Category Archives: سەرۆکایەتی زانکۆ

رۆژی سێ شەممە رێکەوتی 17ـی کانونی دووەمی 2023 مەراسیمی دەستپێکردنی خولی راهێنانی تایبەت بە پەرەپێدانی میراتی کلتوری قەڵای هەولێر بە ئامادەبوونی نوێنەرانی زانکۆی پۆلیتەکنیکی هەولێر و هاوبەشانی پرۆژەکە کە پێکهاتوون لە رێکخراوی یونسکۆ و دەزگای (ئای.ئێڵ.ئۆ)بەڕێوەچوو.

ئەم پرۆژەیە تایبەتە بە گەنجانی پەنابەر و گەنجانی کوردستان بۆ پەرەپێدانی مرۆیی، کە لە لایەن یەکێتی ئەوروپاوە کۆمەکی دارایی دەکرێت بە سەرپەرشتی رێکخراوی یونسکۆ و دەزگای (ئای.ئێڵ.ئۆ) و لە لایەن مامۆستایانی زانکۆی پۆلیتەکنیکی هەولێر خولەکە بەڕێوەدەچێت.

خولەکە بە بەشداری زیاتر لە 40 کەس بە دوو گرووپ بەڕێوەدەچێت لە لایەن مامۆستایانی زانکۆی پۆلیتەکنیکی هەولێر د. عفاف یوسف نوری و مامۆستا سۆران خۆرانی-یەوە سەرپەرشتی دەکرێت کە بۆ ماوەی 20 رۆژ بەردەوام دەبێت و لە کۆتایی خولەکەشدا بروانەمە دەبەخشرێتە بەشداربووان کە لە لایەن زانکۆی پۆلیتەکنیکی هەولێرەوە پەسەند کراوە.

 ئه‌مڕۆ ڕێككه‌وتی 17 ـی کانونی دووەمی 2023 له‌ هوتێل دیده‌مان، له‌ ژێرسه‌رپه‌رشتی زانكۆی سه‌لاحه‌دین-هه‌ولێر و به‌ ئاماده‌بوونی پ.ی.د.كامه‌ران یونس محمدئه‌مین سه‌رۆكی زانكۆی سه‌ڵاحه‌دین، وەزیری پەروەردە، یاریدەدەری سەرۆکی زانکۆ بۆ کاروباری قوتابییان پ.ی.د. یوسف مصطفى رسول ڕاوێژکاری وەزارەتی خوێندنی باڵاو توێژینەوەی زانستی و سەرۆکی یەکێتی زانکۆکانی جیهانی، سیمپۆزیۆمی یەکێتی زانکۆکانی جیهانی لە بارەی (كێشه‌ی كۆچ و ئاواره‌بوون، ده‌رئه‌نجام و لێكه‌وته‌كانی)به‌ڕێوه‌چوو.

سیمپۆزیۆمه‌کە بە ئامادەبوونی به‌رپرسانی باڵا و یەکێتی زانکۆکانی جیهانی و زانکۆکانی عیراقی و هەرێمی کوردستان ئەنجامدرا، کە تایبەت بوو بە كێشه‌ی كۆچ و ئاواره‌بوون، ده‌رئه‌نجام و لێكه‌وته‌كانی، هەروەها باس لەو هۆکارانە کرا کە دەبنە هۆی کۆچکردن لە شوێنێکەوە بۆ شوێنێکی تر، هاوکات جۆرەکانی کۆچکردن روونکرایەوە و باس لە توێژینەوە و داتا جیهانیی و ناوخۆییەکان دەربارەی کۆچ کرا.

رۆژی سێ شەممە 17ـی کانونی دووەمی 2023 بە ئامادەبونی سەرۆکی زانکۆ پ.د. ئیدریس محمدتاهیر هەرکی، وەزیری ئاوەدانکردنەوەو نیشتەجێکردن دانا عەبدولکەریم، سەرۆکی زانکۆی نێودەوڵەتیی تیشک د. ئیدریس هادی، پارێزگاری هەولێر ئومێد خۆشناو و ژمارەیەک بەرپرسی حکومی، لە هۆڵی کۆبونەوەکانی بەڕێوەبەرایەتی گشتی رێگاوبان و ئاوەدانکردنەوەی هەولێر رێورەسمی کۆتایی هاتنی خولێکی ئەندازیاری بەڕێوەچوو کە بۆ ئەندازیارانی وەزارەتی ئاوەدانکردنەوە کرابوویەوە.

