رۆژی دووشەممە رێکەوتی 21ـی حوزەیرانی 2021 لە هۆڵی بۆنەکانی سەرۆکایەتی زانکۆ بە ئامادەبوونی سەرۆکی زانکۆ پ.ی.د. کاوە عبدالکریم شێروانی و یاریدەدەرانی سەرۆکی زانکۆ و ژمارەیەک لە بەرێوبەر و مامۆستا و فەرمانبەرانی زانکۆ بەرێوبەرایەتی چالاکییەدەرەکیەکان پێشانگایەکی شێوەکاری بۆ هونەرمەند کیڤان بارزانی کردەوە.
لە پێشانگاکەدا هونەرمەند کیڤان بارزانی ژمارەیەک لە تابلۆکانی خۆی نمایش کردبوو کە پێکهاتبوون لە کەسایەتیە سیاسی و ناودارەکانی کوردستان و جیهان، دواتر هونەرمەندی ناوبراو تابلۆیەکی تایبەت بە لۆگۆی زانکۆمانی پێشکەش بە سەرۆکی زانکۆ کرد و سوپاسی زانکۆی کرد بۆ کردنەوەی پێشانگاکە.
دواتر سەرۆکی زانکۆ د. کاوە شێروانی بڕوانامەی رێزلێنانی بەخشییە هونەرمەند کیڤان و هیوای سەرکەوتنی بۆ خواستن هەروەها سوپاسی بەرێزیانی کرد بۆ دروست کردن و پێشکەشکردنی تابلۆی لۆگۆی زانکۆمان و کردنەوەی پێشانگەکەی لە سەرۆکایەتی زانکۆ.
