سەنتەری گەشەپێدان بۆ کار لە سەرۆکایەتی زانکۆی پۆلیتەکنیکی هەولێر ئاگاداری قوتابیانی هەر سێ کۆلێژی تەکنیکی (ئەندازیاری، کارگێری، تەندروستی) هەولێر دەکاتەوە، ئەوانەی ئارەزووی بەشداری کردنیان هەیە لە بەرنامەی (ئەستێرەکانی زانکۆ) کە لە کەناڵی کوردستان 24 پەخش دەکرێت، رۆژی چوار شەممە رێکەوتی 20/2/2019 کاژێر 12:30 لە هۆڵی تاقیکردنەوەکانی بەشی ئەندازیاری شارستانی لە کۆلێژی تەکنیکی ئەندازیاری هەولێر ئامادەبن بەمەبەستی تاقی کردنەوە و هەڵبژاردنیان بۆ بەشداری کردن لە بەرنامەی ناوبراو.
بەسەرپەرشتی کۆمەلێک لە مامۆستایانی بەشی کارگێری و دەزگاکانی گەشتیاری لە پەیمانگای تەکنیکی کارگێری ھەولێر بەشی سێیەم و کۆتایی خولی راھێنان و چاکسازی لە بواری خوێندنی تەکنیکی پیشەیی بە سەرکەوتووی کۆتای پێ هات کە ماوەی ۱۳ ڕۆژی خایاندبوو لەڕێکەوتی ۳/۲/۲۰۱۹ تا ۱٤/۲/۲۰۱۹، لە تاقیگە و چێشتخانەی بەش ئەنجامدرابوو کە تایبەت بوو بە گۆشتی سوور.
خولەکە لە لایەن رێکخراوی نێودەولەتی یونسکۆ و برتش کاونس ڕێکخرابوو کە سەرپەرشتی دەکرێن لە لایەن یەکێتی ئەوروپاوە،
سەرۆکی بەشی ناوبراو د. هەتاو سوپاسی ئەو رێکخراوانەی کرد بۆ پشتگیری کردنی بەشەکەیان لەکردنەوەی ئەم خولە و ھیوای خواست ئەو رێکخراوانە بەردەوام پشتگیری یان بکەن بۆ کردنەوەی ئەو جۆرە خولانە بۆ ئەوەی فێرخوازانی بەشدار بوو شێفی بەتوانایان لێ دەرچێ و بتوانن پەرە بە کارەکانیان بدەن .
دوای کۆتای ھاتنی خولەکە فێرخوازان خۆشحالی خۆیان دەربری و سوپاسی سەرپەرشتیار و ئامادەکارانی خولەکە کرد.
له درێژه‌ی كارو چالاكیه‌كانی زانکۆی پۆلیتەکنیکی هەولێر كۆتایی هات به‌خولێكی تۆپی پێی بچووك كراوه كه له ماوه‌ی ڕابردوو رێك خرابوو بۆ قوتابیانی كۆلێژی ته‌كنیكی ته‌ندرووستی هه‌ولێر
رێکەوتی 13/2/2019 به ئاماده‌بوونى ڕاگری كۆلێژی ناوبراو، یاریده‌ده‌ری ڕاگر، سه‌رۆك به‌شه‌كان كۆتایی هات به‌خولێكی تۆپی پێ یاریه‌كان له یاریگای په‌یمانگه‌ی ته‌كنیكی كارگێری به‌رێوه‌دەچوو
یاری کۆتایی له نێوان قۆناغی یه‌كی چاره‌سه‌ری سروشتی و قۆناغی ئێواران به‌ڕێوه‌چوو هه‌ردوولا به گۆلێك به‌رامبه‌ر بوون بە لێدانییه‌كلاكه‌ره‌وه قۆناغی یه‌كی چاره‌سه‌ر توانی یاریه‌كه له به‌رژه‌وه‌ندی خۆی كۆتایی پێ بھێنێ و ببێته یه‌كه‌م له‌سه‌ر ئاستی كۆلێژی ناوبراو
ساڵانه بەرێوبەرایەتی چالاكیه‌كانی زانکۆ چه‌ندین خول و چالاكی جۆراوجۆر ڕێك ده‌خه‌ن به مه‌به‌ستی ئاشنابوونی قوتابیان و چێژ وه‌رگرتن له چالاكی و یاریه هه‌مه‌جۆره‌كان به‌شداری پێ كردنیان له‌گه‌ڵ زانكۆكانی تر له زۆربه‌ی بواره‌كان.
لە درێژەی کار و چالاکییەکانی زانکۆی پۆلیتەکنیکی هەولێر، لە ماوەى ڕابردوودا خولێکى تۆپی پێى یازدە یاریزانى بۆ سەرجەم قوتابیانى پەیمانگەی تەکنیکی خەبات کرایەوە کە لە لایەن هۆبەى وەزرشى پەیمانگەی ناوبراوەوە سەرپەرشتی دەکرا رۆژى چوار شەممە ١٣/٢/٢٠١٩ خولەکە کۆتای هات.
ئەم خولە پێکهاتبوو لە ٧ تیپ لە قوتابیانى سەرجەم بەشەکانى پەیمانگا، خولەکە بە شێوازى دۆڕانى جووت بوو، لە یارى کۆتایدا قوتابیانى بەشى کارگێری یاسایی قوناغی دووەم گروپی (أ) لەگەل قوتابیانى بەشى کارگێری قۆناغی دوو گروپی (ب) گەیشتنە یارى کۆتایی و بە لێدانى یەکلاکەرەوە قوتابیانى بەشى کارگێرى یاسایی قۆناغی دووەم گروپی (أ) توانیان بە ئەنجامی (٤-٢) گول ببنە پالەوانى یارییەکە.
لە کۆتاییدا لەلایەن راگر و ئەندامانی ئەنجومەنى پەیمانگە و بەشێک لە مامۆستا و فەرمانبەرانەوە خەڵات بەسەر یەکەم و دووەمى خولەکە و ناوبژوانان دابەشکرا.
