Author Archives: Hallo Majed

ڕۆژی دووشەممە 27ـی نۆڤەمبەری 2023، پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر بە یاوەری پ.ی.د. نەجیب تۆما بتۆ یاریدەدەری سەرۆکی زانکۆ بۆ کاروباری زانستی و م. سەرمەند نەسرەدین بەڕێوبەری کارگێڕی سەرۆکایەتی زانکۆ، سەردانی پەیمانگەی تەکنیکی مێرگەسۆری کرد و لەلایەن ڕاگری پەیمانگە بەرێز د. طالب محەمەد شريف و ئەندامانی ئەنجومەنی پەیمانگە پێشوازییان لێکرا.

لەمیانی سەردانەکەیدا سەرۆکی زانکۆی پۆلیتەکنیکی هەولێر لەگەڵ راگر و ئەندامانی ئەنجومەنی پەیمانگە کۆبووەوە و چەند بابەتێکی گرنگی پەیوەست بە پەیمانگە تاوتوێکران.

هەر لە دیدارەکەدا د. ئیدریس دەستخۆشی لە راگر و ئەنجومەن و ستافی پەیمانگە کرد لە بەرامبەر ئەو خزمەتەی کە بە دامەزراوەکە دەیکەن هەروەها بەڕێزیان پاڵپشتی تەواوی خۆی دووپاتکردەوە بۆ پرۆژەکانی داهاتوو بۆ زیاتر برەودان بەو دامەزراوە ئەکادییمییە.

دواتر بەمەبەستی لەنزیکەوە ئاگاداربوون لە چۆنییەتی بەڕێوەچوونی کاروبارەکانی پەیمانگە و دەستنیشانکردنی کەم و کورتییەکان، سەرۆکی زانکۆ و شاندی یاوەری هۆبە و بەشە کارگێریەکانی پەیمانگەیان بەسەرکردەوە، هەروەها سەردانی پرۆژەی دروستکردنی یانەی قوتابییانیان کرد و لە نزیکەوە ئاگاداری چۆنیەتی جێبەجێ کردنی کارەکانی پرۆژەکە بوون.

رۆژی دووشەممە 27ـی نۆڤەمبەری 2023، پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر دوو تاقیگەی لە کۆلێژی تەکنیکی سۆران کردەوە.

لە رێوڕەسمی کردنەوەی هەردوو تاقیگەی بەشی پەرستاری و بەشی IT لە کۆلیژی تەکنیکی سۆران کە هەریەک لە پ.ی.د.نجیب توما بتو، یاریدەدەری سەرۆکی زانکۆی پۆلیتەکنیکی هەولێر بۆ کاروباری زانستی و بەڕێوەبەری کارگێری و خۆیەتی زانکۆ و ئەندامانی ئەنجوومەنی کۆلێژەکە، ئامادەی بوون، م. پاکستان محەمەد ئەمین یوسف، ڕاگری کۆلێژی تەکنیکی سۆران سوپاسی سەرۆکی زانکۆ و سەرۆکایەتی زانکۆی پۆلیتەکنیکی هەولێری کرد بۆ پشتیوانی و پاڵپشتییە بەردەوامەکانی لە کۆلیژەکە و دابینکردنی ئامێر و کەلوپەلی و پێداویستی بۆ تاقیگە و بەشە زانستییەکانی.

لای خۆیەوە، پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر، دووپاتی پشتیوانییەکانی بۆ کۆلیژەکە لە دابینکردنی پێداویستییەکان و پەرەپێدان بە ژێرخانی کۆلیژەکە کردەوە.

دواتر سەرۆکی زانکۆ لەگەڵ راگر و ئەنجوومەنی کۆلیژی تەکنیکی سۆران کۆبووەوە و لە کۆبوونەوەکەدا گوێی لە خواست و داواکاریی راگر و یاریدەدەری راگر و سەرۆک بەشەکانی کۆلیژەکە گرت بە ئامانجی بەرەپێشبردنی ئاستی زانستی لە ئیدارەی سەربەخۆی سۆران.

