زانکۆی پۆلیتەکنیکی هەولێر ناوی سێ یەکەمەکانی سەر ئاستی بەشە زانستیەکانی کۆلێژ(ئەو بەشانەی بڕوانامەی دبلۆم دەبەخشن) و پەیمانگە تەکنیکیەکان بۆ ساڵی خوێندنی 2022-2023 رادەگەیەنێت.
هەر دەرچوویەك گازاندەی هەیە لە ئەنجامەکان پێویستە لە ماوەی 48 کاتژمێر سەردانی بەش و راگرایەتی پەیمانگە و کۆلیژە تەکنیکیەکان بکات بۆ پێشکەش کردنی سکاڵاکەی.
کلیک لـــــــــــــــێــــــــــرە بکە بۆ بینینی لیستی ناوەکان.
بە ئامادەبوونی پ.ی.د نەجیب تۆما بتۆ یاریدەدەری سەرۆکی زانکۆ بۆ کاروباری زانستی بەشداری کردنی د. سەلار عثمان علی بە شێوەی ئۆنلاین کۆبوونەوەکانی پڕۆژەی کامپلۆس لە شاری لاریسا لە ووڵاتی یۆنان بەڕێوەچوو کە بۆ ماوەی 3 رۆژ 3تا5ـی ئۆکتۆبەری 2023 بەردەوام بوو.
ئەم پڕۆژەیە ئەنجام ئەدرێت لە لایەن زانکۆی پۆلیتەکنیکی هەولێر بە هاوبەشی هەندێ لە دەزگاکانی ئەورووپی (IRSEI ئیتالی ، CMA فەرەنسی ، iED یۆنانی ، VPL ئەڵمانی CEIPES هۆڵەندی).
ئامانجی پڕۆژەکە بەهێزکردنی تواناو کارامەیی گەنج و لاوانە لە ئاوارە و پەنابەرەکان لە شاری هەولێر و شاری لاریسا لە یۆنان بۆ ئەوەی بتوانن تێکەڵی کۆمەڵگابن یاخود ببن بە خاوەن پڕۆژەی تایبەت بە خۆیان.
رۆژی پێنج شەممە 5ـی ئۆکتۆبەری 2023، پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر و یاریدەدەرانی سەرۆکی زانکۆ، ژمارەیەک ئەندامی ئەنجومەنی زانکۆ و م. هەژار عوسمان بەرپرسی ناوچەی ئاسۆی (پ.د.ک)، مەراسیمی ڕێزلێنان بۆ مامۆستایانی کۆلێژ و پەیمانگەکانی سەر بە زانکۆی پۆلیتەکنیکی هەولێر سازکرا بەبۆنەی بەرزکردنەوەی پلەی زانستی و گۆرینی نازناوی زانستییان لە ماوەی 19/1/2023 تا 1/9/2023.
لە مەراسیمەکەدا پرۆفسۆر د.ئیدریس گوتارێکی پێشکەش کرد و تیایدا بەخێرهاتنی میوانان و ئامادبووانی کرد و گوتی: بەڕێزان ئێمە وەک زانکۆی پۆلیتەکنیکی هەولێر ساڵانە مەراسیمێکی ڕێزلێنان سازدەکەین بۆ ئەو مامۆستایانەی کە لە ساڵی خوێندن پلەی زانستییان بەرزدەبێتەوە، خۆشبەختانە بۆ ئەمساڵ ئێمە ڕۆژی 5ی ئۆکتۆبەرمان هەڵبژارد بۆ ئەو مەراسیمە کە ڕۆژی جیهانی مامۆستایانە .
لەم ڕۆژەدا دەمانەوێت لەگەڵتان بین و لە نزیکەوە پیرۆزبایی لەو مامۆستایانە بکەین کە پلەی زانستییان بەرزبووەتەوە، هەر بەو بۆنەیەوە پیرۆزباییەکی گەرم لە سەرجەم مامۆستایانمان دەکەین، بەڕێزان بۆ یادکردنەوەی ئەو ڕۆژە بە پێویستی دەزانین جگە لەو چالاکییە باسی رۆڵی مامۆستایان بکەین لە کۆمەڵگادا، ئێمە دەزانین لە مێژووی هەموو گەلاندا مامۆستا چ ڕۆڵێکی تایبەت و گرنگ دەگێرێت لەپەروەردە و ڕۆشنبیری و بونیادنانی کۆمەڵگەکاندا .
