بەڕێوبەرایەتی تۆماری گشتیی زانکۆی پۆلیتەکنیکی هەولێر ئاگاداری گشت دەرچووانی پەیمانگە تەکنیکیەکان دەکاتەوە ئەوانەی ئارەزووی درێژەدان بە خوێندنیان هەیە لە کۆلێژه تەکنیکیەکان بۆ ساڵی خوێندنی 2021-2022 لە ڕۆژی یەکشەمە رێکەوتی 1/8/2021 دەتوانن سەردانی ئەو لینکەی خوارەوە بکەن بۆ پێشکەش کردن تا ناویان بچێتە نێو پێشبرکێی وەرگرتن.
بۆ پێشکەش کردن سەردانی ئەم لیــنـــکە بکەن
تێبینی:- تەنها 22 رۆژ ماوە بۆ پێشکەش کردن
رۆژی چوارشەممە رێکەوتی ٢٨ـی تەمووزی ٢٠٢١ سەرۆکی زانکۆ پ.ی. کاوە عبدالکریم شێروانی پێشوازی لە شاندێکی رێکخراوی یونسکۆ کرد بە سەرۆکایەتی تیم مایزن بەرێوبەری پرۆژەی یونسکۆ بۆ پەرەپێدانی خوێندنی تەکنیکی، پیشەیی و راهێنانی پیشەیی لە عێراق
(TVET-2).
لە کۆبوونەوەیەکدا شاندی میوان ئامانجی بەشی دووەمی پرۆژەی یونسکۆیان بۆ زانکۆمان روونکردەوە کە بریتیە لە پەرەپێدانی پرۆگرام و سیستەمی خوێندن و ئەنجامی فێربوون
(Learning Outcome)
، لە چوارچێوەی ئەو پرۆژەیەشدا زانکۆمان سوومەند دەبێت وەک نمونەش لە بەشی تەکنەلۆیای زانیاری و گەیاندن لە کۆلێژی تەکنەلۆژیای هەولێر دەست بەکاردەبن.
شیاوی باسە بۆ ماوەی چوار ساڵ وردەکاری جێبەجێ کردنی پرۆسەی بۆلۆنا بۆ بەشی تەکنەلۆژیای زانیاری و گەیاندن بەرێوەدەبەن و هەروەها خولی راهێنان بۆ ستافی بەشەکە دەکەنەوە بەمەبەستی جێ بەجێ کردنی پرۆژەکە.
رۆژی پێنج شەممە رێککەوتی 15ـی تەموزی 2021 بە ئامادەبوونی یاریدەدەرانی سەرۆکی زانکۆ و ژمارەیەک لە ئەندامانی ئەنجومەنی زانکۆ، سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی خەڵاتی رێزلێنانی بەخشییە مامۆستایان و قوتابیان و بەشداربووانی دووەمین کۆنفرانسی زانستی قوتابیان.
سەرەتای مەراسیمەکە سەرۆکی زانکۆ وتەیەکی پێشکەش کرد و دڵخۆشی خۆی بە سەرکەوتنی کۆنفرانسەکە دەربڕی و هەروەها سوپاسی لێژنەکانی باڵا و ئامادەکاری کرد و پیرۆزبایی لە سەرپەرشتیاری کەرتەپسپۆڕیەکان و مامۆستایان و قوتابیانی بەشدار بوو کرد، هیوای خواست پرۆژەکان بتوانن خزمەتی کوردستان بکەن، لەلای خۆیەوە د. کاوە شێروانی پاڵپشتی تەواوی سەرۆکایەتی زانکۆی دەربڕی بۆ مامۆستایان و قوتابیان بەمەبەستی هاوکاری کردنیان بۆ بەرەوپێشچوونی ئاستی زانستییان.
پاشان خەڵاتی رێزلێنان بەسەر سەرپەرشتیاری کەرتە پسپۆڕییەکان و مامۆستایان و قوتابیان و بەشداربووانی کۆنفرانسەکە دابەش کرا.
دواتر بەجیا لە دیدارێکدا خەڵاتی بەشداربوونی کۆنفرانس بەخشرایە نێچیرڤان حسین کەلاری سکرتێری یەکێتی قوتابیانی کوردستان.
رۆژی چوارشەممە رێکەوتی 7ـی تەموزی 2021 لە چالاکییەکی مرۆییدا قوتابیانی بەشی ئافرەتان و لەدایکبوون سەردانی نەخۆشخانەی نانەکەلیان لە هەولێر کرد.
قوتابیانی بەشی ناوبراو بەمەبەستی دڵخۆشکردن و بەرزکردنەوەی ورەی منداڵانی نەخۆشی شێرپەنجە، چەند دیاری و یارییەکیان پێ بەخشین. کە ئەمەش بووە هۆی دڵخۆشی و لەبیرکردنی کەمێک لە ئازارەکانیان.