تاقیگەی یەکەم پێکهاتبوو لە تاقیگەی (MMM) تایبەتە بە بەشی شیکاری نەخۆشییەکان بوو، کە دەتوانرێت سەرجەم پشکنینەکان لەم تاقیگەیە ئەنجام بدرێن بە پێشکەوتووترین ئامێری سەردەم، هاوکات ئامێره‌كان پێكهاتوون له‌ ئامێری ماگلۆمی بۆ پشكنینه‌ هۆرمۆنیه‌كان وه‌ ئامێری كۆباس (C111) بۆ پشكنینه‌ كیمیاییه‌كان، وه‌ ئامێری (CBC) بۆ پشكنینه‌كانی خوێن له‌ گه‌ڵ چه‌ند مایكرۆسكۆپێك.

تاقیگەی دووەم پێکهاتبوو لە (21) سێتی کۆمپیوتەری کە سەرجەم قوتابیانی بەشەکانی کۆلێژی ناوبراو دەتوانن سوود لەم تاقیگەیە وەربگرن، لە وانەی کۆمپیوتەر.

جێی ئاماژەیە، لە ماوەی یەک ساڵی رابردوودا، چەندین پرۆژەی گرنگ و ستراتیژی لەو کۆلیژەدا ئەنجامدراوە و بڕێکی زۆر لە ئامێر و کەلوپەل و پێداویستی بۆ تاقیگە و بەشە زانستییەکانی کۆلیژەکە دابینکراوە کە بەشی هەرە زۆری لەسەر داهاتی زانکۆمان بووە و لە داهاتوودا بەپێی پلان و پێویستی داواکارییەکانی دیکەی کۆلیژەکە جێبەجێ دەکرێت.

 

 

لە ژێر چاودێری و  بە ئامادەبوونی پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر، کۆلێژی تەکنیکی سۆران لە هۆڵی کۆنفڕانسی کۆلێژ هەڵسا بە سازدانی پانێڵێک لە ژێر ناونیشانی ( ماددەی هۆشبەر و مەترسییەکانی لەسەر کۆمەڵگا) ، بۆ هەریەکە لە د.سەڵاح ئەنوەر حەمەد، راوێژکار لە وەزارەتی کار و کاروباری کۆمەڵایەتی و سەرمەند بەرزنجی، بەڕێوەبەری کارگێری و خۆیەتی لە سەرۆکایەتی زانکۆی پۆلیتەکنیکی هەولێر و محەمەد حەمید عەباس ئەفسەر لە بەڕێوەبەرایەتی گشتیی نەهێشتنی ماددە هۆشبەرەکان.

لە سەرەتای پانێڵەکەدا کە هەریەک لە پ.ی.د.نجیب توما بتو، یاریدەدەری سەرۆکی زانکۆی پۆلیتەکنیکی هەولێر بۆ کاروباری زانستی و م. پاکستان محەمەد ئەمین یوسف، ڕاگری کۆلێژی تەکنیکی سۆران و ژمارەیەک لە بەرپرسانی حکوومی و حزبی ئیدارەی سەربەخۆی سۆران و ئەندامانی ئەنجوومەنی کۆلێژ و مامۆستایان و فەرمانبەران و قوتابیانی کۆلێژەکە ئامادەی بوون، ڕاگری کۆلێژی تەکنیکی سۆران لە گوتەیەکدا وێڕای بەخێڕهێنانی میوانان، هاوکات باسی لە گرنگی ئەنجامدانی ئەو پانێڵەی کرد.

دواتر لەلایەن م.عەبدولباسط عەلی غەفور وەک بەڕێوەبەری پانێڵ، پرسیار لە پانێڵیستەکان کرا و ئەوانیش لای خۆیانەوە باسیان لە زیان و مەترسییەکانی ماددە هۆشبەرەکان و لێکەوتەکانی کرد کە لە ئێستادا یەکێکە لە گرنگترین بابەتەکانی جیهان و کوردستان بەتایبەتی هەڵکەوتەی جوگرافی دەڤەری سۆران.

