Blog

رۆژی پێنج شەممە 7ـی ئەیلولی 2023، بە ئامادەبوونی پ.د. ئیدریس محمد تاهیر هەرکی سەرۆکی زانکۆی پۆلیتەکنیکی هەولێر، یاریدەدەرانی سەرۆکی زانکۆ بۆ کاروباری زانستی و خوێندنی باڵا، کارگێڕی و دارایی، راگری کۆلێژی تەکنیکی کارگێڕی هەولێر، سەرۆکی بەش و مامۆستایانی بەشی تەکنیکی ژمێریاری و فەرمانبەرانی کۆلێژ، تێزێکی دکتۆرا لە هۆڵی کتێبخانەی کۆلێژی تەکنیکی کارگێڕی هەولێر تاوتوێکرا.

تێزی دکتۆراکە لە لایەن قوتابی خوێندنی باڵا سلوان نعمت حنا لە پسپۆڕی ژمێریاری دارایی بە ناونیشانی ( تأثير التبني الالزامي لمعايير المحاسبة والابلاغ المالي الدولية (IFRS/IAS) في مهنة تدقيق الحسابات وانعكاساتها في ممارسات التدقيق غير المنتظم- دراسة تحليلية لآراء عينة من المحاسبين الاكاديميين والمهنيين في اقليم كوردستان العراق) ئەنجامدرابوو و پێشکەش بە کۆلێژی تەکنیکی کارگێڕی هەولێر کرا.

لێژنەکە پێکهاتبوو لەم بەڕێزانەی خوارەوە:

١- پ.د.فاضل نبي عثمان سەرۆکی لێژنە

٢- پ.د. باسمە فالح النعيمي ئەندام

٣- پ.د. پەرژین شێخ محمد عزیز ئەندام

٤- پ.ی.د. دلێر موسی احمد ئەندام

٥- پ.ی.د. شلێر عبدالرحمن صدیق ئەندام

٦- پ.د. سیروان کریم عیسی ئەندام و سەرپەرشتیار

 

رۆژی پێنج شەممە 7ـی ئەیلولی 2023، سەرۆکی زانکۆ پ.د. ئیدریس محمەد تاهیر هەرکی،  پێشوازی کرد لە بەڕێز DE WILDE Roeland  بەڕێوبەری جێبەجێکاری رێکخراوی کۆچی نێودەوڵەتی و  محەمەد دلێر فەیسەڵ بەرپرسی کەمکردنەوەی مەترسی رووداوەکان لە رێکخراوی ناوبراو.

لە کۆبوونەوەکەدا کە هەریەکە لە یاریدەدەری سەرۆکی زانکۆ بۆ کاروباری زانستی و بەڕێوبەری پەیوەندییە نێودەوڵەتییەکانی زانکۆمان ئامادەیبوون، گفتوگۆکرا دەربارەی جێبەجێکردنی ناوەرۆکی رێککەوتننامەی لێکتێگەیشتنی نێوان زانکۆمان و رێکخراوی ناوبراو کە لە ماوەی رابردوو واژووکرابوو، ئەویش خۆی دەبینێتەوە لە ئەنجامدانی کاری پێکەوەیی بۆ خزمەتکردنی کۆمەڵگەی کوردستان بەتایبەتی شاری هەولێر لەرێگەی (EPU_Youth Mappers Students chapter) کە پێکهاتوون لە ژمارەیەک مامۆستا و قوتابی زانکۆمان بۆ چارەسەرکردنی کێشەی لافاو لە شاری هەولێر.

یەکەمین کاری پێکەوەیی زانکۆمان لەگەڵ رێکخراوی ناوبراو پڕۆپۆزەڵێک ئامادەکرا بۆ چارەسەرکردنی گرفتی لافاو و کۆبوونەوەی ئاو لە هەندێک ناوچەی شاری هەولێر و پێشکەش بە ئەنجومەنی وەزیران کرا دوای وەرگرتنی رەزامەندی بڕیارە لە رێگەی وەزارەتی شارەوانی و گەشتوگوزارەوە بە هەماهەنگی زانکۆمان و رێکخراوی کۆچی نێودەوڵەتی بچێتە بواری جێبەجێکردنەوە.

 

بەمەبەستی خۆئامادەکردن بۆ ساڵی نوێی خوێندنی 2023-2024، رۆژی چوارشەممە 6ـی ئەیلولی 2023، به‌ ئاماده‌بوونی پ.د. ئیدریس محەمەد تاهیر هه‌ركی سه‌رۆكی زانكۆی پۆلیته‌كنیكی هه‌ولێر کۆبوونەوەی تایبەت بە ئەلیکترۆنی کردنی تۆماری قوتابییان لە زانکۆی پۆلیتەکنیکی هەولێر بەڕێوەچوو.

