رۆژی چوارشەممە رێککەوتی 19ـی ئایاری 2021 بە ئامادەبوونی یاریدەدەرانی سەرۆکی زانکۆ و راگری کۆلێژی تەکنیکی کارگێری هەولێر، سەرۆکی زانکۆ پ.ی.د. کاوە عبدالکریم شێروانی لە مەراسیمێکدا خەڵاتی رێزلێنانی بەخشییە مامۆستای خانەنشین د. جمال إبراهیم نجم و سەرپەرشتیاران و قوتابیانی بەشداربوو لە خولێکی ئۆنلاینی تایبەت بە بەرنامەی کویک بۆکس.
سەرەتای مەراسیمەکە راگری کۆلێژی تەکنیکی کارگێری هەولێر د. ئازاد بەخێرهاتنی ئامادەبووانی کرد و ئاماژەی بە خزمەتەکانی د. جمال کرد لە ماوەی رابردوودا لە کۆلێژی ناوبراو، دواتر سەرۆکی زانکۆ وتەیەکی کورتی پێشکەش کرد و تیادا بە گرنگییەوە باسی لە دەستکەوت و سەرکەوتنەکانی مامۆستای ناوبراو کرد لە بواری خوێندنی تەکنیکی لە پەیمانگەی تەکنیکی کارگێری هەولێر و کۆلێژی تەکنیکی کارگێری هەولێر و هیوای ژیانێکی بەختەوەری بۆ خواست لە دوای خانەنشین بوونی، لە بەشێکی دیکەی وتەکەیدا سەرۆکی زانکۆ دەستخۆشی لە هەردوو مامۆستا هاوار غفور حمدامین و مامۆستا تاڤگە مهدی عزیز کرد بەهۆی کردنەوەی خولەکە و پیرۆزبایی لە قوتابیانی بەشداربوو کرد.
خولەکە تایبەت بوو بە بەرنامەی کویک بۆکسس کە بۆ ژمارەیەک قوتابی قۆناغی چوارەمی کۆلێژی تەکنیکی کارگێری هەولێر لە لایەن دوو مامۆستای کۆلێژی ناوبراوەوە کرابووەوە، بۆ ئەوەی لە دوای دەرچوون و کارکردنی قوتابیان سوودی لێوەرگرن.
ئەم خولە بە بەشداری 40 قوتابی ماوەی بیست رۆژی خایاند لە 15ـی نیسان تاکو 5ـی ئایاری 2021 بەردەوام بوو، و بروانامەی بەشداربوون و رێزلێنانیان پێ بەخشرا.