جێی ئاماژەیە، زانکۆی پۆلیتەکنیکی هەولێر وەک ناوەندێکی ئەکادیمی پلانی ئەوەی هەیە کە جگە لە بوازی پێگەیاندن کادر لە ناوەندە زانستییەکانی، هاوکات خزمەت بە کۆمەڵگاش بکات و بۆ ئەم مەبەستەش لە رێگەی زنجیرە سیمینارێکی زانستییەوە کار بۆ هۆشیارکردنەوەی قوتابیان دەکات لە زیان و مەترسییەکانی ماددە هۆشبەرەکان.

 

ڕۆژی پێنجشەممە ڕێکەوتی 23ی نۆڤەمبەری 2023، سەرۆکی زانکۆی پۆلیتەکنیکی هەولێر پ.د. ئیدریس محەمەد تاهیر هەرکی پێشوازی لە شاندێکی ئینستیتیوتی داهێنان و نوێگەری کوردستان (K.I.I) کرد، کە پێکهاتبوون لە بەڕێزان د. سەرباز نەجیب عوسمان جێگری سەرۆکی بۆرد و هاوبەڕێوەبەری جێبەجێکاری (K.I.I)، د. ئازاد نەجاڕ ئەندامی بۆرد و هاوبەڕێوبەڕی جێبەجێکاری (K.I.I) و شاندی یاوەریان.

لە دیدارێکدا کە هەریەکە لە پ.ی.د. نەجیب تۆما بەتۆ یاریدەری سەرۆکی زانکۆ بۆ کاروباری زانستی پ.ی.د. بۆتان مەجید ئاسنگەر ڕاگری کۆلێژی تەکنەلۆجی هەولێر پ.ی.د. ڕەنج سیروان عەبدوڵڵا بەڕێوبەری پەیوەندییە نێودەوڵەتییەکان،ئامادەیبوون، هەردوو لا جەختیان کردەوە لەسەر هاوکاریکردن و هەماهەنگیکردنی یەکتر لە بواری داهێنان و سوود وەرگرتن لە توانا و بەهرەی مامۆستا و قوتابییانی زانکۆ لەو بوارانەی کە پەیوەستن بە گەشەسەندنی ئابووری کوردستان و بنیاتنانی بنەمایەکی پیشەسازی بە تایبەتی لە بواری وزە بە سوودوەگرتن لە سەرچاوە سروشتییەکان.

لەم دانیشتنەدا هەردوولا ڕێککەوتن لەسەر ئەنجامدانی کۆڕبەندێکی تایبەت بە پەرەپێدانی تواناکانی داهێنان بۆ بەشێک لە مامۆستا و قوتابییانی زانکۆمان لە لایەن پسپۆڕان و شارەزا لە (K.I.I)، هەروەها ئاشناکردنیان بە دید و ئامانج و ستراتیژیەتی نیستیوتی داهێنان و نوێگەری کوردستان (K.I.I).

دواتر یاداشتنامەی لێک تێگەیشتن واژوو کرا لە لایەن هەردوو لا کە ئەم خاڵانەی خوارەوە لە خۆ دەگرێت:-

• ئاڵوگۆڕی زانیاری و بیرۆکەی نوێ لە بواری داهێنان.
• هاوکاری و هەماهەنگی بۆ پەرەپێدان و پێشخستنی پرۆژەکانی قوتابییان.
• ئەنجامدانی کۆڕبەند و وۆرکشۆپ بۆ پەرەپێدانی تواناکانی قوتابییان و مامۆستایان لە بواری داهێنان.
• بەشداریکردن لە کۆنفراس و کۆڕبەند و وۆرکشۆپی هەر لایەک لە لایەن ستافی لایەنی دووەم.
• سەردانی سەنتەر و تاقیگە و وەرشەی یەکتر لە لایەن ستافی هەردوولا.
• سوودوەرگرتن لە بەشداریکردنی کۆنفراسە جیهانییەکان تایبەت لە بواری نوێگەری و داهێنان.
• دابینکردنی فەندی جیهانی بۆ پڕۆژەکانی داهێنان و نوێگەری.