رۆژی یەک شەممە ڕێکەوتی ٢٦ی ١ى٢٠٢٥ ئەنجومەنی کۆلێژی تەکنیکی ئەندازیاری هەولێر بەسەرۆکایەتی بەڕێز پ.د. ئەیاد زەکی صابر ڕاگری کۆلێژی تەکنیکی ئەندازیاری هەولێر ، کۆبوونەوەی ئاسایی خۆی ئەنجامدا ، لەگەڵ هەریەک لە بەرێزان : یاریدەدەری ڕاگر و سەرۆک بەشەکان ….
لە کۆبوونەکەدا چەند تەوەرەیەکی گرنگی زانستی و جێبەجێکردنی فەرمانی خانەنشینبوونی مامۆستایان و فەرمانبەران و پێشنیازی بەشەزانستییەکان گفتوگۆیان لەسەرکرا و ڕاسپاردەی پێویستیان لەبارەوە دەرکرا.
ئەمرۆ (٢٦/١/٢٠٢٥) بەڕێز ڕاگری پەیمانگە (د.تیران جمیل پیرۆ ) و یاریدەدەری ڕاگر (د.طارق ویسی صادق )لەگەڵ بەرپرسی بەشەکانی پەیمانگە کۆبوونەوەو باس لە کێشەو گیروگرفتەکان و چۆنیەتی باشترکردنی کاروباری پەیمانگە کرا، وە هەریەکە لە بەرپرسی بەشەکان ڕاوبۆچونی خۆیان خستەڕوو بۆ بەرەوپێشبردنی کارەکانی پەیمانگە . ڕاگری پەیمانگە سوپاسی ئامادەبوانی کرد و هیوای سەرکەوتنی بۆ خواستن لە کارەکانیان .
پ.ی.د نجیب توما بتو بەڕێوەبەری دڵنیایی جۆری و ڕێکخەری پڕۆژەی ازوهارات لە زانکۆ، لەگەڵ نوێنەری وەزارەتەکانی پەروەردە و پلان دانان و کارو کاروباری کۆمەڵایەتی لە چوارەمین کۆبونەوەی لیژنەی هەڵسوڕێنەری پڕۆژە لەشاری بەغدا بەشدارییان کرد.
لەکۆبونەوەکەدا پێداچوونەوە بەگشت کاروچالاکییەکانی ئەم پڕۆژەیە کرا کە لەماوەی ڕابردوو ئەنجام دراون بەهەماهەنگی وەزارەتەکانی پەیوەندیدار و ڕێکخراوی (Cowater)،هەروەها کۆمەڵێک کارو چالاکی بۆ شەش مانگی داهاتوو پێشنیارکران.
شایەنی باسە تائێستا لە زانکۆکەمان چوار خولی ڕاهێنان ئەنجام دراون بۆستافی دڵنیایی جۆری و(CDC)، هەروەها چۆنیەتی ئامادەکاریی بۆکردنەوەی پێشەنگای هەلی کار لەگەڵ چاپکردنی زیاترلە(3000) ڕێبەری هەلی کار بۆ دەرچوانی زانکۆ.
ڕێکخراوی (Cowater) لەساڵی 2022 پڕۆژەی(ISDEHARAK) ڕاگەیاند،زانکۆمان لەگەل وەزارەتەکانی پەروەردەو پلان دانان و کارو کاروباری کۆمەڵایەتی لەماوەی ڕابردوودا بەشدارییان لەکارو چالاکییەکانی ئەم ڕیکخراوەدا کردوە، لەمانگی تەموزی ئەم ساڵ کۆتایی بەکاروچالاکییەکانی دێت.
بە ئامادەبوونی پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر، رێوڕەسمی ناساندنی کتێبی “پەنابەرێن کورد لە ئیران ١٩٧٤-١٩٧٩” بەڕێوەچوو کە لە نووسینی (د.فتاح محەمەد وەلات ژێری) مامۆستا لە کۆلێژی تەکنیکی شەقڵاوە.
لە رێوڕەسمەکەدا کە یاریدەدەرانی سەرۆکی زانکۆ و ژمارەیەک لە ئەندامانی ئەنجوومەنی زانکۆ تێیدا ئامادەبوون، سەرۆکی زانکۆ دەستخۆشی لە نووسەری کتێبەکە کرد و هیوای خواست ئەم کتێبە وەک بەشێک لە مێژووی بزاڤی رزگاریخوازی کورد و سەرچاوەیەکی گرنگ سوود بە خوێنەران بگەیەنێت.
لای خۆیەوە، نووسەری کتێبی (پەنابەرێن کورد لە ئیران ١٩٧٤-١٩٧٩) د.فتاح محەمەد وەلات ژێری سوپاسی سەرۆکی زانکۆ و ئەندامانی ئەنجوومەنی زانکۆی کرد بۆ ئامادەبوون لەو رێوڕەسمە و دەستخۆشی و پێزانینی نیشاندا بۆ پشتگیری و هاندانی مامۆستایان بۆ کارەکانیان.
