ئەمڕۆ ڕێکەوتی: ٢٠٢٣⁄٥⁄١٨
بەڕێز⁄ پ.ی. اومێد ارشد حوێزی ڕاگری پەیمانگەی تەکنیکی پزیشکی ھەولێر ڕێزلێنانی بەخشیە مامۆستایان و قوتابیانی بەشدار بوو لە سێیەمین کۆنفراسی توێژینەوەی زانستی قوتابیان بەڕێز ڕاگری پەیمانگە سوپاسی مامۆستایان و قوتابیانی کرد لە پای ئەو ئەرک و ماندووبونە کێشاویانە بۆ ئەوەی توێژینەوەیەکی سەرکەوتوو بە ئەنجام بگەیەنن، ھیوای سەرکەوتنی بۆ خواستن لە کارەکانی داھاتوویان.
لە ژێر درووشمی بەدیھێنانی مافەکانی پەرستاران ڕۆژی جیھانی پەرستاران بەرز ڕادەگیرێت
ڕێکەوتی:٢٠٢٣⁄٥⁄١٦ بە ئامادەبوونی بەڕێز پ.د. ادریس محمد طاهر ھەرکی سەرۆکی زانکۆی پۆڵیتەکنیکی ھەولێر و بەڕێز پ.ی.اومێد ارشد حوێزی ڕاگری پەیمانگەی تەکنیکی پزیشکی ھەولێر بەشی پەرستاری پەیمانگە بە ھاوکاری سەندیکای کارمەندانی تەندروستی⁄ لقی ھەولێر لە یادی ڕۆژی جیھانی پەرستاران مەراسیمێکی ڕێزلێنانیان بۆ بەشێک لەمامۆستایان ڕێکخست لە پای خزمەت کردنیان.
بەئامادابوونی ڕاگری پەیمانگائ تەکنیکی ھەولیر بەشی پەرستاری ئێواران لە یادی ڕۆژی جیھانی پەرستاران مەراسیمێکی ڕێزلێنانیان بۆ کۆمەڵێک مامۆستای بەش ڕێکخست بۆ ئەو خزمەتەی بە قوتابیان دەیکەن
ڕێکەوتی: ٢٠٢٣⁄٥⁄١٤
مامۆستایان و قوتابیانی پەیمانگای تەکنیکی پزیشکی ھەولێر بەشدار بوون لە سێیەمین کۆنفراسی توێژینەوەی زانستی قوتابیان، کە لە پەیمانگای تەکنیکی مێرگەسۆر بەڕێوەچوو
لە سەر بانگهێشتی فەرمی زانکۆی بیلیفێڵدی ئەڵمانی بۆ زانستە پراکتیکیەکان، شاندێکی زانکۆی پۆلیتەکنیکی هەولێر بەشدارییان کرد لە چالاکیەکانی هەفتەی نێودەوڵەتی زانکۆی بیلیفێڵد، کە لە 8ـی ئایار تاکو 12ـی ئایاری 2023 بەردەوام بوو.
لە چالاکییەکەدا نوێنەری زانکۆکانی 31 وڵات بەشدار بوون وە زانکۆکەمان یەکێک بوو لە زانکۆ بەشداربووەکان. کە تیایدا چەندین سیمینار و چالاکی نێودەوڵەتی ئەنجامدرا.
شاندی زانکۆمان پێکهاتبوون لە پ.ی.د.بۆتان مەجید ئاسنگەر، راگری کۆلێژی تەکنەلۆجی هەولێر و پ.ی.د. رەنج سیروان عەبدوڵڵا، بەرێوەبەری پەیوەندیە نێودەوڵەتیەکانی سەرۆکایەتی زانکۆ، و هەر لە پەراوێزی چالاکییەکەدا شاندی زانکۆمان چەندین دیدار و کۆبۆنەوەیان لەگەڵ بڕیار بەدەستان و توێژەر و پرۆفیسۆرەکانی ئەم زانکۆیە ئەنجامدا بە مەبەستی فراوانکردنی ئەو پەیوەندیە ئەکادیمی و فەرمیەی لە ساڵی 2019 ــەوە لە نێوان زانکۆی پۆلیتەکنیکی هەولێر و زانکۆ ئەڵمانیەکەدا هەیە.
لە کۆبوونەوەکاندا زۆر بابەتی تایبەت بە ئاڵوگۆڕی قوتابیان و ئەنجامدانی توێژینەوەی پرۆژەکانی قوتابیانی ماستەر و دکتۆرا بە هاوبەشی گفتوگۆی جددی لەسەرکرا، سەرەرای ئەنجامدانی کۆنفرانس و توێژینەوەی هاوبەش لە نێوان ستافی هەردوو زانکۆ.
هەروەها بڕیارە سەرۆکایەتی زانکۆ و کۆلێژە تایبەتمەندەکان لە هەردوولا وردەکاری جێبەجێکردنی پرۆسەکان دابڕێژن.
شایانی باسە مامۆستا موئەیەد ئیسماعیل عوسمان مامۆستای توێژەر لە زانکۆی بیلەفێڵد، کە بەرەچەلەک خەڵکی هەولێرە، هاوکارێکی گرنگ بوو لە رێکخستنی پەیوەندی و ئامادەکاری و بە ئەنجام گەیاندنی کۆبوونەوەکان.
