Yearly Archives: 2022

رۆژی چوارشەممە رێکەوتی 28ـی ئەیلولی 2022 سەرۆکی زانکۆ پ.د. ئیدریس محمدطاهر هەرکی پێشوازی کرد لە سەرۆکی ئەنجومەنی باڵای کوردستان بۆ پسۆرایەتیەکانی پزیشکی پ.د. ئاریانا خالص جواد و شاندی یاوەری.

لە دیدارێکدا شاندەکەی ئەنجومەنی باڵای کوردستان بۆ پسپۆڕییەکانی پزیشکی پیرۆزباییان لە د. ئیدریس کرد بەبۆنەی دەست بەکاربوونی بەڕێزیان وەک سەرۆکی زانکۆی پۆلیتەکنیکی هەولێر.

هەر لە دیدارەدا گفتۆگۆکرا دەربارەی بەشی بەڵگەکانی تاوان لە پەیمانگەی تەکنیکی پزیشکی هەولێر بەمەبەستی هەماهەنگی بۆ زیاتر بەرەوپێش بردنی ئەو بەشە.

لە بەشێکی دیکەی کۆبوونەوەکەدا باس لە کردنەوەی بۆردی پزیشکی پەرستاری کرا کە لەئێستادا ژێر دیراسەتکردندایە و شاندی ناوبراو داوایان کرد کە سەرۆکی بەشی پەرستاری لە پەیمانگەی تەکنیکی پزیشکی هەولێر بەشدار بێت لەو گفتۆگۆیانە کە بڕیارە لەم نزیکانە لەگەڵ بۆردی پزیشکی ئوردنی ئەنجام بدەن.

رۆژی سێ شەممە رێکەوتی 27ـی ئەیلولی 2022 لە سەرۆکایەتی زانکۆ پ.د. ئیدریس محمدطاهر هەرکی سەرۆکی زانکۆی پۆلیتەکنیکی هەولێر پێشوازی لە د. عبدالصمد سەرۆکی زانکۆی تیشکی نێودەوڵەتی کرد.

لە دیدارێکدا کە یاریدەدەری سەرۆکی زانکۆ بۆ کاروباری زانستی و بەڕێوبەری پەیوەندییە نێودەوڵەتییەکانی سەرۆکایەتی زانکۆ ئامادەیبوون گفتوگۆکرا دەربارەی زیاتر پتەوکردنی پەیوەندییە ئەکادیمی و زانستییەکانی نێوان هەردوو زانکۆ.

لە بەشێکی دیکەی کۆبوونەوەکەدا رێکەوتننامەی تایبەت بە خوێندنی باڵای نێوان هەردوو زانکۆی پۆلیتەکیکی هەولێر و تیشکی نێودەوڵەتی واژووی لەسەر کرا و نوێکرایەوە.

شیاوی باسە ساڵانە چەندین چالاکی زانستی هاوبەش لە نێوان هەردوو زانکۆکەدا ئەنجام دەدرێت و نوێکردنەوەی رێکەوتننامەکەش بەمەبەستی بەردەوامیدانە بەو پەیوەندییە ئەکادیمی و زانستییەی کە لە نێوان هەردوو زانکۆدا هەیە.

رۆژی سێ شەممە رێکەوتی 27ـی ئەیلولی 2022 لە سەرۆکایەتی زانکۆ پ.د. ئیدریس محمدطاهر هەرکی سەرۆکی زانکۆی پۆلیتەکنیکی هەولێر پێشوازی لە بەرێز فیراس دیب بەرێوەبەری پرۆژەکانی رێکخراوی سپارکی هۆلەندی لە عێراق و شاندی یاوەری کرد.

لە دیدارێکدا کە یاریدەدەری سەرۆکی زانکۆ بۆ کاروباری زانستی ئامادەبوو گفتوگۆکرا دەربارەی زیاتر پتەوکردنی پەیوەندیی نێوان هەردوولا وە هەروەها دارشتنی پلان بۆ پرۆژەی نوێ بە پاڵپشتی دارایی رێکخراوی سپارک کرا.

شیاوی باسە له ماوەی ٣ ساڵی رابردوودا چەندین چالاکی زانستی هاوبەش پرۆژەی هاوبەش ئەنجامدراوە بە هاوکاری و هەماهەنگی هەردوولا.

لە چوارچێوەی کار و چالاکییەکانی بەڕێوبەرایەتی پەیوەندییە نێودەوڵەتییەکان و بەمەبەستی زیاتر بە نێودەوڵەتی کردنی زانکۆی پۆلیتەکنیکی هەولێر، بەشێک لە قوتابیانی کۆلێژ و پەیمانگەکانی زانکۆمان بەشدارییان کرد لە پرۆگرامی ئاڵوگۆڕی قوتابیان لە وڵاتی مالیزیا ـ لە زانکۆی کوالالامپور کە بۆ ماوەی پازدە رۆژ لە 1/9 تاکو 15/9/2022 بەردەوام بوو.

لە پرۆگرامەکەدا کە بوارەکانی زانستی و ئەکادیمی و کەلتوری و فەرهەنگی لەخۆگرتبوو (7) قوتابی زانکۆمان بەشداربوون و بە سەرکەوتوویی پرۆسەکەیان تێپەڕاند و چەند چالاکییەکیان ئەنجامدا و ئاڵای کوردستانیان پێشکەش بە مۆزەخانەی نیشتمانی کوالالامپور کرد هەروەها پلاکێتی زانکۆ و ئاڵای کوردستانیان پێشکەش بە زانکۆی ناوبراو کرد و لە کۆتایی پرۆگرامەکەشدا لە لایەن زانکۆی کوالالامپورەوە بڕوانامەیان پێبەخشرا.

ساڵانە زانکۆی پۆلیتەکنیکی هەولێر (دوای هەڵسەنگاندن و پرۆسەی هەڵبژاردن) ژمارەیەک قوتابی کۆلێژ و پەیمانگە تەکنیکییەکان بەمەبەستی بەشداریکردن لە پرۆگرامی ئاڵوگۆڕی قوتابیان رەوانەی وڵاتانی ئەوروپی و عەرەبی و ئاسیایی دەکات، هەروەها لە بەرامبەریشدا میوانداریی کۆمەڵێک قوتابی زانکۆ ئەوروپی و عەرەبی و ئاسیاییەکان دەکات بە بەمەبەستی شارەزابوون و تێکەڵ بوون بە کەلتوری یەکتری.