Author Archives: admin

رۆژی سێ شەممە رێکەوتی 30/4/2019 زانكۆی پۆلیته‌كنیكی هه‌ولێر له‌ژێر ناونیشانی (ئاینده‌ی په‌یوه‌ندی هه‌رێمی كوردستان و یه‌كێتی ئه‌وروپا) سیمینارێك بۆ (دلاوه‌ر ئاژگه‌یی)نوێنه‌ری حكومه‌تی هه‌رێمی كوردستان له‌ ئه‌وروپا سازكرد

سیمیناره‌كه‌ بە ساتێك وەستان بۆ گیانی پاكی شه‌هیدان دەستی پێکرد و پاشان سەرۆکی زانکۆ پ.ی.د.كاوه‌ شێروانی لە وتەیەکدا بەخێرهاتنی میوانان و ئامادەبووانی کرد.

پاشان به‌رێوه‌به‌ری سیمینار مامۆستا(هاوكار یاسین)ده‌ستپێكی سیمیناره‌كه‌ی كرده‌وه‌ دواتر (دلاوه‌ر ئاژگه‌یی)، به‌ووردی تیشكی خسته‌سه‌ر دواین گۆرانكاریه‌كانی ناوچه‌كه‌ و یه‌كێتی ئه‌وروپا به‌تایبه‌ت پرسی رووبه‌رووبونه‌وه‌ی داعش و قه‌یرانی دارایی و هه‌ڵبژاردنه‌كانی ئه‌وروپا و پرسی به‌لۆبی كردنی په‌یوه‌ندیه‌كانی كورد له‌ جیهانی ئه‌وروپا، به‌رێزیان گوتی: “هه‌رێمی كوردستان قۆناغی باشی په‌یوه‌ندی له‌گه‌ڵ وڵاتانی ئه‌وروپا بڕیووه‌ قۆناغی دیكه‌ش ماوه‌ كه‌ پێویستی به‌ زیاتر لۆبی كردن هه‌یه‌، له‌باره‌ی شه‌ری داعشیش یه‌كێتی ئه‌وروپا داعش به‌مه‌ترسیه‌كی گه‌وره‌ ده‌زانێت بۆسه‌ر ناوچه‌كه‌ له‌و باره‌شه‌وه‌ هه‌ماهه‌نگی و هاوكاری هێزی پێشمه‌رگه‌ به‌رده‌وام ده‌بێت چونكه‌ به‌لای ئه‌وروپاوه‌ گرنگه‌ كه‌ گروپه‌چه‌كداره‌كان له‌ناوچه‌كه‌ نه‌مێنن”.

گوتیشی: “داوامان كردووه‌ كه‌ له‌سه‌ر ئاستی زانكۆكانی ئه‌وروپا هه‌ماهه‌نگی و په‌یوه‌ندی له‌گه‌ڵ زانكۆكانی كوردستان دروست بكه‌ن و بۆ ئه‌م مه‌به‌سته‌ش لێگه‌یشتنی باش هه‌یه‌ و هه‌بوونی زۆرێك له‌ قوتابیانی كورد له‌ زانكۆكانی ئه‌وروپا جێگای دڵخۆشییه‌”.

راشیگه‌یاند: دۆخی ناوچه‌كه‌ واده‌خوازێت ئه‌وروپا گرنگی به‌ هه‌رێمی كوردستان بدات به‌تایبه‌ت ئه‌و فشارانه‌ی ئێستا رووسیا له‌سه‌ر یه‌كێتی ئه‌وروپا هه‌یه‌تی له‌رێگای به‌كارهێنانی گازی سروشتی ئه‌وروپا ده‌یه‌وێت خۆی له‌و گوشاره‌ رزگار بكات بۆ ئه‌مه‌ش كوردستان جێگره‌وه‌یه‌كی باشه‌ له‌ناوچه‌كه‌ و رێژه‌یه‌كی زۆر گازی سروشتی هه‌یه‌ له‌ گۆرانكاری ناوچه‌كه‌ش به‌تایبه‌ت پرسی نه‌وت و بازرگانی كوردستان ده‌توانێت هاوبه‌شی له‌گه‌ڵ یه‌كێتی ئه‌وروپا بكات “.

.دواتر له‌لایه‌ن ئاماده‌بوانه‌وه‌ پرسیار و روونكردنه‌وه‌ دراو وه‌ڵامی دروست له‌و باره‌وه‌ درایه‌وه‌.
دوای ته‌واوبوونی سیمیناره‌كه‌ش خه‌ڵاتی زانكۆی پۆلیته‌كنیكی و رێزلێنان له‌لایه‌ ن پ.ی.د.كاوه‌ شێروانی به‌خشرایه‌ بەڕێز دلاوه‌ر ئاژگه‌یی.

ڕۆژی یەکشەممە ڕێکەوتی 28/4/2019 سەرۆکی زانکۆی پۆلیتەکنیکی هەولێر پ.ی.د کاوە عبدالکریم شێروانی پێشوازی لە سەرۆکی زانکۆی هەکاری پ.د عمر پاکیش و شاندی یاوەری کرد.

