Category Archives: سەرۆکایەتی زانکۆ

پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر و پ.ی.د.بۆتان مەجید ئەحمەد یاریدەدەری سەرۆکی زانکۆ بۆ کاروباری زانستی و خوێندنی باڵا سەردانی کۆلێژی تەکنیکی تەندروستی و پزیشکی هەولێریان کرد و لەلایەن پ.ی.د.مراد ئەمیر ئەحمەد راگری کۆلێژی تەکنیکی تەندروستی و پزیشکی هەولێر و ئەندامانی ئەنجوومەنی کۆلێژ پێشوازییان لێکرا.
دواتر سەرۆکی زانکۆ و یاوەرانی هۆڵەکانی تاقیکردنەوەکانی کۆتایی سیمستەری یەکەمی ساڵی خوێندنی 2024-2025یان بەسەرکردەوە و لە نزیکەوە بەدواداچوونیان بۆ چۆنییەتی بەڕێوەچوونی تاقیکردنەوەکان کرد.

هەر لە میانی سەردانەکەیاندا، سەرۆکی زانکۆی پۆلیتەکنیکی هەولێر یاریدەدەری سەرۆکی زانکۆ بۆ کاروباری زانستی و خوێندنی باڵا سەردانی لێژنەی تاقیکردنەوەکانی کرد و دەستخۆشی لێکردن بۆ کارەکانیان و گوێی لە سەرەنج و راوبۆچوون و داواکارییەکانیان گرت.

 

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر و یاریدەدەرانی سەرۆکی زانکۆ و راگرانی کۆلێژ و پەیمانگاکان و ژمارەیەک لە بەڕێوەبەرانی زانکۆ، بەبۆنەی (٧٢)ەمین ساڵرۆژی دامەزراندنی یەکێتی ئافرەتانی کوردستان سەردانی مەکتەبی سکرتارییەتی یەکێتی ئافرەتانی کوردستانیان کرد و لەلایەن زیبا تەها سکرتێر و ئەندامانی سکرتاریەت و ئەندامانی ئەنجوومەنی باڵای یەکێتی ئافرەتانی کوردستان پێشوازییان لێکرا.

پ.د.ئیدریس محەمەد تاهیر هەرکی بەناوی خۆی و زانکۆی پۆلیتەکنیکی هەولێر پیرۆزبایی ئاراستە کردن و هیوای بەردەوامی و سەرکەوتنی بۆ خواستن.

 

زانکۆی پۆلیتەکنیکی هەولێر و دەزگای روانگە جەخت لە پێویستی هەماهەنگی نێوانیان دەکەنەوە

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر و یاریدەدەرانی سەرۆکی زانکۆ و راگرانی کۆلێژ و پەیمانگاکان و ژمارەیەک لە بەڕێوەبەرانی زانکۆ، سەردانی دەزگای روانگەیان کرد و لەلایەن حەسەن شێخ عەلائەددین بەڕێوەبەری جێبەجێکاری دەزگای روانگە پێشوازییان لێکرا.

لە سەرەتای دیدارەکەدا، پ.د.ئیدریس محەمەد تاهیر هەرکی بەناوی خۆی و زانکۆی پۆلیتەکنیکی هەولێر پیرۆزبایی ئاراستە کردن و بەبۆنەی دەست بەکاربوونیان لە ئەرکی نوێیان و ئومێدی سەرکەوتنی بۆ خواستن.

لای خۆیەوە حەسەن شێخ عەلائەددین بەڕێوەبەری جێبەجێکاری دەزگای روانگە بەخێرهاتنی سەرۆکی زانکۆ و یاوەرانی کرد و سوپاسی کردن بۆ سەردان و پیرۆزباییان.

هەر لە دیدارەکەدا جەخت لە پێویستی هەماهەنگی نێوان زانکۆی پۆلیتەکنیکی هەولێر و دەزگای روانگە کرایەوە و هەردوولا هاوڕابوون لە پەیوەندی بەردەوامدابن.

 

ئەمڕۆ چوارشەممە 11ـی کانوونی یەکەمی 2024 بە ئامادەبوونی سەرۆک و گشت ئەندامانی ئەنجوومەنی زانکۆی پۆلیتەکنیکی هەولێر کۆبوونەوەی ژمارە 4ـی ئاسایی ئەنجومەنەکە بۆ ساڵی نوێی خوێندنی 2023-2024 بەڕێوەچوو.
‎

لە سەرەتای کۆبوونەوەکەدا پ.د.ئیدریس محەمەد تاهیر هەرکی سەرۆکی ئەنجومەنی زانکۆی پۆلیتەکنیکی هەولێر، دەستخۆشی لە بەشە زانستییەکانی کۆلێژ و پەیمانگا کرد کە ژمارەیەکی زۆری قوتابیانیان وەرگرتووە و هیوای خواست کە قوتابیانی وەرگیراو بە سەرکەوتویی خوێندنیان تەواو بکەن، هاوکات سوپاس راگر و ستافی کۆلێژ و پەیمانگاکانی کرد و دەستخۆشی لێکردن.

هەر لە کۆبوونەوەکەدا جەخت لە خۆئامادەکردن بۆ تاقیکردنەوەکانی کۆتایی سیمستەری یەکەم کرایەوە.

لە بەشێکی دیکەی کۆبوونەوەکەدا، پ.ی.د.نجیب تۆما بتۆ بەڕێوەبەری دڵنیایی جۆری سیمینارێکی سەبارەت بە پڕۆسەی دڵنیایی جۆری ئەنجامدا و تیایدا باسی لە پرۆسەی دڵنیایی جۆری لە کۆلێژ و پەیمانگا تەکنیکییەکان کرد.

پاشان د.رێبین صمد، مامۆستا لە کۆلێژی تەکنەلۆجی هەولێر سیمینارێکی لەبارەی سەردانی بۆ زانکۆی شەنگهای بۆ وڵاتی چین پێشکەشکرد و تیایدا باسی لە گرنگی سەردانەکەی کرد.


‎دواتر دەستکرا بە گفتوگۆکردنی تەوەرەکانی کۆبوونەوەکە و بابەتی دیکەی زانستی و کارگیری و پرسی تایبەت بە قوتابیان باس کرا و چەند پێشنیار و راسپاردەیەک خرایە بەرباس و بڕیاریان لەبارەوە درا.