دوابەدوای گۆڕانکاری و گۆڕینی ناوی ( پەیمانگەی تەکنیکی سۆران ) بۆ ( کۆلێژی تەکنیکی سۆران )، بەرپرسیارەتی و ئەرکی سەرشانمانی قورستربووە و ئامادەکاری و دابینکردنی پێداویستییەکانی زیاتربوونە، وەکو: کەرەستە و پێداویستی پزیشکی و ئامێرەکانی تاقیگەی زۆرتر و کوالێتی باشتر، هەروەها دابینکردنی شوێنی گونجاو و هۆڵی خوێندن و تاقیگەی تازە، … هتد.
خۆشبەختانە ( پ.د. ئیدریس محەمەد تاهیر هەرکی ) سەرۆکی زانکۆ و سەرۆکایەتی زانکۆمان ( زانکۆی پۆلیتەکنیکی هەولێر ) بۆ پڕکردنەوەی کەلێنی کەموکوڕییەکان بە پەرۆش و هاریکار و پاڵپشت هاتوونەتە پێشەوە، ئەم پێداویستییانەی بۆ کۆلێژ دابینکردووە:
– کۆمپیوتەر
– تاقیگە
سەرەڕای ئەم پێداویستییانەی سەرەوە، بڕیاری دروستکردنی نهۆمی دووەمی دراوە و ئێستا بەشێکی باشی کارەکانی نهۆمەکە تەواو بووە، کە پێکهاتووە لە : ( 5 هۆل و ژوورەکانی مامۆستایان و سەرۆک بەش و بڕیاردەر ) ، کە جێگەی دەستخۆشی و پێزانینمانن و بە هیوای بەردەوامی و پاڵپشتی زیاتر.
بە پێویستی دەزانین ئەم دەستکەوتە مەزنانە لە دەڤەرەکەمان پیرۆز بکەین ، دەستخۆشی لە هەموو لایەک بکەین، کە پاڵپشتی زانست و بەرەوپێشچوونە.
هەمیشە شاد و تەندروست بن.
پاکستان حەمەدامین یوسف
ڕاگری کۆلێژی تەکنیکی سۆران
٢٠٢٣/٦/٦