لە کۆبوونەوەکەدا کە هەریەکە لە پ.ی.د. نه‌جیب تۆما بتۆ یاریده‌ده‌ری سه‌رۆكی زانكۆ بۆ كاروباری زانستی، پ.ی.د. بۆتان مەجید ئاسنگەر راگری کۆلێژی تەکنەلۆجی و سەرۆکی لێژنەی بۆلۆنا پرۆسێس، مامۆستا پاکستان محەمەدئەمین راگری کۆلێژی تەکنیکی سۆران، پ.ی.د. سه‌رسام خەلیل شوانی بەرێوەبەری تۆماری گشتی زانکۆی پۆلیتەکنیکی ھەولێر، سەرۆکی لێژنەی (ECTS) و لێپرسراوی تۆماری گشت کۆلێژ و پەیمانگەکان ئامادەیبوون، سیمنارێک لە لایەن مامۆستا بەڵێن عبدالقادر عثمان لێپرسراوی هۆبەی تۆماری کۆلێژی تەکنیکی شەقڵاوە و م. یاد هۆشیار و م. محمود جبار سه‌باره‌ت به‌ سیستەمی ئەلیکترۆنی تۆمارکردنی قوتابیانی زانکۆمان به‌ڕێوه‌چوو.

لە سیمنارەکەدا بە وردی چۆنیەتی ئەنجامدانی کارەکانی تۆمارکردنی قوتابییان بەشێوەی ئەلیکترۆنی بۆ ئامادەبووان روونکرایەوە، شیاوی باسە بە ئامادەکردن و تەواوبوونی ئەم سیستەمە کارئاسانییەکی زۆر بۆ قوتابییان و ستافی زانکۆ دەکات لە تۆمارکردنی قوتابییان کە بڕیارە بۆ ئەم ساڵی خوێندنی 2023-2024 بکەوێتە بواری جێبەجێکردنەوە.

 

رۆژی سێشەممە 5ـی ئەیلولی 2023، بە ئامادەبوونی پ.ید. ئیدریس محەمەد تاهیر هەرکی، پ.ی.د. محەمەد ئەحمەد کەلاری سەرۆکی دەزگای سەرپەرشتی و دڵنیایی جۆری و راوێژکارانی وەزیری خوێندنی باڵا پ.ی.د. صباح وەیس و پ.ی.د. ئەمیر چالی، خولی ڕاهێنانی متمانە بەخشینی دڵنیایی جۆری لەلایەن وەزارەتی خوێندنی باڵاو توێژینەوەی زانستی لە سەرۆکایەتی زانکۆی پۆلیتەکنیکی هەولێر بەڕێوەچوو.

لە دەستپێکی خولەکەدا پ.د.ئیدریس محمد تاهیر هەرکی وتەیەکی پێشکشە کرد ئەمەی خوارەوە دەقەکەیەتی:

“بەناوی خوای گەورەو میهرەبان

بەڕێزان ڕاوێژکاران و بەرێوەبەرانی وەزارەتی خوێندنی باڵاو توێژینەوەی زانستی و ئەنجومەنی زانکۆو مامۆستایانی بەڕێزو قوتابیانی خۆشەویست زۆر بەخێربێن.

ئێمە وەکو زانکۆی پۆلیتەکنیکی هەولێر خۆشحاڵین ئەمڕۆ جارێکی تر لەبەرنامەیەکی گرنگ بەرنامەیەکی تایبەت بەدڵنیایی جۆری بەهاوکاری وەزارەتی خوێندنی باڵاو دەزگای Nvaoی هۆڵەندی میوانداری ئەو مامۆستاو قوتابییە بەڕێزانە دەکەیین لەهەندێک لەزانکۆکانی کوردستان بۆ‌ئەو بابەتە کەبابەتی دڵنیایی جۆرییە.

