Blog

پ.د.ئیدریس محەمەدتاهیر هەرکی، سەرۆکی زانکۆی پۆلیتەکنیکی هەولێر هەفتەی رابردوو لەگەڵ شاندێکی باڵای وەزارەتی خوێندنی باڵا و توێژینەوەی زانستی کە لە ژمارەیەک راوێژکار و بەڕێوەبەری گشتی و سەرۆکی زانکۆکانی سەڵاحەددین و سلێمانی و دهۆک و گەرمیان لەسەر بانگهێشتی British Council سەردانێکی فەرمی بۆ بەریتانیا ئەنجامدا.

‎ئامانجی سەرەکی سەردانی شاندەکە دروستکردنی هاوبەشی و هەماهەنگیی بوو لەنێوان زانکۆکانی هەرێمی کوردستان و وڵاتی بەریتانیا و لەم چوارچێوەیەشدا سەردانی ژمارەیەک لە زانکۆکانی ئەو وڵاتە کرا و زنجیرەکە کۆبوونەوە و دیداری ئەکادیمی و زانستی ئەنجامدرا.

‎لە میانی سەردانی شاندی باڵای وەزارەتی خوێندنی باڵا و توێژینەوەی زانستی هەرێمی کوردستان بۆ زانکۆی نۆتینگهام، پ.د.ئیدریس محەمەدتاهیر هەرکی تیشکی خستە سەر پێکهاتەی زانکۆی پۆلیتەکنیکی هەولێر و ئەو بەشە زانستیانەی کە زانکۆمان پێویستییان بە هاوکاری و پشتیوانی زیاتر هەیە بەتایبەتی ئەو بەشانەی کە نوێن و لەسەر ئاستی هەرێمی کوردستان و ناوچەکەشدا دەگمەنن.

‎هاوکات تیشک خرایە سەر بە نێودەوڵەتیکردنی زانکۆ و بەشدارییکردن و هاوبەشیکردنی زانکۆمان لە بوارەکانی توێژینەوە و ئاڵوگۆڕی مامۆستایان و قوتابیان و پێداچوونەوە بە پڕۆگرامەکانی خوێندن و هاوکاری بۆ پێگەیاندنی مامۆستا لەو بوارانەی کە زانکۆمان پێویستی پێی هەیە.

‎هەر لە میانی سەردانی شاندی باڵای وەزارەتی خوێندنی باڵا و توێژینەوەی زانستی هەرێمی کوردستان بۆ بەریتانیا، سەردانی زانکۆی لاڤبرا کرا و لەوێ سەرۆکی زانکۆی پۆلیتەکنیکی هەولێر سیمینارێکی پێشکەش کرد.

‎لە سیمینارەکەدا، پ.د.ئیدریس محەمەدتاهیر هەرکی تیشکی خستەسەر مێژوو و پێکهاتەی زانکۆی پۆلیتەکنیکی هەولێر و داتا و پڕۆگرامەکانی خوێندن لە زانکۆ، هەروەها پڕۆگرام و بەرنامەکانی خوێندنی باڵا و ژمارەی قوتابیانی خوێندنی باڵا لە دبلۆمی باڵا، ماستەر و دکتۆرای لە زانکۆماندا خستەڕوو.

‎دواتر سەرۆکی زانکۆی پۆلیتەکنیکی هەولێر باسی لە پێداویستییەکانی ئەو بەشە زانستیانە کرد کە تازەن لە زانکۆماندا و وەک پێویستی بازاڕی کار کراونەتەوە و پێویستیان بە پالپشتی زیاترە.

‎هەر لە میانی سەردانەکەیدا بۆ بەریتانیا، شاندەکە سەردانی هەردوو زانکۆی ئەستۆن و ساسێکس-یان کرد و دوای دیدار و کۆبوونەوەکانیان تاقیگە و بەشە زانستییەکانی زانکۆکانیان بەسەرکردەوە.

‎سەرۆکایەتی زانکۆمان پلانی ئەوەی داناوە کە پەیوەندی ئەکادیمی و زانستی درێژخایان لەگەڵ ئەو زانکۆیانە دابنێت و بەداواداچوون بۆ ناوەڕۆکی ئەو لێکتێگەیشتنانە بکات کە لەگەڵ ئەو زانکۆیانەدا دروستکراون.

