ڕۆژی یەکشەمە رێکەوتی ۲٠۲۳/۲/٥ بەڕێز ( پ.ی.د بۆتان مجید ئاسنگەر ) راگری کۆلێژی تەکنەلۆجی هەولێر بە ئامادەبوونی بەڕێز سەرۆکی بەشی ئەندازیاری تەکنەلۆجیای ئۆتۆمبێل و ستافی بەشەکە سەردانی کۆمپانیای تویۆتا ی عیراقیان کرد بە مەبەستی زیاتر ئاشنا بوون لە پێناو پێشخستنی بەشی ئەندازیاری تەکنەلۆجیای ئۆتۆمبیل لە کۆلیژمان
پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر بە یاوەری یاریدەدەری سەرۆکی زانکۆ بۆ کاروباری زانستی و خوێندنی باڵا و بەرێوەبەری سەنتەری توێژینەوە و بەرێوەبەری هەردوو سەنتەری زمان و سەنتەری پێداگۆجی، بەشداربوون لە سمیناری مامۆستا ئەحمەد گەرمیانی، سەرۆکی یەکێتیی مامۆستایانی کوردستان بە ناونیشانی ( هەڵمەتی جیهانیی بۆ پەروەردەیەکی یەکسان و دادپەروەر).
سمینارەکە کە رۆژی دووشەممە 6ـی شوباتی 2023 لە بارەگای یەکێتی مامۆستایانی کوردستان بەڕێوەچوو، لە چوارچێوەی هەڵمەتی جیهانی بۆ فێربووندا بوو کە رێکخراوی نێودەوڵەتی بۆ پەروەردە پێی هەڵدەستێت.
لەو سمینارەدا گفتووگۆ لەسەر ئەو لایەنانە کرا کە پێویستە کاری لەسەر بکرێت لەو هەڵمەتەدا بەتایبەت ئەوەی پەیوەندی بە چۆنییەتی ئامادەکردنی مامۆستا و چۆنیەتی پتەوکردنی پەیوەندی نێوان هەردوو وەزارەتی پەروەردە و خوێندنی باڵا و توێژینەوەی زانستی، هەروەها باس لە کێشە و گیروگرفتەکانی بەردەم پەروەردە و فێرکردن لە هەرێمی کوردستان کرا.
باسکردن لە چۆنییەتی هاوکاربوونی کەرتی تایبەت لە پرۆسەی پەروەردە، هەروەها بژێوی مامۆستا لە قوتابخانەکان و کەرەستەکانی خوێندن تەوەرێکی دیکەی سمینارەکە بوو.
بە شێوەیەکی گشتی لە سمینارەکەدا باس لە هەموو ئەو فاکتەرانە کرا کە پەیوەستن بە پرۆسەی پەروەردە و فێرکردن.
بەرێوەچوونی سیمینارێک لە پەیمانگەی تەکنیکی مێرگەسۆر
ئەمڕۆ دووشەممە رێکەوتی ٢٠٢٣/٢/٦ لەمیانەی جێبەجێکردنی پرۆسەی دڵنیایی جۆری و زانستخوازی بەردەوام، هۆبەی دڵنیایی جۆریی پەیمانگەکەمان، سیمینارێکی زانستی ڕێکخست بۆ بەرێز مامۆستا (نێرگز بایز عبدالرحمن) لەژێر ناونیشانی
(Heart Attack)
لە سیمینارەکە بە وردی باس لە هۆکارەکان و نیشانەکانی جەلتەی دڵ کرا،هەروەها بباس کرا لە چۆنیەتی خۆپارێزی لە جەلتەی دڵ
رۆژی یەکشەممە رێکەوتی 5ـی شوباتی 2023 سەرۆکی زانکۆ پ.د. ئیدریس محمد تاهیر هەرکی بە ئامادەبوونی یاریدەدەری سەرۆکی زانکۆ کاروباری زانستی و بەرێوەبەری سەنتەری گەشەپێدان بۆ کار، لەگەڵ گەورە راوێژکارانی پرۆژەی کۆواتەر لە بواری سێکتەری ڤێتیرنەری کۆبوویەوە.
شاندی میوان پێکهاتبوون لە (مارک ڤانستینکیست) بەلجیکی و (براین ستەینس) سکۆتلەندی راوێژکارانی باڵای پرۆژەی سێکتەری پەرەپێدانی ڤێتیرنەری لە یەکێتی ئەوروپا.
سەرەتا سەرۆکی زانکۆ بەخێرهاتنی شاندی میوانی کرد و باسی لە گرنگی و هەماهەنگی زانکۆی پۆلیتەکنیکی هەولێری کرد لەگەڵ زانکۆیەکانی یەکێتی ئەوروپا و گواستنەوەی ئەزموونی ئەوان لە بواری کشتوکاڵ و سێکتەری ڤێتێرنەری کە ئەمەش دەبێتە پاڵپشتی و هاندانێکی گرنگ بۆ هەریمی کوردستان.
دواتر هەریەکە لە بەرێزان مارک و براین باسی پرۆژەکەیان کرد کە جێبەجێ دەکرێت لە لایەن دامەزراوەی (کۆواتەر ئینتەرناشناڵ) و (جی.ئای. زی)ـی ئەڵمانی و لە لایەن یەکێتی ئەوروپاوە کۆمەکی دارایی دەکرێت.
پرۆژەکە بۆ ماوەی سێ ساڵ بەردەوام دەبێت کە دوو بواری سەرەکی لەخۆدەگرێت کە ئەوانیش: پەرەپێدان و پێشخستنی پرۆگرامەکانی خوێندنی بەشی ڤێتێرنەری لە کۆلێژی تەکنیکی شەقڵاوە ناردنی ستافی ئەکادیمی بەشی ناوبراو بۆ زانکۆیەکانی یەکێتی ئەوروپا بەتایبەتی بۆ ولاتی بەلجیکا و هۆلەندا بەمەبەستی ئاشناکردنیان بە نوێترین شێوازی تەکنیکی بەشی ڤیتێرنەری و چۆنیەتی ئەنجامدانی توێژینەوەی زانستی سەردەمییانە و چارەسەرکردنی کەمکردنەوەی کێشە کشتوکاڵیەکان و زیاترکردنی بەرهەم.
لایەنی دووەمی جێبەجێکردنی پرۆژەکە گرنگی دانە بە ستافی کارگێری بەرێوەبەرایەتی گەشەپێدان بۆ کار لە سەرۆکایەتی زانکۆ، ئەنجامدانی چەند وۆرکشپێک لە بواری پەرەپێدانی تواناکان و دروست کردنی پەیوەندی نێوان زانکۆ و بازاری کار و گواستنەوەی ئەزموونی یەکێتی ئەوروپا بۆ هەرێمی کوردستان.