بەڕێزان : بابەتی دڵنیایی جۆری زۆرباسی لێوەدەکرێت و دەستەواژەیەکی زۆر گرنگە و زۆریش دووبارە دەبێتەوە، بابزانین دڵنیایی جۆری گرنگی لەچیدایە و بۆچی زۆر گرنگە؟، لەڕاستیدا دڵنیایی جۆری پایەیەکی بنەڕەتییە لەمۆدێلی بەڕێوەبردنێکی سەرکەوتوو لەهەر بوارێکدا، چ لەبواری پەروەردە و ئەکادیمی بێ یان لەبواری بازرگانی، تەندروستی یان هەر بوارێکی تردابێت، بۆیە بەرنامەی دڵنیایی جۆری لەهەموو وڵاتانی جیهان گرنگییەکی تایبەتی پێدەدرێت، لەبواری خوێندنی باڵاش گرنگی تایبەتی خۆی هەیە و دڵنیایی جۆری ستانداردی تایبەتی خۆشی هەیە، ئەو ستانداردانە لەوڵاتێکەوە بۆ وڵاتێکی تر لەدەزگایەکەوە بۆ دەزگایەکی تر جیاوازی هەیە، بەڵام ئەوەی گرنگە ئەو بەرنامانەیە کە دڵنیایی جۆری لەسەر بەرێوەدەبرێت، هەروەها بتوانین سوود لەئەزموونی وڵاتانی ڕۆژئاواش وەربگرین ، دەستخۆشی لەوەزارەتی خوێندنی باڵاش دەکەم بۆ دانانی ئەو بەرنامە و پڕۆگرامە بەهاوکاری ئەو دەزگا هۆڵەندییە ، کەبەکارێکی شایستە و پێویستی دەزانم بۆ زانکۆکانی هەرێمی کوردستان”.

“بەرنامەی دڵنیایی جۆری لە ئێستادا زانکۆکانی کوردستان بەگشتی و بەتایبەتی وەزارەتی خوێندنی باڵا گرنگی پێدەدەن، ئەوەی لەوەش گرنگترە پێویستی هۆشیاری دڵنیایی جۆریمان هەیە، بەڕاستی زۆر لەقوتابیان و مامۆستایان و فەرمانبەرانیش تائێستا لەگرنگی دڵنیایی جۆری تێنەگەیشتوون، بۆیە بەڕای ئێمە دوای ئەو خولە ئێوەی بەڕێز پشتیوان بە خودا دەبنە مامۆستای دڵنیایی جۆری لەناو ناوەندەکانی خوێندن و ناوەندەکانی زانکۆ و دەزگاکانی خوێندنی باڵا، چونکە ئێمە پێویستمان بەهۆشیاری دڵنیایی جۆریش هەیە، ئومێد دەکەین ئەو خولە ببێتە بنەڕەتێکی باش بۆ زیاتر بەرەوپێشبردنی بواری دڵنیایی جۆری و بتوانین زیاتر گرنگی بەو بوارە بدەیین، چونکە دەزانین چەند گرنگی بەدڵنیایی جۆری بدرێت ئەوەندە دەتوانین ئاستی خوێندن و ئاستی دەرچووان و ئاستی فێربوونی قوتابیان لەناو ناوەندەکانی خوێندن باشتربکەین، دەتوانین متمانەی زیاتری هەم کۆمەڵگا و هەم دەرەوەش بەدەست بهێنین کە کواڵێتی خوێندنی باڵا لەهەرێمی کوردستان لەئاستێکی بەرزدایە، بەهیوای سەرکەوتن بۆ ئەو خولە و دووبارەبوونەوەی و بەردەوام بوونی، دووبارە بەخێرهاتنتان دەکەم و بەخێرهاتی ئەو ستافەش دەکەین لە کە هۆڵەنداوە هاتوون”.

لە رۆژی یەکەمی خولەکە بە شێوەیەکی چڕ و پڕ بابەتەکانی پەیوەست بە دڵنیایی جۆری و ستانداردەکانی بە شێوەی تیم وۆرک بۆ بەشداربووان روونکرایەوە بە هەمان شێوە رۆژی دووەمیش بەرنامەی ئەجێنداکە تەواو کرا و کۆتایی بە خولەکە هێنرا.

ئەم خولە بۆ ماوەی دوو رۆژ بەردەوام بوو کە بۆ 7 زانکۆی کوردستان کراوەتەوە ئەوانیش: زانکۆی پۆلیتەکنیکی هەولێرو سەلاحەدین، هەولێری پزیشکی، دهۆک، پۆلیتەکنیکی دهۆک، زاخۆ و سۆران، خولەکە بۆ ستافی دڵنیایی جۆری زانکۆکان و بەشێک لەقوتابیان لەلایەن ڕێکخراوی Nvaoی هۆڵەندی ئەنجام دەدرێت کە لەلایەن دوو پسپۆڕ و مامۆستای زانکۆکانی هۆڵەندا بە ناوەکانی (Michele Wrea) و (Yvonne Overdevest) بەڕێوەچوو.