Blog

سەنتەری توێژینەوەی زانستی زانکۆی پۆلیتەکنیکی هەولێر وێرکشۆپێکی دوو ڕۆژەی ئەنجامدا، کە تایبەت بوو بە چۆنیه‌تى نووسین و بڵاوكردنه‌وه‌ى توێژینه‌وه‌ له‌ گۆڤاره‌ كانى زانسته‌ مرۆڤایه‌تیه‌كان.
وێرکشۆپەکە بۆ ماوه‌ى دوو رۆژ بەردەوام بوو له‌ رۆژانی ١٤ و ١٥ مانگی تشرینی دووەمی ٢٠١٩ له‌ سه‌نته‌رى توێژینه‌وه بەرێوەچوو، تیایدا ٤٨ توێژەر بەشدارییان کرد و لە لایەن د. عبدالله عمر یاسین و د. هەتاو کریم ئەنجام درا ‌.
شیاوی باسە وێركشۆپه‌کە له‌ ئه‌نجامى به‌شداریكردنى راهێنه‌رانه‌؛ له‌ خولێكى نێوده‌وڵه‌تى كه‌ له‌ زانكۆى پۆلیته‌كنیكى سلێمانى به‌رێوه‌چوو، به‌ هه‌ماهه‌نگى له‌گه‌ڵ ئه‌كادیمیاى به‌ریتانى و زانكۆى كۆلیژى لندن.

رۆژی سێ شەممە رێکەوتی 15ـی سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی بە ئامادەبوونی راگری کۆلێژی تەکنیکی تەندروستی هەولێر پ.ی. مامۆستا اومێد ارشد حەوێزی پێشوازی لە قوتابی هالە نیهاد نوری قوتابی قۆناغی چوارەمی بەشی شیکاری نەخۆشییەکان لە کۆلێژی تەکنیکی تەندروستی هەولێر کرد، کە بەشداری لە پرۆگرامێکی ئاڵوگۆری کلتوری نێوان هەرێمی کوردستان و وڵاتی چین کردبوو.

پرۆسەی پاڵاوتن و هەڵبژاردنی قوتابیەکە بەپێی چەند پێوەر و هەڵسەنگاندنێکی وورد ئەنجامدرابوو، کە لەلایەن بەڕێوبەرایەتی پەیوەندییە نێودەوڵەتیەکانی سەرۆکایەتی زانکۆوە جێبەجێ کرابوو.

لە دیدارەکەدا قوتابی هالە نیهاد باسی لە گرنگی گەشتە زانستیەکە و وردەکاری پرۆگرامەکە کرد کە هاوڕێ لەگەڵ 9 قوتابی دیکە تێیدا بەشدار بوون لە گشت زانکۆکانی هەرێمی کوردستان، کە مەبەست لێی ئاڵوگۆری کلتور و زانست بوو لەنێوان هەرێم و وڵاتی چین ، هەروەها راپۆرتێکی تێرو تەسەلی لەسەر گەشتەکە خستە روو و باسی لەوە کرد کە سوودێکی زۆری لەم گەشتە بینیوە، هەروەها سوپاسی سەرۆکی زانکۆ و راگری کۆلێژی کرد کە بەردەوام پاڵپشتی قوتابیان بوون بۆ بەرەوپێش بردنی ئاستی زانستی قوتابیان لە کۆلێژ و پەیمانگە تەکنیکییەکان.

دواتر سەرۆکی زانکۆ بڕوانامەی رێزلێنانی بەخشیە قوتابیەکە و هیوای سەرکەوتن و بەردەوامی بۆ خواست کە وەک تاکە قوتابی لەسەر ئاستی زانکۆکەمان بەشێوەیەکی سەرکەوتوانە کۆتایی بە گەشتەکەی هێناوە.

ساڵانە وەزارەتی خوێندنی باڵاو توێژینەوەی زانستی حکومەتی هەرێمی کوردستان بە هەماهەنگی لەگەڵ کونسولخانەی وڵاتی چین 10 قوتابی یەکەم لەسەر ئاستی زانکۆکان لەسەر بنەمای زمان زانی و هەڵسەنگاندنێکی ورد دەستنیشان دەکرێن بەمەبەستی بەشداریکردنیان لە پرۆگرامی ئاڵو گۆری کلتور و زانیاری دەنێرن بۆ وڵاتی چین.

