Category Archives: سەرۆکایەتی زانکۆ

ئەمرۆ 17ـی نیسانی 2023، پ.د. ئیدریس محەمەدتاهیر هەرکی بە یاوەری یاریدەدەری راگری پەیمانگەی تەکنیکی کارگێری هەولێر و بەڕێوبەری ئەندازە و پرۆژەکانی سەرۆکایەتی زانکۆ و ئەندازیارانی سەرپەرشتیار، پرۆژە و نۆژەنکردنەوەکانی کۆلێژی تەکنەلۆجی هەولێر و پەیمانگەی تەکنیکی کارگێڕی هەولێری بەسەرکردەوە.

سەردانی بەڕێزیان بەمەبەستی لە نزیکەوە ئاگاداربوون بوو لە چۆنیەتی بەڕێوەچوونی بنیات نان و نۆژەنکرنەوەکان هەروەها گوێگرتن لە داواکاری سەرپەرشتیارانی پرۆژەکان.

پرۆژەکان گرنگییەکی زۆریان بۆ هەردوو کۆلێژی تەکنەلۆجی و پەیمانگەی تەکنیکی کارگێری هەولێر هەیە و پێکهاتوون لە پێنج پرۆژە ئەوانیش:

1. دروست کردنی باڵەخانەی هۆڵ و تاقیگەی تازە کە پڕۆژەیەکی سێ نهۆمیە و زیاتر لە بیست هۆڵ و تاقیگە لە خۆ دەگرێت لەگەڵ 10 ژووری مامۆستایان و کارگێری کە لەسەر رووبەری 1200 مەتر دوجا دروستدەکرێت و لە سەر داهاتی زانکۆ ئەنجام دەدرێت.
2. دروستکردنی سەنتەری چالاکی قوتابیان بە رووبەری 200 مەتر دوجا کە لە قۆناغی کۆتاییدایە.
3. نۆژەنکردنەوەی باڵەخانەی پێشووی یانەی قوتابیان کە بۆ وەرشەکانی ئاسنگەی و دارتاشی و ساردکاری لە کۆلێژی تەکنەلۆجی هەولێر نۆژەندەکرێتەوە.
4. دروستکردنی باخچەیەکی مۆدرێن و تایبەت لەسەر رووبەری 2500 مەتر دوجا بەمەبەستی زیادکردنی رێژەی سەوزایی بۆ خاوێنی ژینگە کە بۆ بۆنە تایبەتەکانی قوتابیان بەکاردەهێنرێت.
5. نۆژەنکردنەوەی باڵەخانەی تایبەت بە تاقیگەکانی کۆمپیوتەر و ژووری ستاف بۆ (بریتش کۆنصل) کە کۆتایی پێهاتووە لە پرۆسەی وەرگرتندایە.

شیاوی باسە لە ماوەی دەستبەکاربوونی سەرۆکی زانکۆ پ.د. ئیدریس محەمەد تاهیر هەرکی بە پێی بەرنامەیەکی تۆکمە و چڕ وپڕ و لەژێر رێنمایی و سەرپەرشتی بەڕێزیان کار لەسەر چەندین پرۆژەی بیناسازی و زانستی و کەلتوری لە زانکۆی پۆلیتەکنیکی هەولێر کراوە و بەردەوامییان دەبێت.

 

ئەمڕۆ 11ـی نیسانی 2023 سەرۆکی زانکۆ پ.د. ئیدریس محمد تاهیر هەرکی لەگەڵ سەرۆکی بەشە زانستییەکانی هەر سێ کۆلێژی تەکنیکی ئەندازیاری، کارگێڕی و تەندروستی و پزیشکی هەولێر کۆبوویەوە.

لە کۆبوونەوەکەدا کە یاریدەدەری سەرۆکی زانکۆ بۆ کاروباری زانستی و خوێندنی باڵا ئامادەیبوو، گفتوگۆکرا دەربارەی رێکارەکانی پێشکەشکردن بۆ خوێندنی باڵا و چۆنیەتی خۆئامادەکردنی کۆلێژەکان بۆ پرۆسەکە، هەروەها بڕیاردرا لە هەر کۆلێژێک لێژنەیەکی تایبەتمەند پێکبهێنرێت بۆ ئامادەسازی بۆ پرۆسەی پێشکەشکردن و تاقیکردنەوەی توانستی زانستی بۆ خوازیارانی خوێندنی باڵا.

