Category Archives: سەرۆکایەتی زانکۆ

رۆژی 24ـی تەمموزی 2023 دوو مامۆستای زانکۆی پۆلیتەکنیکی هەولێر وەکو بەشدارێکی کارا لە پڕۆژەی جسور کە لە لایەن رێکخراوی WFP و یونسێفەوە بەڕێوەدەبرێت، بەشدارییان کرد لە وۆرکشۆپێک بە ناوی (TOT) کە تایبەت بوو بە پەرەپێدانی تواناکانی گەنجان و قوتابییان لەناو کۆمەڵگا (المهارات الحیاتیة- Life Skills) کە بۆ ماوەی سێ رۆژ لە شاری سلێمانی لە هۆتێل تایتانیک بەرداوام بوو.

ئەم وۆرکشۆپە بەشێکە لە پڕۆگرامی #جسور کە لە لایەن رێکخراوەکانی (WFP و یونسێف)ـەوە بەڕێوەدەبرێت بۆ پەرەپێدانی تواناکانی گەنجان لەسەر ئاستی زانکۆکانی عێراق و کوردستان.

مامۆستایانی زانکۆی پۆلیتەکنیکی هەولێر و چەند زانکۆیەکی تر بەشداری ئەم وۆرکشۆپەیان کرد بە مەبەستی راهێنانی مامۆستاکان بۆ پەرەپێدانی زیاتری تواناکانی قوتابییان و گەنجانی کۆمەڵگە لە کوردستان و عێراق.

 

بەئامادەبوونی پ.ی. نەجیب توما یاریدەدەری سەرۆکی زانکۆ بۆ کاروباری زانستی و بەرێز مامۆستا کۆڤان عومەر بەرپرسی سەنتەری  گەشەپێدان بۆ کار و راگری کۆلێژەکانی تەکنەلۆجی ، تەکنیکی ئەندازیاری و کارگێری هەولێر ، وۆرکشۆپێکی سێ رۆژە بۆ قوتابیانی کۆلێژەکان لەلایەن دامەزراوەی المحطة – The Station بەرێوەچوو.

پرۆگرامەکە تایبەت بوو بەئامادەکردنی ڕاهێنەران و پێدانی ڕاهێنان بە لاوان لە بواری کارسازی ‎کە لەلایەن ئاژانسی ئەڵمانی بۆ هاریکاری نێودەوڵەتی (GIZ) وە نوێنەری وەزارەتی فیدراڵی بۆ هاریکاری و گەشەپێدانی ئابوری (BMZ) پاڵپشتی دارایی دەکرێت، وه بە سپۆنسەری کۆڕەک تیلیکۆم لەلایەن دامەزراوەی المحطة بە بەشداری 160 قوتابی جێبەجێ کرا.

لە کۆتاییدا بروانامەی دامەزراوەی the station هەماهەنگی رێکخراوی GIZ ی ئەڵمانی و korek telecom بەخشرا بەبەشداربووان.

رۆژی دووشەممە 24ـی تەمموزی 2023 لەهۆڵی کۆنفرانسەکانی سەرۆکایەتی زانکۆی پۆلیتەکنیکی هەولێر بە ئامادەبوونی یاریدەدەرانی سەرۆکی زانکۆ بۆ کاروباری زانستی و قوتابیان و هەریەکە لە بەرێوەبەرانی پەیوەندییە نێودەوڵەتییەکان، تۆماری گشتی و کارگێڕی، مەراسیمی کۆتایی هاتنی مەشقی هاوینەی شەش قوتابی فەلەستین بەڕێوەچوو.

لە مەراسیمەکەدا قوتابیەکان بە هاوبەشی سیمینارێکیان پێشکەشکرد تیایدا سوپاسی هاوکاری زانکۆی پۆلیتەکنیکی هەولێر و خەڵکی کوردستانیان کرد و لە بارەی گەشت و گەڕان و سەردانیکردنەکان و ئەو زانیاریانەی وەریانگرتووە و فێری بوون دوان، یەکێک لە قوتابیەکان بەزمانی کوردی سوپاسی هەڵوێست و هاوکاری سەرۆکی زانکۆ و مامۆستایانی کرد کە تەواو هاوکاریان کردوون و سوودی زۆریان لەو گەشتە زانستییە بینیوە.