 

 

بە ئامادەبوونی پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر بەشداریی لە فێستیڤاڵی چارەسەری سرووشتیی لە کۆلیژی تەکنیکی تەندروستی و پزیشکی هەولێر کرد.

لە فێستیڤاڵەکەدا کە یاریدەدەری راگری کۆلێژی تەکنیکی تەندروستی و پزیشکی هەولێر و سەرۆکی بەشی چارەسەری سرووشتی و ژمارەیەک لە مامۆستایان و قوتابیان ئامادەی بوون، قوتابیان بەشی چارەسەری سرووشتیی بەشێوەی گرووپ پۆستەریان لەسەر چارەسەری سرووشتیی ئامادەکردبوو، لە شێوەی پێشانگایەکدا پۆستەرەکانیان نمایش کرد.

قوتابیانی بەشداربوونی چالاکییەکە، روونکردنەوەیان لەسەر پۆستەرەکانیان بە سەرۆکی زانکۆی پۆلیتەکنیکی هەولێر و ئامادەبووانی دا.

جێی ئاماژەیە، ساڵانە بەشی چارەسەری سرووشتیی لە کۆلیژی تەکنیکی تەندروستی و پزیشکی هەولێر ئەم چالاکییە زانستییە ئەنجام دەدەن و قوتابیان پۆستەرەکانیان لە چوارچێوەی پێشانگایەکدا نمایش دەکەن.

 

رۆژی پێنج شەممە 14ی دیسەمبەری 2023، پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر پێشوازی کرد لە مادان گۆپال کونسوڵی گشتی وڵاتی هیندستان لە هەولێر.

لە دیدارێکدا کە هەریەکە لە یاریدەدەری سەرۆکی زانکۆ بۆ کاروباری زانستی، راگری پەیمانگەی تەکنیکی مێرگەسۆر، بەڕێوبەرانی پەیوەندییە نێودەوڵەتییەکان و تۆماری گشتی ئامادەیبوون گفتوگۆکرا لەبارەی دروستکردنی پەیوەندی لە نێوان زانکۆی پۆلیتەکنیکی هەولێر و زانکۆکان وڵاتی هیندستان لە رووی زانستی و ئەکادیمییەوە.

تەوەرێکی دیکەی کۆبوونەوەکە تایبەت بوو بە کردنەوەی گۆشەیەک لە کتێبخانەی ناوەندی زانکۆی پۆلیتەکنیکی هەولێر بەناوی گۆشەی پەرتوکخانەی هیندستان کە تیایدا ژمارەیەکی بەرچاو لە سەرچاوە گرنگەکانی تایبەت بە بوارەکانی (پزیشکی، پەرستاری، کشتوکاڵی، دەرمانی گیایی، هەنگەوانی، کارگێڕی و زمانی ئینگلیزی) لە خۆدەگرێت.

لەلای خۆیەوە کونسوڵی نوێی هیندستان لە هەولێر بەڵێنیدا وەک کونسوڵخانە بەردەوام بن لە پەیوەندییەکانیان لەگەڵ زانکۆ و زیاتر بەرەوپێشەوەی ببەن و ئامادەی هەر هاوکارییەک دەبن لە بواری ئەکادیمی

لەچوارچێوەی هەماهەنگی و بەهێزکردنی پەیوەندییە ئەکادیمیەکانی نێوان زانکۆی پۆلیتەکنیکی هەولێر و کونسولخانەی وڵاتی هیندستان چەند چالاکیەکی زانستی و ئەکادیمی ئەنجامدرا.

یەکێک لە چالاکییەکان بریتی بوو لە کردنەوەی گۆشەی کتێبخانەی هندی لە کتێبخانەی ناوەندی زانکۆ و کۆمەڵێک کتێبی بەنرخیشیان پێشکەش بەکتێبخانەی زانکۆمان کرد، لەئایندەشدا کتێبی زیاتر ئەکادیمی دەبەخشن بەزانکۆمان. هەروەها چالاکیەکی وەرزشیش ئەنجامدرا کە بەشێک لە قوتابییان ڕاهێنانی یۆگایان ئەنجامدا.

