Category Archives: سەرۆکایەتی زانکۆ

رۆژى چوارشەمە 14ـى حوزەیرانى 2023 پرۆفیسۆر د.ئیدریس محەمەدتاهیر هەرکی سەرۆکى زانکۆی پۆلیتەکنیکى هەولێر پێشوازی کرد لە ماکسیم رۆبن کونسوڵى گشتى ڕووسیا لە هەولێر و شاندى یاوەرى.

لەدیدارێکدا کە هەریەکە لە د. ديميتری بێسپالۆڤ سەرۆکى زانکۆی باکوورى قەوقاس و پ.ی.د. نجیب توما یاریدەدەرى سەرۆکى زانکۆ بۆ کاروبارى زانستى و پ.ى.د. رەنج سیروان عبداللە ئامادەیبوون ، د.ئیدریس هەرکى سەرۆکى زانکۆ، کورتە باسێکى دەربارەى زانکۆمان بۆ شاندى میوان خستەڕوو ، دواتر سەرۆکى زانکۆى قەوقاس کورتەیەکی دەربارەى زانکۆى ناوبراو خستەروو و خۆشحاڵى خۆیان دەربڕى بە دروستکردنى پەیوەندى لەگەڵ زانکۆی پۆلیتەکنیکی هەولێر.

هەر لەکۆبوونەوەکەدا هەردوولا رەزامەندییان دەربڕى لەسەر ئەنجامدانى کارى پێکەوەیی بە هەماهەنگى و هاوکارى کونسوڵخانەى گشتى ڕووسیا لە هەولێر، بۆ ئەم مەبەستە بڕیاردرا لەداهاتوودا یاداشتنامەیەکى لێکتێگەیشتن لەنێوانیان واژووبکرێ کە خۆی دەبینێتەوە لە ئەنجامدان و بەشداریکردن لەکۆنفرانسى زانستى، کردنەوەى خولى راهێنان و زمانى رووسی، ئالوگۆڕی قوتابیان و دابینکردنى سکۆلەرشیپ بۆ دەرچووانی بەشە گەشتوگوزارییەکانی زانکۆمان.

لە لای خۆیەوە کونسوڵی رووسیاش ئامادەیی نیشاندا بۆ هاوکاریکردن و هەماهەنگی کردن بۆ زیاتری پتەوکردنی پەیوەندی نێوان زانکۆمان و زانکۆکانی دیکەی وڵاتەکەی.

شیاوى باسە زانکۆی باکوورى قەوقاس پێکهاتووە لە 40 کۆلیژ و 156 بەشى زانستى جۆراوجۆر کەتێیدا 24 هەزار قوتابی لە پسپۆرى جیاواز دەخوێنن.

 

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر پێشوازی لە ئێرڤن هیکس،کۆنسوڵی گشتیی ئەمریکا لە هەولێر و شاندێکی یاوەری کرد.

لە سەرەتای دیدارەکەدا، سەرۆکی زانکۆی پۆلیتەکنیکی هەولێر وێڕای بەخێرهێنانی شاندی میوان، هاوکات کورتەیەکی لەسەر پێکهاتەی زانکۆ لەسەر ئاستی کۆلیژ و پەیمانگا و بەشەکانی کرد.

پ.د.ئیدریس محەمەد تاهیر هەرکی هاوکات باسی لە گرنگی زانکۆ پۆلیتەکنیکییەکان بەشێوەیەکی گشتیی و زانکۆی پۆلیتەکنیکی هەولێری بەتایبەتی کرد بۆ پێگەیاندنی دەرچووانی وەک کادری ناوەندی بۆ سوود گەیاندن بە کەرتی گشتیی و تایبەت.

سەرۆکی زانکۆی پۆلیتەکنیکی هەولێر بە ئاماژەدان بە بایەخدانی زانکۆ بەو بەشانەی کە لەسەر ئاستی هەرێمی کوردستان زۆرترین هەلیکاریان لە کەرتی تایبەتدا بۆ دەڕخسێت، هاوکات باسی لە پلانی زانکۆ کرد بۆ خۆگونجاندن لەگەڵ پێویستی بازاڕی کار کرد.

