پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر بەمەبەستی گەیاندنی پیرۆزبایی زانکۆ بۆ زانکۆی سەڵاحەددین-هەولێر بەبۆنەی بەدەستهێنانی پلەی یەکەم لەسەر ئاستی زانکۆکانی عێراق لە ئەنجامی گوگڵ سایتەشتن، سەردانی زانکۆی سەڵاحەددینی کرد و لەلایەن پ.ی.د.كامه‌ران یونس محەمەدئه‌مین، سه‌رۆكی زانكۆی سه‌ڵاحه‌ددین-هه‌ولێر پێشوازیی لێکرا.
لەسەرەتای دیدارەکەدا سەرۆکی زانکۆی پۆلیتەکنیکی وێڕای دەربڕینی خۆشحاڵی، هاوکات پیرۆزبایی خۆی و ئەنجوومەنی زانکۆی ئاراستەی سەرۆکی زانکۆی سەڵاحەددین-هەولێر کرد بەبۆنەی یەکەمبوونی زانکۆکە لەسەر ئاستی زانکۆکانی عێڕاق و هەرێمی کوردستان کە لە دواترین بڵاوکراوەکانی ماڵپەڕی کلاریڤێتدا رایگەیەندرا بۆ جاری دووەم زانکۆی سەڵاحەددین لە ریزبەندی یەکەمی سەرجەم زانکۆ حکوومی و ناحکوومییەکانی عێراقە لە راپۆرتی
(InCite-WoS).
لای خۆیەوە سەرۆکی زانکۆی سەلاحەدین-هەولێر وێڕای بەخێرهێنانیی سەرۆکی زانکۆی پۆلیتەکنیکی هەولێر، هاوکات خۆشحاڵی خۆی بۆ ئەم سەردان و بەسەرکردنەوەیە دەربڕی و هیوای خواست لەگەڵ زانکۆی پۆلیتەکنیکی هەماهەنگی و پەیوەندییەکانیان زیاتر و بەردەوام بێت و باشترین خزمەت پێشکەش بە قوتابییان و فەرمانبەران و مامۆستایان بکەن و پێکەوە ئاستی زانستی لە کوردستاندا بەرەوپێشتر ببەن.