خۆشبەختانە ئەگەر ئاورێک لە مێژووی گەلی کوردمان بدەینەوە زۆرباش دەزانین کە مامۆستا چ ڕۆل و چ کاریگەرییەکی هەبووە لە کاتی شۆڕش و لەکاتی دوای ڕاپەرینیش ئەو ڕۆڵە گرنگ و تایبەتەی گێراوە و بەردەوام بووە، لەگەڵ هەموو ئەو ئاستەنگ و ئالنگارییانەی ڕووبەرووی هەرێمی کوردستان بووەتەوە مامۆستا توانیویەتی هەر بەردەوام بێت و خزمەت بکات، بەردەوام بووە لەسەر کاری خۆی و ئەو رۆڵە گرنگەی کە لە ناو کۆمەڵگادا دەیبینێت، بۆیە بەڕای ئێمە زۆر زۆر گرنگە کە ئەو رۆڵە تایبەتەی مامۆستا لە هەلومەرجە ناخۆش و لەو بارە ئابوورییە ناخۆشەدا بەردەوامە و بەردەوام دەبێت بەهەند وەربگرین، ئێمە وەک سەرۆکایەتی زانکۆ و ئەنجومەنی زانکۆمان بەڵێن دووپات دەکەینەوە بۆ مامۆستایانمان کە هەمووکات پشتگیریتان بکەین و کارئاسانی بۆ ئەو مامۆستا بەڕێزانە بکەین لە کارەکانیاندا .
دووبارە هیوای سەرکەوتنتان بۆ دەخوازین لە کاری ڕۆژانەتان و لە کاری فێرکاریتاندا، ئومێدەوارین بەو پلە بەرزکردنەوەتان زیاتر هانتان بدات هەم بۆ بەرزکردنەوەی ئاستی زانستی زیاترو هەم بۆ درەوشانەوەی زیاتری ئەو رۆڵە گرنگەی هەتانە لە ناو زانکۆدا، دووبارە پیرۆزە، سوپاس بۆ ئامادەبوونتان .
دواتر دەستکرا بە بەخشینی رێزلێنانەکان لە لایەن سەرۆکی زانکۆ و میوانان و ئامادەبووان و ئەندامانی ئەنجومەنی زانکۆوە.
بۆ بینینی تەواوی وێنەی مامۆستایان کلیک لـــــــــێــــــــرە بکە.
رۆژی چوارشەمە 4ـی ئۆکتۆبەری 2023، بە ئامادەبوونی پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، ڕاگری پەیمانگەی تەکنیکی کارگێری هەولێر، بەڕێوبەری سەنتەری توێژینەوەی زاستی و ژمارەیەک لە بەڕێوبەرانی سەرۆکایەتی زانکۆ لە سەنتەری رۆشنبیری زانکۆی پۆلیتەکنیکی هەولێر پانێڵێکی زانستی لەژێر ناونیشانی (چۆن لە پۆلدا پەرە بەداهێنان بدەین؟) بۆ مامۆستایانی کۆلێژ و پەیمانگە تەکنیکییەکان سازکرا.