لە بەشێکی دیکەی قسەکانیدا، پ.د.ئیدریس محەمەد تاهیر هەرکی باسی لەو بەرنامە هاوبەشانە کرد کە لەنێوان رێکخراوەکانی ئەمریکا و زانکۆی پۆلیتەکنیکی هەولێر بۆ زیاتر خزمەتکردنی کۆمەڵگا بەهاوبەشی ئەنجامدراون و بۆ ئەمەش داوای بەردەوامی پشتیوانییەکانی ئەمریکای کرد.

لای خۆیەوە، ئێرڤن هیکس،کۆنسوڵی گشتیی ئەمریکا لە هەولێر سوپاسی سەرۆکی زانکۆی پۆلیتەکنیکی هەولێری کرد بۆ پێشوازیی و رەخساندنی دەرفەت بۆ دیداریان لە ناوەندی زانکۆدا.

کۆنسوڵی گشتیی ئەمریکا لە هەولێر بە گرنگییەوە باسی لە زانکۆی پۆلیتەکنیکی هەولێر وەک ناوەندێکی ئەکادیمی لەسەر ئاستی هەرێمی کوردستان کرد و خۆشحاڵی خۆی نیشاندا بەوەی زانکۆ بایەخ بە بەش و پڕۆگرامەکانی خوێندن دەدات بە خۆگونجاندن لەگەڵ پێشکەوتنەکانی سەردەم و بازاڕی کار.

 ئێرڤن هیکس پشتیوانی خۆی بۆ کاری پێکەویی لەنێوان زانکۆی پۆلیتەکنیکی هەولێر و کۆنسوڵخانەی گشتیی ئەمریکا لە هەولێر دووپات کردەوە و لەمبارەیەوە هەردوولا هاوڕابوون کە لە پەیوەندی بەردەوامدابن بۆ ئەنجامدانی کاری پێکەویی بە ئامانجی خزمەتکردنی زیاتری کۆمەڵگا و رەخساندنی هەلیکار بۆ دەرچووانی زانکۆمان.

رۆژی دووشەممە رێکەوتی 12ـی حوزەیرانی 2023 پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر و د. ژاڵە سعید خطاط بەرێوەبەری گشتی فەرمانگەی توێژینەوە و پەرەپێدان لە وەزارەتی خوێندنی باڵا و توێژینەوەی زانستی و شاندی یاوەری، هۆڵی تاقیکردنەوەکانی توانستی زانستییان لە کۆلێژی تەکنیکی ئەندازیاری هەولێر بەسەرکردەوە.

سەرۆکی زانکۆ و نوێنەری وەزارەتی خوێندنی باڵا لە نزیکەوە چاودێری چۆنیەتی بەڕێوەچوونی پرۆسەی تاقیکردنەوەکانی توانستی زانستی تایبەت بە خوێندنی باڵا (دبلۆمی باڵا، ماستەر و دکتۆرا)ـی هەرسێ کۆلێژی تەکنیکی تەندروستی و پزیشکی، کارگێڕی و ئەندازیاری هەولێریان کرد و هیوای سەرکەوتنیان بۆ پێشکەشکاران خواست.

 

 

بە ئامادەبوونی پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر لە رێوڕەسمێکدا کۆتایی بە خولی حەوتەمی پێداگۆجی هات و بڕوانامە بەسەر بەشداربووانی خولەکە دابەشکرا.

 

لە سەرەتای رێوڕەسمەکەدا، بەڕێوەبەری سەنتەری پێداگۆجی، د.خەلیل حەسەن یونس بەناوی خۆی و بەشداربووانی خولەکەوە بەخێرهاتنی سەرۆکی زانکۆی کرد و سوپاسی کرد بۆ ئامادەبوونی لەو رێوڕەسمەدا.

