ئەمڕۆ ١٠ـی ئەیلولی ٢٠١٩ لە هۆڵی کۆنگرەکانی سەرۆکایەتی زانکۆ، بەمەبەستی گوێگرتن لە داواکاری و بەدواداچوون و چارەسەرکردنی کێشەکانیان چاوی بە ژمارەیەک لە هاونیشتمانیان و مامۆستایان و فەرمانبەران و قوتابیان کەوت.
لە ماوەی رابردوودا سەرۆکی زانکۆ بڕیاری دابوو کە هەموو رۆژانی سێ شەممە دوای دەوامی فەرمی لە کاژێر ۳ـی دوا نیوەڕۆ تاکو ٦ـی ئێوارە چاوی بە هاونیشتمانیان و مامۆستایان و فەرمانبەران و قوتابیان بکەوێت، تاکو چاوپێکەوتن لەگەڵ بەرێزیان رێگر نەبێت لە بەرێوەچوونی کاروبارە کارگێری و زانستیەکانی زانکۆ.
مامۆستایەکی بەشی دەرمانسازی پەیمانگای تەكنیكی پزیشكی سەر بە زانكۆی پۆلیتەكنیكی هەولێر كە خاوەنی بیرۆكەكەیە بەناوی “مۆب كار” ئەو كەسانە دەخاتە سەر كار كە هیچ ئیشێكیان نییەو لە رێگەیەوە بەبێ هیچ تێچوویەك دەتوانن قازانج بكەن.
دكتۆر تاریق وه‌یسی، مامۆستای زانكۆی بەشی دەرمانسازی پەیمانگای تەكینیكی پزیشكی سەر بە زانكۆی پۆلیتەكنیكی هەولێر لەبارەی بیرۆکەکە دەڵێت: ئەم بیرۆكەیە تایبەته بە دۆزینەوەی هەلی كار بۆ ئەو كەسانەی بەدوای كاردا دەگەڕێن و ناوی پرۆژەکە مامۆستایەكی زانكۆ، لە ڕێگەی داهێنانی بیرۆیەكەیەكەوە بەناوی “مۆب كار” ئەو كەسانە دەخاتە سەر كار كە هیچ ئیشێكیان نیە
هەروەها دەشلێت”:ئەم پرۆژەیە دوو لایەنی هەیە، ئەو كەسانەی دەیانەوێت كار بكەن ئامانجمە لە رێگەی ئەم ئەپلیكەیشتنەوە فێری كاركردنیان بكەم، راهێنانێكی زۆر باشی تێدایە، كە فێری بەبازاڕكردنی ئەلكترۆنیان دەكات”
مامۆستاکەی زانکۆکە هاوکات بەڕێوبەری کۆمپانیانی (میناس)ـیشە وتی”ئێمە سەرەتا لەرێگەی كۆمپانیاكەمانەوە راهێنانیان پێدەكەین كە چۆن كارەكە ئەنجام بدەن، كاری ئەوان بە جۆرێكە نە كەلوپەلەكان دەكڕن نە دەیفرۆشنەوە، بەڵكو ئەوان تەنها بەبازاڕكردنی بۆ دەكەن، لەسەر سیستمەكە خۆیان تۆمار دەكەن و تەنها شەیری بابەتەكان دەكەن، كە بەو هۆیەوە داهاتێك دەچێتە سەر بڵانسەكەیان، لە هەر ئۆفیسێكی ئێمە دەتوانن بڕۆن قازانجەكەیان وەربگرن”.
دكتۆر تاریق وه‌یسی وتیشی،”ماوەی دوو هەفتەیە ئەپڵیكەیشنەكەمان كەوتوەتە كار، تاكو ئێستا زیاتر لە 200 كەس بەشدارییانكردوە، ئەپەكە توانای هەیە تا 2هەزار كەس بەشداری تێدا بكەن، بەپێی ئەو مادانەی دایدەنێین بۆ فرۆشتن زیاد و كەمی بڕی قازانجەكەیان دیاریی دەكرێت كە لەنێوان 10٪ بۆ 20٪ دەبێت بۆ هەر كاڵایەك بەبێ ئەوەی هیچ سەرمایەیەك بخەنەكار”.
ئاماژەی بەوەشكرد، ئەو كەسەی كارەكە دەكات، هەتا كڕیاری زیاتر وەربگرێت، سودی زیاتر دەبینێت، ئەمە جگە لەوەی نرخی ئەو كاڵایەی دەیفرۆشێت بەشێوەی ئۆنلاین كاریگەری لەسەر بڕی قازانجەكەی هەیە.
بۆ یه‌كه‌م جار زانكۆی پۆلیته‌كنیكی هه‌ولێر به‌شداره له پرۆگرامێكی نێوده‌ڵه‌تی شانبه‌شانی چه‌ند دامه‌زراوه‌یه‌كی نێوده‌وڵه‌تی به ناو نیشانی
(Global Solutions Sustainability Challenge).
