Blog

رۆژی سێ شەممە رێکەوتی 7ـی دیسەمبەری 2021 لە هۆڵی بۆنەکانی سەرۆکایەتی زانکۆ بە ئامادەبوونی وەزیری گواستنەوە و گەیاندنی حکومەتی هەرێمی کوردستان بەرێز ئانۆ جەوهەر، سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی، نووسەر و ئەدیب د. خەسرەو جاف و ژمارەیەک لە ئەندامانی ئەنجومەنی زانکۆ و بەرێوبەرانی سەرۆکایەتی زانکۆ مامۆستایان و قوتابیان، دیبەیتێک لە ژێر ناونیشانی (سیاسەتی ئەمریکا و تێڕوانینی بۆ هەرێمی کوردستان) بۆ بەرێز رەحیم رەشیدی ناسراو بە (مستەر کورد) بەڕێوبەری نووسینگەی کوردستان 24 و کوردستان تیڤی بەرێوەچوو.

سەرەتای دیبەیتەکە بەڕێوەبەری دیبەیت د. بەهات قەرەداغی بەخێرهاتنی مستەر کوردی کرد دواتر دەستکرا بە پێشکەشکردنی دیبەیتەکە و تیایدا بەرێز رەشیدی بەوردی باسی لە سیاسەتەکانی ئەمریکا و تێڕوانین و کاریگەرییان لەسەر هەرێمی کوردستان کرد، پاشان دەرگای گفتوگۆ بۆ ئامادەبووان واڵا کرا و پرسیارەکانیان ئاراستە کرد و لە لایەن پانێڵیستەوە وەڵام درانەوە.

لە کۆتاییدا سەرۆکی زانکۆی پۆلیتەکنیکی هەولێر پلاکێتی تایبەتی زانکۆی پێشکێشی بەرێزیان کرد و سوپاسی کردن بۆ ئەنجامدانی دیبەیتەکە، دواتر بەرێز رەحیم رەشیدی زۆر خۆشحاڵی خۆی دەربڕی بە ئەنجامدانی چالاکییەکە و سوپاسی سەرۆکی زانکۆی کرد بۆ دیارییەکە و وتی خۆشخاڵم کە لە پایتەختی کوردستان ئەم خەڵاتەم لە شوێنێکی زانستی و لە لایەن کەسێکی زانستییەوە پێشکەش کرا دووبارە سوپاس.

لە درێژەی کاروچالاکییەکانی سەنتەری پێداگۆجی زانکۆی پۆلیتەکنیکی هەولێر رۆژی دووشەممە رێکەوتی 6ـی دیسەمبەری 2021 بە ئامادەبوونی سەرۆکی زانکۆ پ.ی.د. کاوە عبدالکریم شێروانی، یاریدەدەرانی سەرۆکی زانکۆ و ژمارەیەک لە ئەندامانی ئەنجومەنی زانکۆ و بەرێوبەرانی سەرۆکایەتی زانکۆ و سەرپەرشتیارانی خولەکە، کۆتایی هێنا بە خولی سێیەمی پێداگۆجی.
خولەکە لە رێکەوتی 6/5/2021 بە بەشداری 58 مامۆستا دەستیپێکردبوو بۆ ماوەی شەش مانگ، لە کۆتایی مانگی ئۆکتۆبەریش بەسەرکەوتووی کۆتایی هات و سەرۆکی زانکۆ لە مەراسیمێکدا لە سەنتەری پێداگۆجی بڕوانامەی دەرچوونی بەخشییە بەشداربووانی خولەکە.

لە درێژەی کار و چالاکییەکانی بەرێوبەرایەتی پەیوەندییە نێودەوڵەتییەکان، زانکۆی پۆلیتەکنیکی هەولێر وەک تاکە زانکۆ لەسەر ئاستی هەرێمی کوردستان و عێراق، فەندێک بەدەست دەهێنێت لە چوارچێوەی پرۆگرامی نێودەوڵەتی (ئیراسموس پڵەس) کە لە لایەن یەکێتی ئەوروپاوە پاڵپشتی دارایی دەکرێت.

