Blog

ئەمڕۆ سێ شەممە 30ی تەمووزی 2024، بە نوێنەرایەتی پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر، پ.ی.د. عەبدوڵا عومەر یاسین بەڕێوەبەری ئۆفیسی پەیوەندییە نێودەوڵەتەکانی زانکۆ، بەشداری کرد لە چوارەمین کۆنفرانسی زانستە مرۆڤایەتی و کۆمەڵایەتییەکان کە لە لایەن زانکۆی تەکنیکی فوراتی ناوەڕاست و بە هاوبەشی لەگەڵ یەکێتی نێودەوڵەتی مێژوونووسان لە شاری هەولێر بەڕێوەچوو.

نوێنەری سەرۆکی زانکۆی پۆلیتەکنیکی هەولێر لەسەر بانگهێشتی فەرمی زانکۆی تەکنیکی فوراتی ناوەڕاست بەشداری لەو کۆنفرانسەدا کردبوو کە لەژێر ناونیشانی “ڕۆڵی زانستە مرۆڤایەتییەکان لە بونیاتنانی داهاتوویەکی باشتر و گەشەسەندووتر” بەڕێوەچوو و تیایدا 61 توێژینەوە لە لایەن 73 توێژەرەوە پێشکەشکرابوون.

 

لەژێر چاودێری پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر و بە ئامادەبوونی پ.د. ئازاد حەسەن قادر یاریدەدەری سەرۆکی زانکۆ بۆ کاروباری کارگێڕی و دارایی و پ.ی.د. یوسف مستەفا رەسول یاریدەدەری سەرۆکی زانکۆ بۆ کاروباری قوتابییان و ژمارەیەک ئەندامی ئەنجومەنی زانکۆ و بەڕێوبەرانی سەرۆکایەتی زانکۆ مەراسیمی کۆتایی هاتنی مەشقی هاوینەی قوتابییانی زانکۆکانی فەڵەستین و سەڵتەنەی عومان بەڕێوەچوو.

لە رێوەسمەکەدا پ.ی.د. رەنج سیروان عەبدوڵا بەڕێوبەری گشتی سەنتەری توێژینەوەی زانستی بە ناوی سەرۆکایەتی زانکۆوە وتەیەکی پێشکەشکرد و تیایدا داوای لە قوتابییان کرد کە ئەو ئەزموونەی لەم مەشقەیاندا بەدەستیان هێناوە لە داهاتوودا سوودێکی زۆری لێ ببینن، دواتر هەریەکە لە قوتابییانی زانکۆکان سیمناری تایبەت بە مەشقەکەیان و لە رووی زانستی و کەلتورییەوە پێشکەش کرد، هەروەها سوپاسی سەرۆکایەتی زانکۆی پۆلیتەکنیکی هەولێر و گشت کۆلێژ و پەیمانگەکان و ستافی زانکۆیان کرد بۆ ئەو پێشوازی و خزمەتەی کە پێشکەشیان کرا، هەروەها سەرسامی خۆیان لە بەرەوپێشچوونی هەرێمی کوردستان دەربڕی لە سەرجەم بووارەکان بەتایبەتی لە بواری زانستی.

لەکۆتایی مەراسیمەکەدا بڕوانامەی رێزلێنان بەخشرایە قوتابییان و قوتابییانیش دیاری تایبەتی زانکۆکانی خۆیان پێشکەش بە زانکۆی پۆلیتەکنیکی هەولێر کرد.

پێشوازی کردن لەو قوتابییانە لە چوارچێوەی پڕۆگرامی ئاڵوگۆڕی قوتابییانە کە ساڵانە زانکۆکەمان بەمەبەستی ئەنجامدانی مەشقی هاوینە میوانداری ژمارەیەک قوتابی زانکۆکانی وڵاتانی عەرەبی و جیهان دەکات و لە بەرامبەریشدا ژمارەیەک قوتابی کۆلێژ و پەیمانگەکانی سەر بە زانکۆمان رەوانەی زانکۆکانی وڵاتانی عەرەبی و جیهان دەکات.

 

راگری پەیمانگە بەشداری یاری کۆتایی پاڵەوانێتی هەڵبژاردەی کوردستان دەکات

ئێوارەی رۆژی چوارشەممە 24ی تەمووزی 2024، د.طالب محەمەد شەریف عمر راگری پەیمانگەی تەکنیکی مێرگەسۆر، بەئامادەبوونی بەرێز هەڵگۆرد شێخ نەجیب سەرپەرشتیاری ئیدارەی سەبەخۆی سۆران و ژمارەیەک لە بەرپرسانی حیزبی و حکومی و وەرزش دۆستان بەشداریکرد لە یاری کۆتایی پاڵەوانێتی هەڵبژاردەی شارەکان بۆ تۆپی پێ لە یارگای د.فرسەت سۆفی لە شاری سۆران.

یاریەکە لە نێوان هەڵبژاردەی هەولێر و هەڵەبجە بەرێوەچوو.

لە یاری کۆتایدا هەڵبژاردەی هەولێر توانی بێتە پاڵەوانی پاڵەوانێتییەکە دوای سەرکەوتنیان بە سەر هەڵبژاردەی هەڵەبجە بە ئەنجامی (4-3).
لە کۆتاییدا خەڵات بەسەر هەردوو تیمو باشترینەکانی خولەکەدا دابەشکرا.

 

پ.ی.د. بۆتان مەجید ئاسنگەر یاریدەدەری سەرۆکی زانکۆ بۆ کاروباری زانستی و خوێندنی باڵا، پێشوازی کرد لە د. محەمەد ئۆزدەمیر یاریدەدەری سەرۆکی زانکۆی نێودەوڵەتی تیشک و شاندی یاوەری.

لە دیدارێکدا کە  پ.ی.د. ڕەنج سیروان عەبدوڵا بەڕێوبەری گشتی سەنتەری توێژینەوەی زانستی و د. دلێر عەبدوڵا بەڕێوبەری تۆماری گشتی زانکۆمان ئامادەیبوون، گفتوگۆکرا دەربارەی بەرەوپێشبردنی پەیوەندییە زانستییەکانی نێوان هەردوولا بە تایبەتی لە ئەنجامدانی کۆنفرانسی زانستی ساڵانەی نێوان هەردوو زانکۆکە کە بڕیارە لە مانگی 10ی ئەم ساڵ بەڕێوەبچێت.

تەوەرێکی دیکەی دیدارەکە تایبەت بوو بە جێبەجێکردنی پرۆژەی خوێندنی باڵا (ماستەر)ی هاوبەش لە نێوان هەردوو زانکۆ کە لە ماوەی ڕابردوودا ئەزموونێکی سەرکەوتوو لەو بوارە لەنێوان هەردوو زانکۆکەدا هەبووە، بۆ ئەم مەبەستەش بڕیاردرا بۆ هەماهەنگی زیاتر لە داهاتوودا کۆبوونەوەکان بەردەوامییان هەبێت.