دواتر د.طالب ڕاگری پەیمانگەی تەکنیکی مێرگەسور لەجیاتی سەرۆکی زانکۆ گوتارێکی بەزمانی ئینگلیزی پێشکەش کرد، باسی گرنگی ئەو پەیوەندییە ئەکادیمیانەی کرد، باسی ئەو خاڵە هاوبەشانەی کرد کەوڵاتی هندستان و حکومەتی هەرێم هەیانە وەک ڕێزگرتن لەکولتورو فرە کولتوری پێکەوە ژیان و پێشکەوتنەکان لەو بوارە، هەروەها باسی کرد کەپێمان وایە کونسوڵی نوێی هندستان هاریکارێکی باش دەبێت بۆ بەهێزکردن و هەماهەنگی دروستکردن لەنێوان زانکۆکانی کوردستان بەگشتی بەتایبەتی هەماهەنگی و بەهێزکردنی پەیوەندی زانکۆی پۆلیتەکنیکی هەولێر لەگەڵ زانکۆ ئاستبەرزەکانی وڵاتی هندستان، کونسوڵ پردی ئەو پەیوەندییە دەبێت بۆ زیاتر خزمەتکردنی وڵات و زیاتر پێشکەوتنی بواری ئەکادیمی وڵات و زانکۆمان بەتایبەتی .

پاشان چالاکییەکی دیکە بەڕێوەچوو کە بریتی بوو لە پێشکەشکردنی سیمینارێک لە لایەن کونسوڵ و تێیدا خوێندن و چۆنیەتی خوێندن لەوڵاتی هندستان بۆ ئامادەبووان شیکرایەوە، شێوازی خوێندن چۆنە، ئەو سکۆلەرشیپانە باسکران کە قوتابیانی دەرەوەی وڵاتێ هیندستان دەتوانن داواکاری پێشکەش بکەن، هەندێک لەو سکۆلەر شیپانە بە پێی مەرجەکانیان دەکرێت بەخۆرایی وەربگیرێن و ئەو کاتەش هەموو خەرجییەکان لەئەستۆی حکومەتی هندستان دەبێت.

زانکۆ و بەشەکانی ئەوان بۆ هەموو وڵاتانی جیهان واتە 180 وڵات خزمەت دەکات، کونسوڵی گشتی هندستان هەموو جۆرە هاوکارییەکی خۆی نیشاندا هاوکاری پێشکەشی قوتابیان و فەرمانبەران و مامۆستایانی زانکۆی پۆلیتەکنیکی هەولێر بکەن بۆ پێشکەشکردن بۆ سکۆلەرشیپەکان.

و زانستی.

 

ئەمڕۆ پێنچ شەممە 14ی دیسەمبەری 2023، لەهۆڵی کۆنفرانسەکانی سەرۆکایەتی زانکۆی پۆلیتەکنیکی هەولێر وۆرک شۆپێک لەژێر ناونیشانی Technical English بۆ مامۆستایانی زمانی ئینگلیزی لە گشت کۆلێژ و پەیمانگەکانی سەر بەزانکۆمان سازکرا.

لە دەستپێکدا وتاری بەخێرهێنان لە لایەن پ.ی.د.نەجیب تۆما بتۆ یاریدەدەری سەرۆکی زانکۆ بۆ کاروباری زانستی پێشکەش کرا دواتر سیمنارێک لە لایەن د.دەشنێ ئازاد صدیق لەژێر ناوی Curriculum Development For English Language پێشکەشکرا.

پاشان پانێڵێکی تایبەت بە بەپەرتووکی Technical English لەلایەن دانەرانی پەرتووک پێشکەشکرا، چۆنیەتی وتنەوەو ئاستەنگەکانی بەردەم ووتنەوەی پەرتووک ، دوای وەرگرتنی پرسیارو پێشنیار لەلایەن دانەرانی  پەرتووک وەڵامدرانەوە.

لە کۆتاییشدا یاریدەدەری سەرۆکی زانکۆ بڕوانامەی رێزلێنانی بەخشییە دانەرانی پەرتووک.