رۆژی دووشەممە ١٤ تشرینی یەکەمی ٢٠١٩ بەڕێز د. ئارام محەمەد قادر وەزیری خوێندنی باڵا و توێژینەوەی زانستی حکومەتی هەرێمی کوردستان بەیاوەری شاندێک سەردانی سەرۆکایەتی زانکۆی پۆلیتەکنیکی هەولێری کرد و لەلایەن بەڕێز پرۆفیسیۆی یاریدەدەر دکتۆر کاوە شێروانی و یاریدەدەرانی سەرۆکی زانکۆی زانکۆ پێشوازی لێکرا.

دوای کۆبوونەوە دکتۆر ئارام محەمەد قادر لەگەڵ سەرۆکی زانکۆی پۆلیتەکنیکی هەولێر و ستافی زانکۆ باسیان لە پرسی وەرگرتنی قوتابیان و چۆنیەتی ئامادەکاری و وەرگرتنی قوتابیانی قۆناغی یەکەمی ئەمساڵی کۆلێژ و پەیمانگاکانی سەر بەزانکۆی پۆلیتەکنیکی هەولێر کرد و پلانی ساڵی نوێی خوێندن بۆ وەزیری خوێندنی باڵا خرایەروو.

دواتر وەزیری خوێندنی باڵا و توێژینەوەی زانستی بە یاوەری پرۆفیسۆری یاریدەدەر د. کاوە شێروانی سەرۆکی زانکۆ سەردانی بەڕێوەبەرایەتی گشتی تۆماری سەرۆکایەتی زانکۆی پۆلیتەکنیکی هەولێریان کرد و لەلایەن مامۆستا سەرسام خەلیل پێشوازیان لێکرا و سەبارەت بە کارەکانی تۆمار و کاروباری قوتابیان رونکردنەوەی پێویست درا بە وەزیری خوێندنی باڵا”.

دواتر سەرۆکی زانکۆ یاوەری وەزیری خوێندنی باڵای کرد بۆ سەردانی کردنی هەردوو پەیمانگای (تەکنیکی کارگێڕی هەولێر و پەیمانگای تەکنەلۆژی هەولێر) و دوای بەسەر کردنەوەی چەند بەشێک و کتێبخانەی گشتی زانکۆ دواتر سەردانی هەردوو بەشی تۆماری هەردوو پەیمانگای ناوبراویان کرد و دواتریش وەزیری خوێندنی باڵا و سەرۆکی زانکۆ لەنزیکەوە گوێیان لە داواکاری و پێشنیارەکانی بەرپرسەکانی تۆمار و فەرمانبەران گرت و دڵنیابوون لە ئامادەکاریەکان بۆ ساڵی نوێی خوێندن.

ئەمڕۆ سێشەممە ٨ تشرینی یەکەمی ٢٠١٩ لە کۆنگرەیەکی رۆژنامەوانیدا کە لە سەرۆکایەتی زانکۆی پۆلیتەکنیکی هەولێر بەڕێوەچوو، تیایدا بەفەرمی لەلایەن سەرۆکی زانکۆی پۆلی تەکنیکی هەولێر کردنەوەی پەیمانگای تەکنیکی مێرگەسۆر راگەیاندرا، کە بڕیارە ساڵی داهاتوو بەفەرمی قوتابیان وەربگرێت بۆ خوێندن لە پەیمانگاکە.

لە کۆنگرە رۆژنامەوانیەکەدا کە بۆ هەریەک لە پ.ی.د. کاوە عبدالکریم شێروانی سەرۆکی زانکۆی پۆلیتەکنیکی هەولێر، د. محمد حسین احمد سەرۆکی دەزگای سەرپەرشتی و دڵنیایی جۆری لە وەزارەتی خوێندنی باڵا و توێژینەوەی زانستی وغەفور مەلا سوار قائیمقامی قەزای مێرگەسۆر ئەنجامدرا تیایدا وردەکاری و رونکردنەوە لەبارەی کردنەوەی پەیمانگەی تەکنیکی مێرگەسۆرخرایە روو”.

