Blog

ئەمڕۆ چوار شەممە 6ی تشرینی دووەمی 2024، پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر بە یاوەری پ.د.ئازاد حسن قادر یاریدەدەری سەرۆکی زانکۆ بۆ کاروباری کارگێڕی و دارایی، پ.ی.د. سه‌رسام خلیل عمر راگری پەیمانگەی تەکنیکی کارگێڕی هەولێر، خولی زمانی ئینگلیزی بۆ خوازیارانی خوێندنی باڵا( ماستەر و دکتۆرا) و نازناوی زانستی لە سەنتەری زمان بەسەرکردەوە.

سەرۆکی زانکۆ لەنزیکەوە گفتوگۆی لەگەڵ مامۆستایانی سەرپەرشتیاری خولەکە و بەشداربووان کرد و هیوای سەرکەوتنی بۆ خواستن و پاڵپشتی خۆی بۆ دووپاتکردنەوە.

 

لە نزیکەوە ئاگاداری چۆنیەتی بەڕێوەچوونی خولەکە بوو، رۆڵی زانکۆی پۆلیتەکنیکی هەولێر و سەنتەری زمانی بەرز نرخاند لە هاوکاری کردنی بەشداربووان کە توانیویانە ژمارەیەکی زۆر لە بەشداربوان لەم خولەدا بەشداری پێ بکەن.

 

ئەمرۆ چوار شەممە 6ی تشرینی دووەمی 2024، بە ئامادەبوونی پ.د.ئیدریس محەمەد تاهیر هەرکی سەرۆکی زانکۆی پۆلی تەکنیکی هەولێر، د. ژاڵە سعید خەتاب بەڕێوەبەرى گشتى فەرمانگەى توێژینەوە و پەرەپێدان لە وەزارەتى خوێندنى باڵا و توێژینەوەى زانستى و یاریدەدەرانی سەرۆکی زانکۆ بۆ کاروبارەکانی کارگێڕی و دارایی، زانستی و خوێندنی باڵا، قوتابییان و بەشەناوخۆییەکان، ژمارەیەک لە مامۆستایان و میوانان، لە رێوڕەسمێکدا کۆتایی بە خولی دەیەمی پێداگۆجی هات و بڕوانامە بەسەر بەشداربووانی خولەکە دابەشکرا.

سەرەتا سەرۆکی زانکۆ وتەیەکی پێشکەش کرد و تیایدا وێرای بەخێرهێنان پیرۆزبایی لە دەرچووانی خولەکە کرد و تیشکی خستە سەر گرنگی ئەو خولەو وتی:
“بەناوی ئەنجومەنی زانکۆی پۆلیتەکنیکی هەولێر پێشەکی دەستخۆشی لەو مامۆستا بەڕێزانە دەکەین کەماوەی شەش مانگ بەردەوام بوون لەو خولە و وانەوتنەوە تێیدا، کە بەردەوامن و هەر بەردەوامیش دەبن لەگەڵمان، دەستخۆشیتان لێدەکەین و سوپاس گوزارین، زۆر بەخێربێن. هەوەها پیرۆزباییەکی گەرم لە ئێوەی مامۆستایانیش دەکەین کە بەشداربوون سەرکەوتووانە خولەکەتان تەواو کرد.

لە بەشێکی تری وتەکەیدا سەرۆکی زانکۆ رایگەیاند، خولەکانی پێداگوجی مەرجێکە بۆ‌ ئەوەی بتوانن داواکاری پێشکەش بکەن و ببن بەمامۆستای زانکۆ، گرنگی ئەو خولە کە بۆماوەی شەش مانگ بەردەوام بووە دڵنیام گرنگی و سوودێکی زۆری هەیە ، دەسپێکێکی زۆرباشە بۆ ئەوە ی ببیت بەمامۆستایەکی سەرکەوتوو لە بواری خوێندنی باڵا بەتایبەتی، بەڵام ئەوە بەتەنیا بەس نییە، بەڵکو بەردەوامی دەوێت، ئێمەی مامۆستایانی زانکۆ هەوڵدەدەین زیاتر فێربین لەپیشەی پیرۆزی مامۆستایەتی، پیشەی مامۆستایەتی دەریایەکە و پێویستە ڕۆژانە هەوڵبدەین شتی زیاتر فێربین.

پاشان باسی لە گرنگی تەکنەلۆجیا و پێشکەوتنەکانی تەکنەلۆجیا کرد، وە گرنگی تەکنەلۆجیای لە سەردەمی ئەمرۆماندا بۆ مامۆستایان و قوتابیان خستەڕوو، دواتر باسی لە ژینگە و سەوزبونی زانکۆ کرد، کە ئاماژەی بە ڕۆلی مامۆستایان دا لە بەسەوزبونی زانکۆ.
پاشان سەرۆکی زانکۆ باسی لە بەردەوامی مامۆستایانی زانکۆ کرد لەسەر وەرگرتنی زانیاری و دۆزینەوەی ڕێگای تازە بۆ بەرەوپێشبردنی ئاستی زانستی.
لە کۆتایی وتەکەیدا وتی پیرۆزباییەکی گەرمتان لێدەکەم ‌و هیوادارین‌ سەرکەوتووانە لەزانکۆکانی کوردستان خزمەت بکەن.

