Yearly Archives: 2019

رۆژی چوار شەممە ڕێکەوتی ۲۱ـی ئابی ۲۰۱۹ سەرۆکی زانکۆی پۆلیتەکنیکی هەولێر بە ئامادەبوونی سەرجەم ئەندامانی ئەنجومەنی زانکۆ و ژمارەیەک لە بەڕێوبەرانی سەرۆکایەتی زانکۆ کۆبوونەوەیەکی بەرفراوانی لە سەرۆکایەتی زانکۆ ئەنجام دا.

مەبەستی کۆبوونەوەکە بریتی بوو لە باسکردن و شیکردنەوەی چۆنیەتی داڕشتنی بەرنامەی کار و پڕۆژە و چالاکیەکی زانکۆی پۆلیتەکنیکی هەولێر بۆ ماوەی چوار ساڵی داهاتوو .

هەر لە کۆبوونەوەکەدا سەرجەم کۆلێژ و پەیمانگەکان ڕاسپێردران بە زووترین کات پڕۆژە بەردەوام و پڕۆژە پێشنیارکراوەکان و ئەرک و چاڵاکیە بەردەوام و پێشنیارکراوەکان بخەنە ڕوو و لە فۆرم و خشتەی تایبەت ئاماژەی پێ بکەن لەچوارچێوەی بەرنامەی کاری کابینەی نۆیەمی حکومەتی هەرێمی کوردستان .

ڕۆژی یەکشەممە رێکەوتی ٤ـی ئابی ۲۰۱۹ بەسەرپەرشتی سەرۆکی زانکۆ پ.ی.د. کاوە عبدالکریم شێروانی و بە ئامادەبوونی هەریەکە لە یاریدەدەری سەرۆک زانکۆکان بۆ کاروباری زانستی و سەرۆکی کەرتی پسپۆریەکانی زانستی و بەڕێوەبەرانی پرۆگرامەکانی خوێندنی هەرسێ زانکۆ کۆبوونەوەیەکی گشتگیر ئەنجامدرا کە تیایدا بڕیاردرا کۆنفرانسێکی زانستی هاوبەش بۆ پەرەپێدان و یەکخستنی سسیتەمی خوێندن، پڕۆگرامەکان، سیستەمی ECTS ، مەشقی هاوینە و پڕۆژەی دەرچوون، لە رۆژانی ٢٤ و ٢٥ ئابی ٢٠١٩ لەشاری هەولێر ئەنجام بدەن.

کۆنفڕانسەکە لەژێر ناونیشانی ( ریفۆرمی خوێندنی تەکنیکی چەسپاندنی هەنگاوەکانی بەرەو پڕۆسەی بۆلۆنا)دەبێت و لەشاری هەولێر بەڕیوەدەچێت.

لە کۆبوونەوەکەدا باس لە هەنگاوەکانی ئەنجامدانی کۆنفرانسە زانستیەکە کرا کە بڕیارە لە رێکەوتی(24-25) ئەم مانگە بەڕێوەبچیت تایبەت دەبێت بە گۆڕانکاری و ڕیفۆرم و یەکخستنی پرۆگرامەکانی خوێندن و جێبەجێکردنی بۆلۆنا پرۆسێس و سیستەمی ECTS لە زانکۆ پۆلیتەکنیکیەکانی هەرێمی کوردستان.

لەکۆتایی کۆبوونەوەکەدا کۆی ئەو خاڵانە دیاریکران کە ئامانجی سەرەکی کۆنفرانسەکەن، بریتین لە یەکخستنی سیستەمی خوێندن لە زانکۆ پۆلیتەکنیکیەکان یەکخستنی پڕۆگرامەکانی خوێندن و جێبەجێکردنی بنەماکانی سیستەمی

ECTS

مەشقی پراکتیکی قوتابیان، پڕۆژەی دەرچوونی قوتابیان.

