Category Archives: سەرۆکایەتی زانکۆ

رۆژی سێ شەممە 7ـی نۆڤەمبەری 2023، پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر بە یاوەری یاریدەدەری سەرۆکی زانکۆ بۆ کاروباری زانستی پ.ی.د. نەجیب توما بتو و د. ولاء جودت علی جاف مامۆستا لە کۆلێژی تەکنیکی کارگێری هەولێر سەردانی کۆنسوڵخانەی ئوردونیان کرد لەشاری هەولێر و لە لایەن بەڕێز فؤاد المجالي کونسولی شانشینی ئوردونەوە پێشوازییان لێکرا.

سەردانەکە بەمەبەستی دروستکردنی پەیوەندی و هەماهەنگی و هاوکاری بوو لە نێوان زانکۆمان و زانکۆکانی شانشینی ئوردون بە هەماهەنگی کونسولخانەی ناوبراو، تاکو لە ڕێگەیەوە چالاکی زانستی هاوبەش لە نێوان زانکۆکان ئەنجام بدرێت وەک کۆنفرانسی زانستی و ئاڵوگۆری  قوتابیانی زانکۆمان و قوتابیانی زانکۆکانی ئوردونی.

لە کۆبوونەوەکەدا لێکتێگەیشتنی تەواو هەبوو لە نێوان هەردوولا بۆ دروستکردنی ئەو پەیوەندی و هەماهەنگییانە بۆ سوود وەرگرتن لە توانا و ئەزموونی یەکتری.

ڕۆژی سێ شەممە 7ـی نۆڤەمبەری 2023، پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر پێشوازی لە شاندێکی دەستەی گشتی ڕێکخراوی پشتیوانی پێشمەرگەی کوردستان کرد.

لە دیدارێکدا جەخت کرایەوە لەسەر پتەوکردنی پەیوەندی و هاوکاری و هەماهەنگی نێوان زانکۆمان و دەستەکە بۆ زیاتر خزمەتکردنی پێشمەرگە و بنەماڵەی سەربەرزی شەهیدان.

لای خۆیەوە سەرۆکی زانکۆ پ.د.ئیدریس هەرکی باسی رۆڵی بەرچاوی پێشمەرگە لە پاراستنی کوردستان کرد و ئامادەیی خۆی دەربڕی بۆ هەر هاوکاری و خزمەتێک کە دۆخی پێشمەرگە باشتر بکات.

لە کۆتاییدا شاندی میوان لۆگۆی ڕێکخراوەکەیان پێشکەش بەسەرۆک زانکۆ کرد و خۆشحاڵی خۆیان دەربڕی بە سەردانەکەیان.

 

ئەمڕۆ پێنچ شەممە 2ی نۆڤەمبەری 2023، پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر پێشوازی کرد لەشاندێکی دەزگای (الامانة العامة للعتبة الحسنية المقدسة مركز الترجمة و التواصل الثقافي).

لە دیدارێکدا کە پ.ی د.ڕەنج سیروان بەرێوەبەری پەیوەندییە نێودەوڵەتییەکان ئامادەیبوو، شاندی میوان چەند کتێب و بابەتێکی گرنگیان وەک دیاری پێشکەش بە زانکۆمان کرد کە وەرگێرابوونە سەر زمانی شیرینی کوردی، و خۆیان لە بابەتەکانی تایبەت بە ڕەوشت و ئاین و بابەتی تر دەبینییەوە، لەبەرامبەردا سەرۆکی زانکۆ سوپاسی شاندەکەی کرد و خۆشحاڵی خۆی دەربری بەو کارەیان.

شایەنی باسە ئەوە یەکەمجار نییە ئەو دەزگایە سەردانیزانکۆی پۆلیتەکنیکی هەولێر دەکەن، خۆشحاڵی خۆشیان دەربری کە هەرچی پێویستی هەبێت بەبابەتی وەرگێران ئەوان ئامادەن هاوکاری زانکۆمان بکەن.

 

رۆژی یەکشەممە 29ی ئۆکتۆبەری 2023، لە کۆلێژی تەکنیکی سۆران وۆرکشۆپێکی تایبەت بە بۆڵۆنا پرۆسێس و سیستەمی (ECTS) لە ژێر ناونیشانی (گۆڕانکارییەکانی پرۆسەی جێبەجێکردنی بۆلۆنا پرۆسێس و داتابەیسی زانکۆی پۆلیتەکنیکی هەولێر) بۆ سەرۆکی بەشە زانستییەکان و یاریدەدەری راگر و لێپرسراوی هۆبەکانی تۆمار و دڵنیایی جۆری بەڕێوەچوو.

لە وۆرکشۆپەکەدا کە مامۆستا پاکستان محەمەدئەمین یوسف راگری کۆلێژی تەکنیکی سۆران و یاریدەدەرانی راگر و ژمارەیەک سەرۆک بەش و لێپرسراوی هۆبەکانی تۆمار و دڵنیایی جۆری کۆلێژی تەکنیکی سۆران، پەیمانگەی تەکنیکی چۆمان و پەیمانگەی تەکنیکی مێرگەسۆر ئامادەیبوون، لیژنەکانی بۆڵۆنا پرۆسێس و سیستەمی (ECTS) پ.ی.د. بۆتان مەجید ئاسنگەر سەرۆکی لیژنەی باڵای بۆڵۆنا، د. دلێر عەبدوڵڵا و هەردوو ئەندامی لیژنەی داتابەیس م.ی دیار جەمال ، م. گۆران مەغدید (بۆ ماوەی 4 کاتژمێر) نوێترین پێشهات و بەرەو پێشچوونەکانی هەردوو سیستەمەکە بۆ ئامادەبووان و مامۆستایان خستەڕوو.

شیاوی باسە سەرۆک و ئەندامانی لێژنەکانی بۆلۆنا و سیستەمی (ECTS) هەنگاوە تازەکان و رێنماییە نوێیەکانی وەزارەتی خوێندنی باڵایان بۆ ئەمساڵی خوێندن، پێداویستییەکانی سیستەمی بۆڵۆنا بۆ ئامادەبووان روونکرایەوە، هەر لە چوارچێوەی وۆرکشۆپەکە لێژنەی داتابەیسی زانکۆ هەڵە تەکنیکییەکانی ساڵانی رابردوویان بۆ سەرۆک بەش و مامۆستایان خستەڕوو و تیشک خرایە سەر تێهەڵچوونە نوێیەکانی سیستەم و نوێترین زیادکراوەکانی ناو سیستەمەکە کە بۆ ئەمساڵی خوێندن بەردەست دەبن.

لە کۆتاییشدا دەرگای گفتۆگۆ و پێشنیارەکان بۆ ئامادەبووان کرایەوە و پرسیارەکانیان ئاراستە کرد و وەڵامدرانەوە.

جێگەی ئاماژەیە