هەر لە کۆبوونەوەکەدا سەرۆکی زانکۆ پاڵپشتی تەواوی خۆی بۆ سەرۆک بەشەکان دەربڕی، چەند رێنوێنی و راسپاردەیەکی ئاراستە کردن بۆ ئەوەی پرۆسەکە بە باشترین شێوە بەڕێوەبچێت.

زانکۆی پۆلیتەکنیکی هەولێر خوازیارانی خوێندنی باڵا (دبلۆمی باڵا، ماستەر و دکتۆرا) ئاگادار دەکاتەوە ئەوانەی دەیانەوێت لە زانکۆکەمان درێژە بە خوێندنی باڵا بدەن، لە ئێستادا دەتوانن بەشێوەی ئۆنلاین داواکاری پێشکەش بکەن.

بۆ پێشکەشکردن و بینینی (کرێی خوێندن، پلانی وەرگرتن، رێنماییەکان) تکایە لێـــــــــــــــــــــــرە کلیک بکە.

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر و عەبدولسەلام مەدەنی، بەڕێوەبەری گشتی دەزگای ڕوانگە جەختيان لە پێویستی هەماهەنگی نێوان زانکۆی پۆلیتەکنیکی هەولێر و دەزگای ڕوانگە و ئەنجامدانی کاری هاوبەش کردەوە.

 

رۆژی پێنجشەممە 6ـی نیسانی 2023، پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر و عەبدولسەلام مەدەنی، بەڕێوەبەری گشتی دەزگای ڕوانگە کۆبوونەوە.

 

لە دیدارەکەدا کە  پ.ی.د.نەجیب تۆما، یاریدەدەری سەرۆکی زانکۆ بۆ کاروباری زانستی و خوێندنی باڵا و پ.ی.د.رەنج سیروان، بەڕێوەبەری پەیوەندییە نێودەوڵەتییەکان و سەرمەند بەرزنجی، بەڕێوەبەری کارگێڕی زانکۆ و گۆڤار حارس، به‌ڕێوه‌به‌ری ڕاگه‌یاندن و میدیای ده‌زگای ڕوانگه‌ ئامادەی بوون، پ.د.ئیدریس محەمەد تاهیر هەرکی خۆشحاڵی خۆی نیشاندا بە دیدارەکە و باسی لە پێکهاتەی زانکۆی پۆلیتەکنیکی هەولێری کرد کە جگە لە سەنتەری شاری هەولێر کۆلێژ و پەیمانگای لە قەزاکانی دەرەوەی شاری هەولێر هەیە هەروەها چەندین بوار و بەشی جیاجیا لەخۆدەگرێت، ئەمەش دەرفەتی پێکەوە کارکردن و هەماهەنگیی نێوان هەردوولا زیاتر دەکات.

 

لای خۆیەوە،  عەبدولسەلام مەدەنی، بەڕێوەبەری گشتی دەزگای ڕوانگە سوپاسی سەرۆکی زانکۆی پۆلیتەکنیکی هەولێر و شاندي یاوەری کرد بۆ سەردانەکەیان و ئامادەیی دەزگاکەی بۆ هەماهەنگیی و کاری پێکەوەیی نیشاندا.

 

ئەنجامدانی ئەو پرۆژانەی کە دەبنە هۆی رەخساندنی هەلی کاری زیاتر بۆ گەنجان بە گشتیی و دەرچووانی زانکۆمان بە تایبەتی تەوەرێکی دیکەی دیدارەکە بوو، بۆ ئەمەش هەردوولا هاوڕان بوون کە لە داهاتوودا دیدار و کۆبوونەوەی زیاتر ئەنجام بدەن و بەرنامەیەکی گشتگیر بۆ ئەم بابەتە دابنێن.