەکنیکی هەولێر بۆ بەرزکردنەوەی ئاستی توانستی زمانی ئینگلیزی، سەنتەرەکە رۆژی چوارشەممە ١١ ئەیلولی ٢٠١٩ کۆتایی بە خولێکی هاوینەی زمانی ئینگلیزی هێنا کە تایبەت بۆ مناڵانی مامۆستا و فەرمانبەرانی سەربەزانکۆکە کرابوویەوە.

رۆژی چوارشەممە لەکۆتا رۆژی خولەکەدا کە بە ئامادەبوونی سەرۆکی زانکۆی پۆلی تەکنیکی هەولێر پ.ی.د.کاوە شێروانی بەڕێوەچوو بڕوانامە بەسەر بەشداربوانی خولی هاوینەی زمانی ئینگلیزی کە بۆ منداڵانی مامۆستاو ستافی زانکۆ کرابوویەوە دابەشکران،

لەمیانی بەڕێوەچوونی مەراسیمی دابەشکردنی بروانامە بەسەر بەشداربوواندا ، پ.ی.د.کاوە شێروانی رایگەیاند، ئێمە هەوڵ و چالاکی سەنتەری زمانی بەرز دەرنخێنین و هەروەها گرنگی بە زمانی ئینگلیزی لە بواری ئەکادیمی دەدەین بۆ ئەوەی بتوانن بوار و ئاساتی زانستی خوێندن وتاک لە کوردستان بەرز بکەینەوە تاکو بتوانن لەداهاتوو ببن بە مرۆڤی سەرکەوتوو و بەئاگا لەسەرجەم رووداو گۆرانکاریەکانی ژیاندا”.

هەروەها وتیشی:”ئەمڕۆ سەنتەری زمان کۆتایی بە خولی هاوینەی زمانی ئینگلیزی بۆ منداڵان بە کۆتا هێنا ئەوە جێگای خۆشحاڵییە کە هەر لە ئیستاوە بیر لەوەدەکرێتەوە کە نەوەیەکی رۆشنبیر و زیرەک ئامادەبکرێت و سوپاسی سەنتەری زمانیش دەکەین لە پای ئەرک و ماندوبونیان و هیوای سەرکەوتن و بەردەوامیان بۆ دەخوازین هیوادارین کاری باشتر و گرنگتر بۆ بەرژەوەندی گەشتی ئەنجام بدەن.

شاندێکی زانکۆی پۆلیتەکنیکی هەولیر کە لە ۲۲ ئەندام پێکهاتووە بەشداری دەکەن لە خولێکی راهێنان دەربارەی شێوازی جێ بەجێ کردنی بۆلۆنا پرۆسێس و سیستەمی ئی سی تی ئیس کە رێکخراوە لە لایەن زانکۆی ئۆکان لە وڵاتی تورکیا.

شاندەکە سەرۆکایەتی دەکرێت لەلایەن هەریەک لە راگری کۆلێژی تەکنیکی تەندروستی هەولێر مامۆستا اومێد ارشد حەوێزی و ئەمینداری ئەنجومەنی زانکۆ د. عفان عثمان وە ئەندامانی بەشداربوو بریتین لە ژمارەیەک لە بەڕێوبەرانی سەرۆکایەتی زانکۆ و سەرۆک بەش و مامۆستایانی زانکۆ لە پسپۆریە جۆراو جۆرەکان.

خولەکە ماوەی هەفتەیەک بەردەوام دەبێت کە ئامانج لێی ئاشنابوونە بە چۆنیەتی جێ بەجێ کردنی پرۆسەکە، کە بڕیار وایە زانکۆی پۆلیتەکنیکی هەولێر بە شێوازێکی کرداری و تۆکمە بۆ ساڵی خوێندنی ٢٠١٩ – ٢٠٢٠ بە پشت بەستن بە ئەزموونی زانکۆکانی وڵاتانی دەرەوە، بیخاتە بواری جێ بە جێ کردنەوە.