لە کۆنگرە رۆژنامەوانیەکەدا کە ژمارەیەک زۆر لە دەزگاکانی راگەیاندن ئامادەی بوون ، پ.ی.د. کاوە عبدالکریم شێروانی سەرۆکی زانکۆی پۆلیتەکنیکی هەولێر رایگەیاند، کردنەوەی پەیمانگاکە دیاریەکی کابینەی نوێی حکومەتی هەرێمی کوردستانە بۆ خەڵکی قارەمان و خۆراگری مێرگەسۆر و وەک ناوچەیەکی شۆرشگیر و فیداکارای شۆرشەکانی کورد، بۆ ئەوەی بتوانرێت خزمەتێکی بچوکی ئەو ناوچەیە بکرێت”.
وتیشی: پەیمانگاکە بەشێوەیەکی کاتی باڵەخانەیەک لەلایەن قایمقامی قەزاکەوە بۆ تەرخانکراوە، لەداهاتووشدا زەوی بۆتەرخان دەکرێت بۆ ئەوەی باڵەخانەی نوێی لەسەر دروستبکرێت”.

سەرۆکی زانکۆ رونیشکردەوە، سێ بەش لەخۆی دەگرێت هەریەک لە بەشەکانی ( کارگێڕی کار، تەکنیکی وەرگێڕانی زمانی ئینگلیزی ، بەشی پەرستیاری) ئەمساڵ ئامادەکاریەکان کراون و پەیمانگاکە ساڵی داهاتوو واتا خوێندنی ساڵی ٢٠٢٠-٢٠٢١ قوتابیان وەردەگرێت و زۆرترین دەرفەتیش بۆ خەڵکی ناوچەکەیە تا بتوانن درێژە بەخوێندن بدەن لە ناوچەکەی خۆیان “.

هەر لەبارەی کردنەوەی پەیمانگای تەکنیکی مێرگەسۆر، د. محمد حسین احمد سەرۆکی دەزگای سەرپەرشتی و دڵنیایی جۆری لە وەزارەتی خوێندنی باڵا و توێژینەوەی زانستی، دوای بەدواداچوون و هەڵسەنگاندن بریارەکە دراوە و جێگای خۆشحاڵیە کە ئەو پەیمانگایەش دەچیتە رێزی پەیمانگاکانی تر بۆ ئەوەی کادیری ناوەند و بەتوانا بخاتە بازاڕەوە و بتوانن لە بوارە جیاجیا کاندا خزمەتبکەن”.

دواتر غەفور مەلا سوار قائیمقامی قەزای مێرگەسۆر ووتی: سوپاسی وەزارەتی خوێندنی باڵا و سەرۆکایەتی زانکۆی پۆلیتەکنیکی هەولێری کرد بۆ بڕیاردان لە کردنەوەی پەیمانگایەکی تەکنیکی لە قەزای مێرگەسۆر و وەک یەکەی ئیداری قەزاکەش ئامادەیی هەموو هاوکاری و هەماهەنگیەکیشن بۆ ئەوەی پەیمانگاکە بەزورترین کات کارەکانی تەواو بکات و بۆ ساڵی داهاتوو ئامادەبێت بۆ وەرگرتنی قوتابیان.
قەزای میرگەسۆر دەکەوێت بەشی باکوری رۆژئاوای شاری هەولێر ، کە پێکهاتووە لە پێنج ناحیە وە کۆی گشتی دانیشتوانی نزیکەی حەفتا هەزار کەسە و پەیمانگەی تەکنیکی مێرگەسۆریش کە نۆهەمین پەیمانگای تەکنیکی سەر بە زانکۆی پۆلی تەکنیکی هەولێر لە سنوری پارێزگای هەولێر سوودێکی زۆری دەبێت لەرووی پێگەیاندنی کادری ناوەند و بەتوانا بۆ ئەو سنوورە.