پۆلیتەکنیکی هەولێر پ.ی.د. کاوە عبدالکریم شێروانی، سەرۆکی زانکۆی تەکنیکی باکوور و سەرۆکی زانکۆی موسڵ، رێکخراوی سپارکی هۆڵەندی پرۆژەیەکی راگەیاند لەژێر ناونیشانی (ئینۆڤەیشن لاب) کە سێ زانکۆی عێراقی تێیدابەشدارن.
سەرەتای وێرکشۆپەکە سەرۆکی زانکۆ پ.ی.د. کاوە عبدالکریم شێروانی وتارێکی پێشکەش کرد و تیایدا بەخێرهاتنی سەرۆکی زانکۆکان و میوان و رێکخەرانی وێرکشۆپەکە و سەرپەرشتیارانی پرۆژەی ناوبراو کرد و وتی:
“بەخێربێن بۆ شاری هەولێر بەخێربێن بۆ دەستپێک و کردنەوەی پرۆژەی (ئینۆڤەیشن لاب) کە وەزارەتی دەرەوەی هۆڵەندا بەڕێوەی دەبات و بە هەماهەنگی رێکخراوی سپارکی نێودەوڵەتی جێ بەجێ دەکرێت.
ئێمە خۆشحاڵین کە سەرکەوتووانە لەگەڵ هاوکارانمان لە رێکخراوی سپارک، زانکۆی تەکنیکی باکوور و زانکۆی موسڵ کاردەکەین. هەروەک ئاگادارن لەسەرەتای هەماهەنگیمان لەگەڵ سپارک، توانیومانە زۆربەی ئامانجەکانمان بەدەستبهێنین کە سەرەتا خۆی لە دامەزراندن و رەخساندنی هەلی کار و خوێندن بۆ ئاوارەکان دەبینییەوە.
ئەو پرۆژەیەش هاوکات یارمەتی زانکۆی پۆلیتەکنیکی هەولێری دا کە لە زۆر بواری وەک بنیاتنانی تواناکان، پەرەپێدانی پڕۆگرامەکان، خوێندن و مەشقپێکردنی ڕاهێنەران (تی.ئۆ.تی.ئێس) لە کەرتی جیاواز. ئێمە شانازی بە خۆمان دەکەین کە توانیمان خولی ڕاهێنانی ئاست باڵا دابین بکەین لە بوارەکانی (زمانی ئینگلیزی، بازارکردن) توانیشمان لەبارودۆخی نالەباری کۆرۆناش بەردەوامی بە چالاکییەکانمان بدەین.
زۆر خولمان بۆ ستافی زانکۆ کردەوە، بەیەکەوە کارمان کرد بۆ جێبەجێکردنی پڕۆسەی بۆلۆنا و سیستەمی (ئی سی تی ئێس). وەک دەزانین کە زانکۆکەمان لە ماوەی سێ ساڵی ڕابردوودا دەستی بە جێبەجێکردنی پرۆسەی بۆلۆنا کرد وەک ستراتیژیەتێکی زانکۆی پولیتەکنیکی هەولێر بۆبەرەو بەنێودەوڵەتیبوون لە کاتێکدا کە ئەم هەنگاوانە گەشە بە پێوەرەکانی خوێندنی باڵا دەدات لە هەرێمی کوردستان و عێراق”.
لە بەشێکی دیکەی وتەکەیدا سەرۆکی زانکۆ گووتی: “دەمەوێ سوپاسی ڕێکخراوی سپارک بکەم کە زانکۆی ئێمە و دوو زانکۆی تری هەڵبژارد بۆ جێبەجێکردنی ئەم پڕۆژەیە و هیوادارین تا دوا ساتی کۆمەکردنیان لە هەماهەنگی وهاوکاری بەردەوام بین.
بیرۆکەی (ئینۆڤەیشن لاب) بیرۆکەیەکی سادەیە، بەمانای توانا بەخشین بەسەنتەر، کە هەنگاوێکە بۆ ئەوەی قوتابیان بەتاک یان بە گرووپ زانیاری و بیروڕا بگۆرنەوە، بەدوای پالپشت و ڕێنیشاندەر بگەرێن لە هەمووشی گرنگتر دروستکرنی پەیوەندیە لەگەل هاوپۆلەکانیان، ماموستایانی زانکۆ، خاوەنکارەکان و بازرگانەکان کە ئەمانە دەتوانن بیرۆکە و داهێنانەکانیان بهێننەدی و بیخەنە بواری راستی و جێبەجێکردن”.
لەکۆتایی وتارەکەیدا دکتۆر کاوە دووبارە سوپاسی لێژنەی باڵای رێکخستن و جێبەجێ کردنی وێرکشۆپەکەی کرد بەهۆی ئەوەی کە بەشێوەی گرووپ کارکردن و تێکۆشانیان بۆ ئەوەی ئەم وێرکشۆپ و پرۆژەیە سەرکەوتووانە کارەکانی بگات بە ئەنجام.