لە دیدارەکەدا کە یاریدەدەری سەرۆکی زانکۆ بۆ کاروباری زانستی، بەڕێوبەری بەڕێوبەرایەتی پەیوەندییە ئەکادیمییەکانی سەرۆکایەتی زانکۆ ئامادەی بوون، سەرۆکی زانکۆ کورتە باسێکی دەربارەی زانکۆ بۆ شاندی میوان کرد و ئەوانیش خۆشحاڵی خۆیان دەربڕی بە سەردانی کردنەکە و لە نزیکەوە ئاشنابوون بە زانکۆکەمان.

هەر لە دیدارەکەدا هەردوولا باسیان لە دروست کردنی پەیوەندی نێوان هەردوو زانکۆ کرد و بڕیار درا لە داهاتوودا ڕێککەوتننامەی لێکتێگەیشتن واژۆ بکەن.

دواتر هەردوو سەرۆکی زانکۆ پلاکێتی تایبەت بە زانکۆکانیان گۆڕیەوە و کۆتایی بە دیدارەکە هات.

شیاوی باسە شاندی زانکۆی ناوبراو بەمەبەستی بەشداری کردن لە پێشانگای زانکۆکانی وڵاتی تورکیا لە هەولێرن.

لە درێژەی کار و چالاکیەکانی بەڕێوبەرایەتی چالاکییەکانی سەرۆکایەتی زانکۆێ پۆلیتەکنیکی هەولێر ڕۆژی یەکشەممە ڕێکەوتی 28/4/2019 لە یاریگای پەیمانگەی تەکنیکی کارگێڕی هەولێر کۆتایی بە خولی تۆپی پێی بچووککراوەی قوتابیان هات.

بە ئامادەبوونی سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی، سەرۆکی پێشووی زانکۆ د. کوثر گەڵاڵی و ڕاگرانی پەیمانگە تەکنیکی پزیشکی و کارگێڕی هەولێر، کۆتایی بە خولی تۆپی پێی بچووککراوە هات کە لەسەر ئاستی زانکۆ بۆ هەڵبژاردەی قوتابیانی کۆلێژ و پەیمانگەکان کرابووەوە.

لە یاری کۆتاییدا هەردوو تیپی قوتابیانی پەیمانگەی تەکنیکی کۆیە و پەیمانگەی تەکنیکی کارگێری هەولێر ئەنجام درا، لە کاتی ئاسایی یاریەکەدا هەردوو تیپ یەکسان بوون، بۆیە یاری کەوتە لێدانی یەکلا کەرەوە، لە ئەنجامدا تیپی پەیمانگەی تەکنیکی کارگێری هەولێر سەرکەوتنی بەدەست هێنا و بووە پاڵەوانی خولەکە.

لە کۆتاییدا لە لایەن سەرۆکی زانکۆ و ڕاگرانی ئامادەبوو خەڵات بەسەر یاریزان و باشترینەکانی خول و ناوبژیوانی یاریەکە و ڕێکخەرانی خول دابەش کرا.

ئامادەبوونی پ.ی.د. کاوە عبدالکریم شێروانی سەرۆکی زانکۆی پۆلیتەکنیکی هەولێر، سەرۆکی پێشووی زانکۆ، بەرپرسی لقی دووی پارتی دیموکراتی کوردستان و ژمارەیەک لە ئەندامانی پەرلەمان و بەرپرسانی حزبی و حکومی دووەمین ڤیستیڤاڵی ساڵانەی سیستەمی زانیاریەکانی کارگێڕی لە پەیمانگەی تەکنیکی کارگێڕی هەولێر بەڕێوە چوو.

ڕۆژی یەکشەممە ڕێکەوتی 28/4/2019 بەشی سیستەمی زانیاریە کارگێڕیەکان لە پەیمانگەی تەکنیکی کارگێڕی هەولێر ڤیستیڤاڵی (گەڕان، زانیاری، دۆکیومێنت) ڕێکخرا، لە دەستپێکی ڤیستیڤاڵەکە سەرۆکی زانکۆ وتەیەکی پێشکەش کرد و تیایدا بەخێرهاتنی میوانەکانی کرد دەستخۆشی لە ستافی بەشەکە و پەیمانگە کرد بۆ رێکخستنی، پاشان کار و چالاکیەکانی بەشەکە و قوتابیان نمایش کرا و ئامادەبووان هیوای سەرکەوتنیان بۆ خواستن.

دواتر خەڵاتی ڕێزلێنان لە لایەن ڕێکخراوی (ئای ئێس کەی) بەخشرایە هەریەک لە بەڕێزان سەرۆکی زانکۆ پ.ی.د. کاوە شێروانی، ڕاگری پەیمانگەی تەکنیکی کارگێڕی هەولێر د. هەمزە دزەیی، م. هاوکار یاسین سەرۆکی بەشی سیستەمی زانیاریەکانی کارگێڕی.