دواتر لەلایەن یاریدەدەرانی سەرۆکی زانکۆ و بەڕێوبەرەکانەوە بڕوانامەی بەشداریکردن و ئاڵای کوردستان پێشکەش بە قوتابییەکان کرا،

دوای کوتایی هاتنی سیمینارەکە سەرۆکی زانکۆ پ.د. ئیدریس هەرکی پلاکێتی زانکۆی بەخشییە قوتابیەکان هیوای خواست کە گەشتەکەیان پڕ لە زانست و زانیاری بووبێت، هەروەها قوتابییەکانیش دووبارە سوپاسی سەرۆکی زانکۆیان کرد و لۆگۆی زانکۆی فەڵەستینیان پێشکەش کرد.

مەشقی هاوینەی ئەم قوتابییانە بۆ ماوەی دوو هەفتە بەردەوام بوو لە رێکەوتی 9ـی حوزەیران تاکو 27ـی حوزەیرانی 2023 و لەو ماوەیەشدا مەشقیان لە کۆلێژی تەکنیکی ئەندازیاری هەولێر و کۆلێژی تەکنەلۆجی هەولێر ئەنجامدا و سەردانی چەندین شوێنی کولتووری و گەشتیارییان کرد بەمەبەستی شارەزابوونی زیاتری کورد و کولتووری کوردی و ناوچە جیاوازەکان.

 

رۆژی پێنج شەممە 20ـی تەمووزی 2023، بە ئامادەبوونی پ.د. ئیدریس محەمەدتاهیر هەرکی وۆرکشۆپی تایبەت بە کۆتایی هاتنی خولی راهێنانی قوتابییان بەڕێوەچوو.

لە وۆرکشۆپەکەدا کە هەریەکە یاریدەدەی سەرۆکی زانکۆ بۆ کاروباری زانستی، بەڕێوبەری پەیوەندییە نێودەوڵەتییەکان، بەرێوبەری سەنتەری گەشەپێدان بۆ کار و د. شێرزاد ئامادەیبوون هەریەکە لە گرووپەکان سیمنارێکیان پێشکەشکرد کە تیایدا باسیان لە پێشنیارەکانیان کرد کە بۆ چارەسەرکردنی کێشەی کۆمپانیاکان پێیان سپێردرابوو.

وۆرکشۆپەکە لە چوارچێوەی پرۆژەیەکە بەناوی (Innovation Hub Club) کە بۆ ماوەی سێ مانگ بەهاوکاری رێکخراوی سپارکی هۆڵەندی و سەرپەرشتی رێکخراوی دۆوینک کە تیایدا بە راهێنان بە 7 قوتابی لە زانکۆی پۆلیتەکنیکی هەولێر کرا و بە سەرکەوتووی خوولی پێگەیاندنەکەیان تەواو کرد و فێربوون چۆن یانەی قوتابییان (Student Club) و بەڕێوەببەن.

پرۆژەکە لە لایەن بەرێوەبەرایەتی گەشەپێدان بۆ کار (CDC) سەرۆکایەتی زانکۆ چاودێری دەکرا. دوای تەواوبوونی خوولەکەیان قوتابییان هەستان بە کردنەوەی یانەیەک لەژێر ناوی یانەی قوتابییان (Student Club) لە رێکەوتی 15و16و17ـی مانگی 6 و وەک یەکەم چالاکی یانەکە (Innovation Hub Club) دەست بەکار بوو و راهێنەرە سەرەکیەکانی ئەم وۆرک شوپە 7 قوتابیەکەی زانکۆی پۆلیتەکنیکی هەولێر بوون.

ئەمڕۆش کۆتایی بەم وۆرکشۆپە هات و بروانامە بەسەر قوتابییەکاندا دابەش کرا کەوا لە لایەن رێکخراوی سپارکی هۆڵەندی و رێکخراوی دووینگ و سەنتەری گەشەپێدانی کار و یانەی قوتابییان بەخشرا بەو قوتابییانەی بەشدارییان کرد لە وۆرک شۆپی یانەی قوتابییان کەوا ژمارەیان 22 قوتابی بوو.

ئەم وۆرکشۆپە دەرفەتێک بوو بۆ قوتابیان لەرووی پێگەیاندنی کارامەیی و ئاشناکردنیان بە بازاڕی کارو چۆنیەتی چارەسەرکردنی ئەوکێشانەی کە رووبەڕووی کۆمپانیاکان دەبنەوە، وە بەهێزکردنی سکیڵی پەیوەندی کردن و بڕوابەخۆبوون.

شیاوی باسە ئەم وۆرکشۆپە چاڵنجێک بوو لە نێوان قوتابییانی زانکۆی پۆلیتەکنیکی هەولێر، موسڵ و تەکنیکی باکوور.