 

د.خەلیل حەسەن یونس راشیگەیاند، لە خولی حەوتەمی پێداگۆجی زانکۆی پۆلیتەکنیکی هەولێر، ٨٢ کەس بەشداربوون  لە هەڵگرانی بڕوانامەی ماستەر و دکتۆرا بۆ ماوەی شەش مانگ لەلایەن مامۆستایانی پێداگۆجی چۆنییەتی رێگاکانی وانەگوتنەوەیان بەشێوازی سەرەمییانە پێدرا.

 

دواتر پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر لە گوتەیەکدا وێڕای پیرۆزبایی و ئومێدی سەرکەوتن بۆ بەشداربووانی خولەکە، هاوکات باسی لە گرنگی رۆڵی مامۆستای لە بەرەوپشبردنی زانکۆکان بەشێوەیەکی گشتیی کرد.

 

سەرۆکی زانکۆی پۆلیتەکنیکی هەولێر بە ئاماژەدان بە گرنگی خولی پێداگۆجی بۆ هەڵگرانی بڕوانامەی ماستەر و دکتۆر وەک یەکێک لە پێداویستییەکانی بەخشینی نازناوی زانستی، هاوکات ئاماژەی لە رۆڵی مامۆستایانی وانەبێژی خولەکە بۆ گەیاندنی شێوازی سەرەدمییانە بۆ وانەگوتنەوە بە بەشداربووانی خولەکە لە زانکۆکاندا.

 

سەرۆکی زانکۆ باسی لەوەشکرد کە تەنیا ئەم خولە بەس نییە بۆ بوون بە مامۆستایەکی پێشەنگی لە زانکۆ، بەڵکو پێویستە مامۆستای زانکۆ بەتوانا بێت لە پسپۆری خۆی و هەوڵ بدات پەرەبە خۆی بدات پەیڕەوی ئەو سێکوچکەیە بکات کە بریتییە لە ( التعليم ، التعلم ، البحث العلمي) و ستراجیاتی وانەگوتنەوەی جیاواز بەکار بێنێت، هەروەها تەکنەلۆجیای سەردەم بۆ وانەگوتنەوە بەکاربهێنێت.

 

هەر لە گوتارەکەیدا، پ.د.ئیدریس محەمەد تاهیر هەرکی، باسی لە گرنگی ئەرکەکانی مامۆستا لە ناو زانکۆ کرد و پێگەی مامۆستایانی زانکۆ لەناو کۆمەڵگە و رۆلیان لە بەرەپێشبردنی ئاستی مەعریفی و ئابووری و کۆمەڵایەتییدا بەرزنرخاند.

 

دواتر م.فوئاد عەلی سمایل، بەڕێوەبەری پێداگۆجی لە وەزارەتی خوێندنی باڵا و توێژینەوەی زانستی بەناوی بەڕێوەبەری گشتیی فەرمانگەی توێژینەوە و پەرەپێدان دەستخۆشی لە زانکۆی پۆلیتەکنیکی هەولێر و مامۆستایانی وانەبێژی خولەکە کرد و پیرۆزبایی لە دەرچووانی خولەکە کرد.

 

بەڕێوەبەری پێداگۆجی لە وەزارەتی خوێندنی باڵا و توێژینەوەی زانستی جەختی لە گرنگی لە خولی پێداگۆجی بۆ هەڵگرانی بڕوانامەی ماستەر و دکتۆرا کردەوە.

 

هاوکات سوپاسی سەرۆکی زانکۆی پۆلیتەکنیکی هەولێری کرد بۆ پشتیوانی بەردەوامی لە خولەکە و بەناوی وەزارەتی خوێندنی باڵا و توێژینەوەی زانستی پشتیوانی بۆ زانکۆ و سەنتەری پێداگۆجی دووپات کردەوە.

 

پاشان لەلایەن سەرۆکی زانکۆی پۆلیتەکنیکی هەولێر و ژمارەیەک لە مامۆستایانی وانەبێژی خولەکە و ئامادەبووانی دیکەوە بڕوانامە بەسەر بەشداربووانی خولەکە دابەشکرا.