لە کۆتایی رێوڕەسمەکەدا بڕوانامەی دەرچوون بەخشرایە مامۆستایانی بەشداربووی خولی دەیەمی پێداگۆجی لە زانکۆی پۆلیتەکنیکی هەولێر، بروانامەی ڕێزلێنان بەخشرایە ئەو مامۆستایانەی لەم خولە وانەیان وتۆتەوە، بروانامەی رێزلێنان بەسەر دە یەکەمەکانی خولەکەش دابەشکرا.

شایەنی باسە بەشداربووانی خولی دەیەمی پێداگۆجی لە زانکۆی پۆلیتەکنیکی هەولێر پێکهاتبوون لە 71 قوتابی کە بە سەرپەرشتی ژمارەیەک مامۆستا بۆ ماوەی شەش مانگ سەرپەرشتی وتنەوەی وانەکانی خولەکەیان کرد،لە ئێستاشدا خولی 11یەمین بەرێوەدەچێت، وە لەماوەی ساڵانی ڕابردو زیاتر لە 530بەشداربوو بروانامەی پێداگۆجیان لە زانکۆکەمان بەدەستهێناوە.

بۆ بینینی تەواوی وێنەکان دەتوانن کلیک لێــــــــــــرە بکەن

 

شاندێکی زانکۆی پۆلی تەکنیکی هەولێر لە کۆلێژی تەکنيكی تەندروستی و پزیشکی هەولێر بەشی پەلی دەستکرد و پاڵپشتەكان بە سەرپەرشتی د.زكرى عەلی عەزیز سەرۆکی بەشی ناوبراو، بەشێک قوتابیانی دەرچووی هەمان بەش لە زانکۆکەمان ئەوانیش (شهلاء عباس، محمد سليمان، فاروق خالد، محمد قاسم، و ئیوب خلیل) بەشداری لە یەکەمین کۆنفرانسی ناوچەیی عەرەبی بۆ کۆمەڵگەی نێودەوڵەتی پەلی دەستکرد و پاڵپشتەكان لە وڵاتى ئوردن دەکەن
کۆنفرانسەکە لە رۆژانی ٢-٤ی تشرینی دووەمی ٢٠٢٤ بەرێوەچو، کە لەم کۆنفرانسەدا پێنج توێژینەوە لە لایەن قوتابیانی دەرچووی زانکۆمان پێشکەشکران بە ناونیشانەکانی:

1. Comparative Analysis: Polypropylene vs. Lamination for Transtibial Socket Designs
2. Ischial Containment Versus Quadrilateral Sockets Satisfaction for Unilateral Transfemoral Amputee
3. Complications After Using Transtibial Prosthesis in Diabetic Patients
4. Operating Mechanical Terminal Device Using an Electrical Circuit Via a Myo Muscle Sensor
5. The Effect of Different Orthotic Insole Designs in Reducing the Pressure on the Plantar Surface of the Foot

 

ئەمرۆ سێ شەممە 5ی تشرینی دووەمی 2024، پ.د.ئیدریس محەمەد تاهیر هەرکی سەرۆکی زانکۆی پۆلی تەکنیکی هەولێر، پێشوازی لە شاندی باڵای زانکۆی زنتانی وڵاتی لیبیا بە سەرۆکایەتی د.محەمەد ئەحمەد ئیمبارک دقالی سەرۆکی زانکۆی ناوبراو وشاندی یاوەری کرد.

 

دیدارەکەدا بە ئامادەبوونی یاریدەدەری سەرۆکی زانکۆ بۆ کاروبارەکانی زانستی، بەرێوەبەری پەیوەندییە نێودەوڵەتیەکان و بەرێوەبەری نووسینگەی سەرۆکی زانکۆ بەرێوەچوو.

لە دیدارەکەدا گفتوگۆ کرا دەربارەی زیاتر پتەوکردنی پەیوەندییەکانی نێوان هەردوولا، بۆ ئەمەش یاداشتێکی لێکتێگەیشتن لە نێوان هەردوو زانکۆ واژووکرا.

واژووکردنی یاداشتەکە لەدرێژەی هەوڵە بەردەوامەکانی زانکۆی پۆلیتەکنیکی هەولێرە بۆ پەرەپێدان بەکاروباری زانستی و ئەکادیمی و توێژینەوە لەگەڵ زانکۆکانی ناوخۆ و دەرەوە.