لە سەرەتای پانێڵەکەدا سەرۆکی زانکۆ وتەیەکی پێشکەش کرد کە تیادا بەخێرهاتن میوانانی کرد و گوتی:
سەرەتا دەمەوێت بەناوی سەرۆکایەتی زانکۆی پۆلیتەکنیکی هەولێر و ئەنجومەنی زانکۆ بەخێرهاتنی بەڕێزان د.عبدالسلام مەدەنی و د.فەرهاد علی و بەڕێز عەبدوڵا صاڵح و م.زانیار جەبار بکەم کە مامۆستای خۆمانە و ئەمڕۆ بەیەکەوە پانێڵێک سازدەکەن، زۆر بەخێرهاتنی مامۆستایانی قەدر گران لە زانکۆی پۆلیتەکنیکی هەولێر دەکەین کە ئەمڕۆ ئامادەن لەگەڵمان بۆ بەشداریکردن لەو پانێڵە، بەڕێزان مامۆستایانی خۆشەویست ئەوەی دەمەوێت باسی بکەم ئەوەیە کە لەڕاستیدا مامۆستای زانکۆ بەردەوام پێویستی بەپەرەپێدانی تواناکانیان هەیە، بەرای من مامۆستای زانکۆ هەموو کاتێک فێرکارە و فێرخوازیشە، واتە هەم مامۆستایە و هەم قوتابیشە، دەبێت بەردەوام کاربکات بۆ فێربوون، چونکە ئیش و کاری ئەوەیە فێرکاربێت و قوتابیان فێربکات، بۆیە پێویستە ئێمە بەردەوام بتوانین پەرە بەتواناکانی مامۆستایانی زانکۆمان بدەین هەر لەم ڕوانگەیەشەوە ئەمڕۆ بەهاوکاری هەفتەی داهێنان لە عێراق کە مامۆستایەکی خۆمان سەرپەرشتی ئەو چالاکییە دەکات ئەویش مامۆستا زانیارە، خۆشحاڵین بەهاوبەشی پێکەوە بتوانین ئەمڕۆ بابەتێکی زۆر گرنگ و زۆر پێویست بۆ مامۆستایان لەپانێڵێکدا ئەنجام بدەین، ئەویش بابەتێکی داهێنانە کە مامۆستا چۆن بتوانێت داهێنان لەناو پۆلدا بکات، بۆیە بەپێویستمان زانی مامۆستایانمان لەزانکۆی پۆلیتەکنیکی هەولێر زیاتر ئاشنا و شارەزا بکەین لەو بابەتە، ئەگەر مامۆستا بتوانێت لەناو پۆلدا بابەتی داهێنان بکاتە ڕێگاکانی وانەوتنەوەی و بیکاتە ئامانجی وانە وتنەوەکەی دەتوانین بە مامۆستایەکی سەرکەوتوو ناوی ببەین، ئەوکات قوتابیانی ئەو مامۆستایە سەرکەوتووترو ئاسودەتر دەبن لەقوتابیانی مامۆستایەکی تر، قوتابیانی ئەو مامۆستایە توانای بیرکردنەوەیان زیاتر دەبێت و دەتوانن باشتر و باشتر چارەسەری کێشەکان بدۆزنەوە، بۆیە ئومێدەوام ئەمڕۆ مامۆستایان بتوانن سوود لەو پانێڵە وەربگرن، وەک سەرۆکایەتی زانکۆ بەردەوام دەبین لە خول و پانێڵ و سیمینار و چالاکی لەم جۆرە تا مامۆستایانمان سوودی لێوەربگرن. دووبارە بەخێر بێن و بەهیوای سوود.
پاشان دەستکرا بە پێشکەشکردنی پانێڵەکە کە پێکهاتبوو لە چەند تەوەرێک و بەشێوەیەکی ورد و زانستییانە لە لایەن پانێڵیستەکانەوە بۆ ئامادەبووان خرایەڕوو دواتر دەرگای گفتوگۆ بۆ مامۆستایان کرایەوە و پرسیار و رەخنە و پێشنیارەکانیان ئاراستە کرد و وەڵامدرانەوە.
لە کۆتایی پانێڵەکەشدا لەڕێگەی فۆرمێکەوە داوا لە مامۆستایان کرا کە وەڵامی ئەم پرسیارانە بدەنەوە بۆ زیاتر دەوڵەمەند کردنی چالاکییەکە.
داهێنان چییە و بۆچی گرنگە ؟
ڕۆڵی داهێنان و نوێگەری لە پەروەردەدا چییە؟
بۆچی پێویستە گرنگی بەداهێنان بدرێت لە زانکۆدا؟
چۆن مامۆستایان دەتوانن کولتوری داهێنان و نوێگەری لەناو پۆلەکانیاندا پەرە پێبدەن؟ تاوەکو بەپرۆسەیەکی ڕێکخراو هانی داهێنان بدەین؟
شیاوی باسە سەرۆکی زانکۆ بڕوانامەی رێزلێنانی بەخشییە پانێڵیستە بەڕێزەکان پێکهاتبوون لە بەڕێزان د.عبدالسلام مەدەنی، د.فەرهاد علی، م.زانیار جەبار هەروەها بەڕێزعەبدوڵا صاڵح.