لەوتەیەکدا سەرۆکی زانکۆ پیرۆزبایی لە سەرپەرشتیاران و بەشداربوانی خولەکە کرد و رایگەیاند کە زانکۆی پۆلیتەکنیکی هەولێر هەمیشە ئامادەیە بۆ کاری پێکەوەیی و هاوکاریکردنی دامودەزگا حکومییەکان لە بوارە جیاجیاکان بۆ بەرزتر کردنەوەی ئاستی زانستی و لێهاتوویی کارمەندانی ناوخۆ بۆ زیاتر خزمەتکردنی کوردستان.

هەر لە رێورەسمەکەدا وەزیری ئاوەدانکردنەوەو نیشتەجێکردن وتەیەکی پێشکەش کرد و تیایدا خۆشحاڵی خۆی دەربڕی بە کردنەوەی ئەم جۆرە خولانەو هاوکات سوپاسی سەرپەرشتیارانی خولەکەی کرد و جەختی لەسەر هەماهەنگی و کاری پێکەوەیی زیاتری نێوان وەزارەتی ئاوەدانکردنەوەو نیشتەجێکردن و زانکۆکاکانی کوردستان و بەتایبەت کۆلێژە ئەندازیارییەکان کردەوە و وتیشی: زۆرێک لە پڕۆژە گرنگەکانی کوردستان بەتایبەت بواری رێگاوبان لەلایەن وەزارەتی ئاوەدانکردنەوەو نیشتەجێکردنەوە ئەنجام دەدرێن، ئەمەش وادەکات رۆڵ و کاریگەریی زانکۆکان و بەتایبەتیش کۆلێژە ئەندازیارییەکان بەردەوام رۆڵێکی گرنگ بێت بۆ هاوکاریکردنی تەکنیکی ئەندازیارانی سەرپەرشتیاری پڕۆژەکان.

خولەکە بە سەرپەرشتی هەردوو زانکۆی پۆلیتەکنیکی هەولێر و زانکۆی نێودەوڵەتیی تیشک بەرێوەچوو کە بۆ ماوەی سێ مانگ بەردەوام بوو و تیایدا 70 ئەندازیاری وەزارەتی ناوبراو بەگشتی بەشداربوون، و وانەکان لە لایەن 10 مامۆستای هەردوو زانکۆ پێشکەش دەکران. لەکۆتایی رێورەسمەکەدا بڕوانامەی دەرچوون بەخشرایە ئەندازیاران و بڕوانامەی رێزلێنان بە مامۆستایان بەخشرا.

ڕۆژی دووشەممە ڕێکەوتی 16ـی کانونی دووەمی 2023 کۆبوونەوەیەکی هاوبەش ئەنجامدرا لە نێوان هەردوو زانکۆی پۆلیتەکنیکی هەولێرو زانکۆی تیشکی نێودەوڵەتی لەگەڵ ئێوارە خوانێک بە ئامادەبوونی هەردوو سەرۆک زانکۆ و یاریدەدەرانی سەرۆک زانکۆ و ژمارەیەک لە ئەندامانی لێژنەکانی کۆنفرانسی ئەندازیاری نێودەوڵەتی هاوبەش کە ساڵانە لە مانگی شوبات ئەنجام دەدرێت.

لە کۆبوونەوەکەدا بە شێوەیەکی گشتی هاوکاری و هەماهەنگیی نێوان هەردوو زانکۆ دووپاتکرایەوە، هەروەها باسی شێواز و چۆنیەتی ئەنجامدانی کۆنفرانسی زاستی لە بوارەکانی ئەندازیاری شارستانی و کۆمپیوتەر کە بڕیارە لە ڕۆژانی 15-16/2/2023 ئەنجام بدرێت گفتوگۆی لەسەر کرا وە بڕیاری گونجاوی لەبارەوە درا.

شایانی باسە لەژێر ڕۆشنایی یاداشتی لیێگەیشتنی نێوان هەردوو زانکۆی پۆلیتەکنیکی هەولێرو زانکۆی تیشکی نێودەوڵەتی، چەندەها کاروچالاکی زانستی ئەنجامدراوە و تا ئێستاش بەردەوامەوە گرنگترینیان:

ـ (8) کۆنفرانسی زانستی لە بواری ئەندازیاری شارستانی و کۆمپیوتەر

ـ (8) چالاکی و پێشبڕکێی قووتابیان

ـ کردنەوەی خوێندنی ماستەری هاوبەش کە تائێستا (16) قوتابی لە بوارەکانی ئەندازیاری سودمەند بوون و بڕوانامەی ماستەریان بەدەست هێناوە.