دوا به‌دوای واژۆكردنی یاداشتنامه‌ی له‌یه‌ك تێگه‌یشتن له‌ نێوان زانكۆی پۆلیته‌كنیكی هه‌ولێر و ئه‌نجومه‌نی ئاڵوگۆر و توێژینه‌وه‌ی نێوده‌وڵەتی )ئایرێکس(، بڕیار درا له‌سه‌ر به‌شداریكردنی قوتابیانی زانکۆی پۆلیتەکنیکی هەولێر له‌ پرۆژه‌یه‌كی نێوده‌وڵه‌تی گرینگ به‌ ناوی

(Global Solutions Sustainability Challenge)

، كه‌ سپۆنسه‌ر كراوه‌ له‌ لایه‌ن

( the Stevens Initiative)

و وه‌زاره‌تی ده‌ره‌وه‌ی ولایه‌ته‌ یه‌كگرتووه‌كانی ئه‌مریكا.

له‌م پرۆژه‌یه‌دا 10 زانكۆی ئه‌مریكی و 3 زانكۆی عێراقی و 3 زانكۆی ئوردنی به‌شدارن، به‌ خۆشحاڵیه‌وه‌ دوای پرۆسه‌یه‌كی دوور و درێژ 3 مامۆستای زانكۆی پۆلیته‌كنیكی هه‌ولێر هه‌ڵبژێردران وه‌كو سه‌رپه‌رشتیار و راهێنه‌ری ئه‌م پرۆگرامه‌ نێوده‌وڵه‌تیه‌ كه‌ بریتین له‌ (د. عبدالله یاسین، م. زانیار جبار، د. سه‌لار عثمان).

له‌رێگای ئه‌م پرۆگرامه‌وه‌ قوتابیانی زانكۆی پۆلیته‌كنیكی هه‌ولێر سوود مه‌ند ده‌بن له‌ به‌شداریكرن له‌ گروپێكی نێوده‌وڵه‌تی و كار له‌سه‌ر پرۆژه‌یه‌ك دەکەن وه‌كو تیم، وه‌ به‌شدار بووه‌ سه‌ركه‌وتووه‌كان چانسی گه‌شكردنیان ده‌بێت بۆ ولایه‌ته‌ یه‌كگرتووه‌كانی ئه‌مریكا بۆ پێشكه‌شكردنی پرۆژه‌كانیان.

ئه‌م پرۆژه‌یه‌ له‌ لایه‌ن به‌رێوه‌به‌رایه‌تی په‌یوه‌ندیه‌ نێوده‌وڵه‌تیه‌كانی زانكۆی پۆلیته‌كنیكی هه‌ولێره‌وه‌ كاری له‌سه‌ر كراوه‌ و سه‌رپه‌رشتی ده‌كرێت

بەمەبەستی پیرۆزبایی دەست بەکاربوونیان لە کابینەی نوێ رۆژی پێنج شەممە رێکەوتی 25/7/2019 سەرۆکی زانکۆی پۆلیتەکنیکی هەولێر بەیاوەری ژمارەیەک لە ئەندامانی ئەنجومەنی زانکۆ سەردانی ژمارەیەک لە وەزیر و سەرۆک فەرمانگەکانیان کرد.

شاندی ئەنجومەنی زانکۆ بەسەرۆکایەتی سەرۆکی زانکۆ پ.ی.د. کاوە عبدالکریم شێروانی بەجیا سەردانی هەریەک لە بەڕێزان د.سامان حسين بەرزنجى وەزيرى تەندروستی، ساسان عونى وەزيرى شارەوانى و گەشت و گوزار،
سەفین دزەیی سەرۆكى فەرمانگەى پەيوەنديیەكانى دەرەوە،
و د. عبدالحكيم خسرۆ جۆزل سەرۆكى فەرمانگەى هەماهەنگى بەدواداچوونیان کرد و پیرۆزباییان ئاراستە کردن و هیوای سەرکەوتنیان بۆ بەڕێزیان خواست لە ئەرکی نوێیان.

فۆتۆ:گۆران نەجاڕ