رۆژی یەکشەممە 11ی شوباتی 2024، پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر پێشوازی لە دکتۆر سالی برایاند یاریدەدەری سەرۆکی دامەزراوەی ئەکادیمی (University Institute) و شاندی یاوەری کرد.
لەدیدارێکدا هەریەکە لە یاریدەدەری سەرۆکی زانکۆ بۆ کاروباری زانستی، بەڕێوبەری گشتی سەنتەری توێژینەوەی زانستی و بەڕێوبەری سەنتەری زمانی زانکۆمان ئامادەیبوون گفتوگۆ کرا دەربارەی دروست کردنی پەیوەندی لە نێوان هەردوولا وەک دەستپێکیش کردنەوەی خولێکی راهێنانی تایبەت بە مامۆستایان و ستافی زانکۆمان لە لایەن دامەزراوەی ناوبراوەوە بەڕێوەدەبرێت.
ئەم خولە تایبەتە بەهێزکردنی زمانی ئینگلیزی بە تایبەتی لە بواری گفتوگۆکردن و هەندێک بابەتی پێداگۆجی کە بۆ مامۆستاکانی زانکۆمان بەڕێوەدەچێت، کە لە داهاتوودا دەچێتە چوارچێوەی رێکەوتننامەی لێکتێگەیشتن لە نێوان زانکۆمان دامەزراوەی (University Institute).
بڕیارە خولەکە شەش بۆ هەشت گرووپ پێکبێت کە بۆ ماوەی چوار هەفتە بەردەوام دەبێت و لە کۆتایی مانگی چوار دەست پێدەکات کە تیایدا مامۆستایانی زانکۆی پۆلیتەکنیکی هەولێر تێیدا بەشدار دەبن.
