Author Archives: admin

ئەمرۆ یەک شەممە ٥ى ئایاری ٢٠١٩ کۆتایی هات بە خولێکى تێنسی سەرمێز کە بۆ قوتابیانی پەیمانگاى تەکنیکى خەبات کرابوویەوە.

ماوەى رابردوو هۆبەى وەرزشی پەیمانگاى تەکنیکى خەبات خولێکی تۆپی سەرمێزی بۆ ٣٨ قوتابی لە سەرجەم بەشەکانى پەیمانگە هەردوو قۆناغی یەکەم و قۆناغی دووەم کردبووەوە ، لە کۆتایدا دوو قوتابی بەشی تەکنەلۆژیاى زانیارى گەیشتنە کۆتایی و قوتابی عبدالرحمن شێخە یاریەکەی لە قوتابی عبدالله محمد بردەوە بە ئەنجامی چوار کۆمەڵە بەرامبەر یەک کۆمەڵە و پلەى یەکەمی بە دەست هێنا.

دواتر خەڵاتەکەکان لە لایەن راگری پەیمانگە مامۆستا سۆران ذنون دابەش کران.

رۆژی پێنج شەممە رێکەوتی 2/5/2019 بە ئامادەبوونی سەرۆکی زانکۆ پ.ی.د. کاوە عبدالکریم شێروانی و یاریدەدەرانی سەرۆکی زانکۆ و ژمارەیەک لەئەندامانی ئەنجومەنی زانکۆ و مامۆستایان و قوتابیان لە رێورەسمێکدا خەڵاتی رێزلێنان بەخشرایە ئەو قوتابی و سەرپەرشتیارانەی کە پرۆژەکانیان بە باشترین هەڵبژێردرابوون لەڤیستیڤاڵی کۆلێژ و پەیمانگەکان.

بە ئامادەبوونی سەرۆکی زانکۆ پ.ی.د.کاوە شێروانی و ژمارەیەک لە ئەندامانی ئەنجومەنی زانکۆ و سەرجەم مامۆستایان و فەرمانبەرانی سەرۆکایەتی زانکۆ لە مەراسیمێکی شایستەدا خەڵاتی ڕێزلێنان بەخشرایە ژینگەپارێزانی سەرۆکایەتی زانکۆ.

رۆژی پێنج شەممە ڕێکەوتی 2/5/2019 لە هۆڵی کۆنفرانسەکانی سەرۆکایەتی زانکۆ بەڕێوبەرایەتی تەندروستی و سەلامەتی مەراسیمکی بەبۆنەی جەژنی کرێکارانی جیهانی ڕێکخست، کە تیایدا خەڵاتی ڕێزلێنان بەخشرایە شوفێران و ژینگەپارێزان، لە میانەی ڕێوڕەسمەکەدا سەرۆکی زانكۆ باسی ئەرک و ماندووبوون و کارکردنی ژینگەپارێزان کرد کە ساڵانێکە لە خزمەت کردنی زانکۆ بەردەوامن و هیوای سەرکەوتنی بۆ خواستن.

ڕۆژی سێ شەممە رێکەوتی 30.4.2019 کاتژمێر 3ی دوای نیوەڕۆ بە ئامادەبوونی سەرۆکی زانکۆ پ.ی.د.کاوە شێروانی و سەرۆک و ئەندامانی لێژنەی باڵای جێ بەجێ کردنی بۆلۆنا پرۆسێس، سیستەمی ئی سی تی ئێس کۆبوونەوە.

لە کۆبوونەوەکەدا سەرۆکی زانكۆ باسی لە هەنگاوەکانی جێبەجێ کردنی پرۆسەکە کرد و بە پێویستی زانی هەموو لایەک هاوکار و هەماهەنگ بن لە پەلە کردن بۆ جێبەجێکردنی بۆ ساڵی نوێی خوێندن هەروەها چەندین خالی گرنگ بڕیاری لەسەر درا کە پەیوەست بوون بە ئەنجامدانی پرۆسەکە، دواتر ئەندامانی لێژنە سەرنج و تێبینییەکانییان خستەڕوو بۆ بەرەوپێشبردنی سیستەمەکە لە کۆلێژ و پەیمانگەکان

بەسەرپەرشتی وەزارەتی خوێندنی باڵا و توێژینەوەی زانستی لە چوارچێوەی پڕۆژەی “تایگرس” پرۆسەی ڕیفۆرمی خوێندن لە کوردستاندا دەستی پێکردووە کە بەشێک لە زانکۆکانی کوردستان ئەنجامی دەدەن و تیایدا سیستەمی نوێی خوێندن گۆڕانکاری بەسەر دێت لە ساڵی ئایندە ئەمەش بە بەستنەوەی زانکۆیەکانی هەرێمی کوردستان بە زانکۆیەکانی یەکێتی ئەوروپا.