Yearly Archives: 2022

ڕۆژی چوارشەممە ڕێکەوتی 14ـی ئەیلولی 2022 زانکۆی پۆلیتەکنیکی هەولێر وێرکشۆپێکی دوو رۆژەی بۆ بەڕێوبەری تۆماری گشتی سەرۆکایەتی زانکۆ د. سەرسام خلیل شوانی و بەرپرسی هۆبەی تۆماری ئەلیکترۆنی محمد عبدالله عبدالعزیز بە شێوەی ئاوێتە رێکخست کە تایبەت بوو بە فێرکاری چۆنیەتی پڕکردنەوەی فۆرمی زانکۆلاین.

لە رۆژی یەکەمی وێرکشۆپەکەدا وێبینارێکیان بەڕێوەبرد کە تایبەت بوو بە چۆنیەتی پڕکردنەوەی فۆرمی زانکۆلاین لە کۆلێژ و پەیمانگەکانی دەرەوەی سەنتەری پارێزگا.

رۆژی دووەمی وێرکشۆپەکە لە هۆڵی بۆنەکانی سەرۆکایەتی زانکۆ بەڕێوەچوو کە لێژنەی پڕکردنەوەی فۆرمی زانکۆلاینی کۆلێژ و پەیمانگەکانی ناو سەنتەری شاری هەولێر بەشداربوون.

وێرکشۆپەکە تایبەت بوو بە فێرکاری چۆنیەتی پڕکردنەوەی فۆرمی زانکۆلاین لە لایەن لێژنەی کۆلێژ و پەیمانگەکانی سەر بە زانکۆی پۆلیتەکنیکی هەولێر (بێ بەرامبەر) و بەبێ هەڵە و کەم و کوڕی، تاکو بتوانن بەشێوەیەکی دروست فۆرمەکە بۆ دەرچووانی پۆلی 12ـی ئامادەیی پربکەنەوە.

رۆژی چوارشەممە رێکەوتی 14ـی ئەیلولی 2022 شاندێکی حکومەتی هەرێم کە پێکهاتوون لە بەرێزان پ.ی.د. ئیدریس محمدطاهر هەرکی سەرۆکی زانکۆی پۆلیتەکنیکی هەولێر، د. هێمن میرانی بەرێوەبەری گشتی دیوان لە وەزارەتی ناوخۆ، د. محمد کەلاری بەرێوەبەری گشتی وەزارەتی خوێندنی باڵا سەردانی وڵاتی بەلجیکایان کرد و چوونە زانکۆی ئەنتوێرپ و بەشدارییان کرد لە سمینارێکی  تایبەت لەسەر دڵنیایی جۆری بەناونیشانی :

 Quality Assurance and bologna process

هەر لە درێژەی سەردانەکەیاندا شاندەکە هەندێک لە بەشەکانی زانکۆی ناوبراویان بەسەرکردەوە و بیروڕا ئاڵوگۆڕ کرا لەسەر چۆنیەتی ئەنجامدانی کاری هاوبەش لەگەڵ رێکخراوی سپارک لە داهاتوودا.

رۆژی سێ شەممە رێکەوتی 13ـی ئەیلولی 2022 یاریدەدەری سەرۆکی زانکۆ بۆ کاروباری زانستی د. نجیب تۆما بتو بە یاوەری راگری پەیمانگەی تەکنیکی مێرگەسۆر سەردانی کونسولخانەی وڵاتی ئەرمینیایان لە هەولێر کرد و لەلایەن کونسوڵەوە پێشوازییان لێکرا.

لە دیدارێکدا گفتوگۆ کرا دەربارەی پەرەپێدانی پەیوەندییەکانی زانکۆ و زانکۆکانی وڵاتی ئەرمینیا لەرێگەی کونسوڵخانەی ناوبراو.

لە بەشێکی دیکەی کۆبوونەوەکەدا باس لە هاوکاری کردنی کونسوڵخانە کرا لەبواری ئەکادیمی بەتایبەتی کردنەوەی بەشی هەنگەوانی لە پەیمانگەی تەکنیکی مێرگەسۆر کە بڕیارە پرۆپۆزەڵی کردنەوەی بەشەکە ئامادە بکرێت تاکو لە داهاتوودا بەشەکە بکرێتەوە.

رۆژی 13ـی ئەیلولی 2022 شاندێکی حکومەتی هەرێمی کوردستان کە پێکهاتبوون لە بەڕێزان پ.ی.د. ئیدریس محمدطاهر هەرکی سەرۆکی زانکۆی پۆلیتەکنیکی هەولێر، د. هێمن میرانی بەرێوەبەری گشتی دیوان لە وەزارەتی ناوخۆ، د. محمد کەلاری بەرێوەبەری گشتی دەزگای سەرپەرشتی و دڵنیایی جۆری لە دیوانی وەزارەتی خوێندنی باڵا بەشدارییان لە نۆهەمین کۆنفرانسی رێکخراوی سپارکی هۆڵەندی لە ئەمستەردام کرد.

شاندەکەی حکومەتی هەرێم لەسەر بانگهێشتی فەرمی رێکخراوی سپارک بەشدارن لەنۆهەمین کۆنفرانسی ساڵانەی رێکخراوەکە

9th edition of its annual IGNITE conference
لەژێر ناونیشانی

Reimagine Jobs

کە تایبەتە بە رەخساندنی هەلی کاری پێشکەوتوو بۆ ئافرەت، ئاوارەکان، و خاوەن پێداویستی تایبەت لە وڵاتەک گەشەسەندووەکان بە دابینکردنی خولی راهێنانی تایبەت لە بوارە جیاجیاکانی کار.

زانکۆی پۆلیتەکنیکی هەولێر لە ساڵی 2019ـەوە رێکەوتننامەی واژوو کردووە لەگەڵ رێکخراوی سپارک هۆڵەندی بۆ جێ بەجێکردنی پرۆگرامی تایبەت بە کۆجبەران و کەم دەرامەت و دەرچوانی زانکۆ بۆ پەرەپێدانی توانا مرۆیەکانیان و تاکو بتوانن لەرێگەیەوە هەلی کار بەدەست بهێنن.

زانکۆی پۆلیتەکینیکی هەولێر وەک شەریک لە جێ بە جی کردنی پرۆژەکانی سپارک لە عێراق و هەرێم چەندین خولی راهێنان و کاروچالاکی بەهاوبەشی لەگەڵ رێکخراوی ناوبراو جێبەجێ کردووە لە بواری پەرەپێدانی توانای دەرچووان و قوتابییانی کۆچبەر لە زانکۆکەمان.