له رێگای ئه‌م پرۆگرامه‌وه قوتابیانی به‌شداربوو ده‌رفه‌تی كاركردنیان بۆ ده‌ره‌خسێت له‌گه‌ڵ قوتابیانی ولایه‌ته یه‌كگرتووه‌كانی ئه‌مریكا وه‌كو تیم له‌سه‌ر بیرۆكه‌یه‌كی كار له‌رێگای ئینته‌رنێته‌وه
(virtual)
پرۆگرامه‌كه 10 هه‌فته ده‌خایه‌نێت و پێشبینی ده‌كرێت قوتابیان هه‌فتانه پێویست بكات (2-4) كاتژمێر ته‌رخان بكه‌ن بۆ ئه‌م پرۆگرامه و تیمی سه‌ركه‌وتووی یه‌كه‌م و دووه‌م و سێیه‌م خه‌ڵات ده‌كرێن تاكو ده‌رفه‌تی ئه‌وه‌یان بۆ بره‌خسێت بیرۆكه‌ی كاره‌‌كه‌یان بكه‌ن به‌ڕاستی.
له رێگای ئه‌م پرۆگرامه‌وه قوتابیان ده‌رفه‌تی ئه‌وه‌یان بۆ ده‌ره‌خسێت كه‌وا تواناكانی په‌یوه‌ندیكردنیان به‌ره‌وپێش به‌رن له‌گه‌ل كه‌سانێك له كه‌لتووری جیاواز، به‌رز بونه‌وه‌ی تواناكانیان له بواری بینینه‌وه‌ی چاره‌سه‌ری به‌رده‌وام بۆ كێشه‌ی كار و بازرگانی، به‌هێز كردنی تواناكانی چاره‌سه‌ر كردنی كێشه‌كان، وه‌هه‌روه‌ها شاره‌زا بوون له كار و هه‌مانهه‌نگی كردن به‌شێوه‌ی ئۆنلاین.
ئه‌م پرۆگرامه له پاڵپشتی ده‌كرێت لایه‌ن
(Stevens Initiative)
، وه‌هه‌روه‌ها سپۆنسه‌ر كراوه له لایه‌ن وه‌زاره‌تی ده‌ره‌وه‌ی ولایه‌ته یه‌كگرتووه‌كانی ئه‌مریكا و به‌رێوه‌ده‌برێت له لایه‌ن
(Aspen Institute)
، وه‌هه‌روه‌ها جێ به‌جێ ده‌كرێت له لایه‌ن
(IREX)
پێویستە قوتابى پاڵێوراو ئەم مەرجانەى خوارەوە تێدابێت:
١. به‌شداربوو پێویسته قوتابى لە یەکێک لە کۆلێژە تەکنیکه‌کانى زانکۆ بێت.
٢. پێویسته زمانى ئینگلیزى بە باشى بزانێت (قسەکردن و نوسین).
٣. پێویسته كه‌سێكی پابەند بێت بە کات و بەردەوامبوون لەم پرۆگرامە.
ئه‌م پرۆگرامه له رێكه‌وتی 15/9/2019 ده‌ست پێ ده‌كات و رۆژی چوارشه‌ممه 11/9/2019 دوا ده‌رفه‌ته بۆ فۆرم پركردنه‌وه.
ئه‌و قوتابیانه‌ی ئاره‌زووی به‌شداریكردن ده‌كه‌ن ده‌توانن له‌رێگای ئه‌م لینكه داوا پێشكه‌ش بكه‌ن و دواتر چاوپێكه‌وتنیان له‌گه‌ل ده‌كرێت.
ڕۆژی دووشەممە ڕێکەوتی ۲ـی ئەیلولی ۲۰۱۹ سەرۆکی زانکۆ پ.ی.د کاوە عبدالکریم شێروانی پێشوازی لە سکرتێری یەکێتی قوتابیانی کوردستان نێچیرڤان کەلاری و شاندی یاوەری کرد.
لە دیدارەکەدا باس لە ئامادەکاریەکانی دەستپێکی ساڵی نوێی خوێندن و پرۆسەی پێشکەش کردنی زانکۆ و پەیمانگەکان کرا،
دواتر سەرۆکی زانکۆ و شاندی میوان بەشداریان لە سیمنارێک کرد کە بە هاوبەشی لەنێوان زانکۆی پۆلیتەکنیکی هەولێر و یەکێتی قوتابیانی کوردستان پێشکەش کرا لەلایەن مامۆستا فەرهاد عثمان بەڕێوبەری تۆماری گشتی بەوەکالەت و بەرپرسی هۆبەی تۆمار م. محمد عبداللە، کە تیایدا چۆنیەتی پێشکەش کردن و هەڵبژاردن و میکانیزمی وەرگرتن لە پرۆسەی زانکۆلاین بۆ ئامادەبووان روونکرایەوە کە پێکهاتبوون لە کۆمەڵێک قوتابی و خۆبەخش.
ساڵانە بەڕێوبەرایەتی تۆماری گشتی زانکۆی پۆلیتەکنیکی هەولێر بە پاڵپشتی و ڕێنمایی سەرۆکی زانکۆ، لە ماوەی پێشکەش کردن بۆ زانکۆلاین، خۆبەخشانە فۆرمی پێشکەش کردن بۆ قوتابیانی پۆلی دوانزە پڕدەکەنەوە، تاکو هاوکاری قوتابیان بکەن و بەهەڵە زانکۆ و پەیمانگە و بەشەکان هەڵنەبژێرن.