زانکۆی پۆلیتەکنیکی هەولێر هاوشان لەگەڵ شەش زانکۆ و دامەزراوەی دیکەی ئەوروپی بەشدارن تیایدا، مەبەست لە پرۆگرامەکە بەهێزکردنی توناکانی ئاوارە وپەنابەرەکانە بۆ تێکەڵ بوونەوەیان لەگەڵ کۆمەڵگە، لە زانکۆی پۆلیتەکنیکی هەولێر بەڕێزان پ.ی.د رەنج سیروان بەڕێوەبەری ئۆفیسی پەیوەندییە نێودەوڵەتییەکان و پ.ی.د. عبداللە عمر یاسین و د. سەلار عثمان لەگەڵ ستافی زانکۆ و دامەزراوەکانی دیکە سەرپەرشتی پرۆگرامەکە دەکەن.

لە رێگەی بەرنامەکەوە کۆمەڵێک خولی راهێنان دەکەنەوە کە 180 کەس بەشداریان تێدا دەکەن لەو شوێنانەی کە کێشە و ئاڵۆزی سیاسییان تێدایە، وە لە چوارچێوەی پرۆگرامەکە بەشێکی دیاریکراویش بۆ قوتابیانی کەم دەرامەتی زانکۆمان تەرخاندەکرێت، و ماوەی سێ ساڵ دەخایەنێت لە 1/2/2022 دەست پێدەکات تاکو 1/2/2025.

بابەتی خولی راهێنانەکان پێکدێت لە پەرەپێدانی توانا مرۆییەکان و بەهێزکردنی کەسایەتییان بۆ ئەوەی لە داهاتوودا چانسی بەدەستخستنی هەلی کاریان زیاتر بێت.

ناوی زانکۆ و دامەزراوەکانی بەشداربوو لە پرۆگرامەکە:

1. Comité mondial pour les apprentissages tout au long de la vie, Centro Internazionale Per la (France)

2. Lo Sviluppo, Economia e Innovazione – APS (Italy)

3. Promozione Dell ‘Educazione e lo Sviluppo Associazione (Italy)

4. Institute of Entrepreneurship Development, Westdeutscher (Greece)

5. Handwerkskammertag, Foundation European Centre, Valuation Prior (Germany)

6. Learning/Stichting Europeescentrum Waarderen van Leren (Netherlands).

رۆژی سێ شەممە رێکەوتی 23ـی 2021 بەئامادەبوونی سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی، یاردەدەری سەرۆکی زانکۆ بۆ کاروباری قوتابیان پ.ی.د. یوسف مصطفی رسول و ژمارەیەک بەرێوبەر و مامۆستایانی زانکۆ و کەسانی پسپۆڕ، لە هۆڵی سەنتەری رۆشبیری زانکۆی پۆلیتەکنیکی هەولێر ئیڤێنتێکی تایبەت بە نەخۆشی تالاسیما بەڕێوەچوو.

لەسەرەتای ئیڤێنتەکەدا سەرۆکی زانکۆ وتەیەکی کورتی پێشکەش کرد تیایدا باسی لە گرنگی ئەنجامدانی ئەم جۆرە ئیڤێنتانە کرد بۆ دەرچووانی قوتابیان و کۆمەڵگە، لەبەشێکی دیکەی وتەکەیدا سەرۆکی زانکۆ ئاماژەی بەوەدا کە وەک سەرۆکایەتی زانکۆ پاڵپشتی تەواوی قوتابیان و دەرچووانمان دەکەین بۆ ئەوەی توێژینەوەکانیان هاوشێوەی ئەم توێژینەوانە سوودیان بۆ پێشکەوتن و هۆشیار کردنەوەی کۆمەڵگە هەبێت.

دواتر دەستکرا بە پێشکەش کردنی پرێزنتەیشنەکانی ئیڤێنتەکە لە لایەن توێژەران و کەسانی پسپۆڕی بوارەکە، لە کۆتایشدا دەرگای گفتوگۆ کرایەوە بۆ ئامادەبووان و پرسیاریان ئاراستەی توێژەران کرد و وەڵامدرانەوە.
لە کۆتایی ئیڤێنتەکەدا یاریدەدەری سەرۆکی زانکۆ بۆ کاروباری قوتابیان خەڵاتی رێزلێنانی بەخشییە توێژەرەکان.