Category Archives: سەرۆکایەتی زانکۆ

سەرۆکی زانکۆ بەشداریی لە کۆبوونەوەی بریکارى وەزارەتى خوێندنى باڵا لەگەڵ سەرۆکى زانکۆى (Dundee)ی بەریتانى دەکات

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر بەشداریی لە کۆبوونەوەی بریکارى وەزارەتى خوێندنى باڵا و توێژینەوەی زانستیی لەگەڵ سەرۆکى زانکۆى (Dundee)ی بەریتانى کرد.

بەمەبەستى پەرەپێدانى بوارى زانستى و ئەکادیمى و ئاڵوگۆرى مامۆستایان و قوتابیان و خوێندکاران، وەفدێکى زانکۆى (Dundee) دەندى بەریتانى سەردانى وەزارەتى خوێندنى باڵا و توێژینەوەى زانستى کردو لەگەڵ ستافى وەزارەت کۆبۆوە.

پ.د. عبدالفتاح عبدالرزاق، بریکارى وەزارەتى خوێندنى باڵا و توێژینەوەى زانستى پێشوازی کرد لە پ.ئییەن گیلیپسى، سەرۆکى زانکۆى (Dundee) دەندى بەریتانى و شاندێکی یاوەرى کە پێکهاتبوون لە پرۆفیسۆر محەمەد ئەلئوزرى، سەرۆکى ئەنجوومەنى عێراقى – بەریتانى بۆ کار، د. جەیسن نۆریس، بەرپرسى پارتنەر لە زانکۆى دەندى بەریتانى کە بەمەبەستى ئەنجامدانى چەند پرۆژەیەکى هاوبەشى زانستى لەگەڵ چەند زانکۆیەک لە هەرێمى کوردستانن.

لە دیدارێکدا کە سەرۆکی زانکۆی پۆلیتەکنیکی هەولێر و ژمارەیەک لە سەرۆک زانکۆکانى کوردستان و ڕاوێژکارى وەزیر و بەڕێوەبەرانى گشتى ئامادەیبوون، سەرۆکی زانکۆى دەندى بەریتانیا خۆشحاڵى خۆى نیشاندا بۆ سەردانى وەزارەتى خوێندنى باڵا و توێژینەوەى زانستى و باسى لە ئەرک و کارى هاوبەشى زانکۆکەى کرد لەگەڵ زانکۆ و دامەزراوەکانى هەرێمى کوردستان.

لە وتەیەکیشدا بریکارى وەزارەتى خوێندنى باڵا و توێژینەوەى زانستى باسى لە پەیوەندییەکانى هەرێمى کوردستان لەگەڵ وڵاتى بەریتانیا کرد، بۆ ئەمەش گوتى: وەزارەتەکەمان لە ڕابردودا زۆرترین پڕۆژەى زانستی هاوبەشى لەگەڵ زانکۆ و دامەزراوەکانى وڵاتى بەریتانیا هەبوە و زۆرترین وەبەرهێنانی زانستی لە بوارەکانی پەرەپێدانی تواناکان و توێژینەوەی هاوبەش و ئاڵوگۆری ئەکادیمی لەگەڵ زانکۆکانتان هەبووە بۆیە خوازیارین ئەم پەیوەندییە زانستییانە فراوانتر بن و بوارەجیاجیاکانی تایبەت بەگەشەپێدانی کەرتی خوێندنی باڵا لەخۆ بگرێت.

بۆ ئەمەش گوتى: بەشێکى گرنگ و ستراتیژى کارى ئێمە بریتیە لە فراوانکردنى پانتایى خوێندنى تەکنیکى و پیشەیى لە هەرێمى کوردستان، لەو چوارچێوەیەشدا بەپێویستى دەزانین کەناڵێکى ڕاستەوخۆ و باشتر لەگەڵ بازارى کارى کوردستان ئەنجام بدەین، بۆ جێبەجێکردنى ئەم ئامانجانە پێویستمان بە شارەزایى و لێهاتوویى و توانا زانستییەکانتان هەیە، بۆ ئەوەى سوود لە ئەزموون و تواناى ئەو وڵاتە وەربگرین. هەروەها بریکارى وەزارەت باسی لە پلانی وەزارەت بۆ ڕیفۆرم و چاکسازى و پێداچوونەوە بە پرۆگرامى خوێندنى سەرجەم بەشەکانى زانکۆکانى کوردستان کردو گوتى بەشداری و هەماهەنگی شارەزایانی بەریتانیا زۆر یارمەتیدەر دەبێت لە سەرخستنی ئەم پرۆژەیە.

لە کۆتایی کۆبونەوەکەدا چەند بابەتێکى زانستى و ئەکادیمى بۆ پەرەپێدانی زیاترى پەیوەندییەکان لەنێوان هەردوولا ئاڵوگۆڕکرا.

رۆژی پێنجشەممە رێکەوتی ١ـی حوزەیرانی ٢٠٢٣، پ.د.ئیدریس محەمەد تاھیر ھەرکی، سەرۆکی زانکۆی پۆلیتەکنیکی ھەولێر پێشوازیی لە شاندێکی ئەنجومەنی داھێنان لە عێراق – ھەفتەی جیھانی داھێنان و نوێگەری کرد شاندی ئەنجومەنی داھێنانی عێراق پێکھاتبوون لە عەبدولسەلام مەدەنی، سەرۆکی دەزگای روانگە هاوکات ئەندامی ئەنجوومەنی داهێنان و م. زانیار جەبار ڕەشید، باڵیۆزی داھێنان و ئەندامی ئەنجوومەنی داھێنان لە عێراق – ھەفتەی جیھانی داھێنان و نوێگەری، و عەبدوڵڵا ساڵح، شادمان کەریم و ڕێژوان محەمەد ئەندامانی ئەنجوومەنی داھێنان لە عێراق – ھەفتەی جیھانی داھێنان و نوێگەری.

لە دیدارێکدا کە یاریدەدەری سەرۆکی زانکۆ بۆ کاروباری زانستی و خوێندنی باڵا و بەڕێوبەری پەیوەندییە نێودەوڵەتییەکان و بەڕێوەبەری گارگێری سەرۆکایەتی زانکۆ ئامادەیبوون، سەرۆکی زانکۆ وێڕای بەخێرھاتنی شاندی میوان، باسی لە ستراتیژیەت و پلانی زانکۆ کرد و رایگەیاند زانکۆ دەبێت وەڵامدەرەوەی پێویستییەکانی بازاڕی کاربێت و خۆی بگونجێنێت لەگەڵ سرووشتی ناوچەکەی بۆیە ئێمە وەک زانکۆی پۆلیتەکنیکی ھەولێر کارمان بۆ ئەوە کردووە کە ئەو پسپۆڕییانەی کە بازاڕی کاری ھەرێمی کوردستان پێویستی پێیەتی ئامادە بکەین، ھەر بۆیە ئامادەیی زانکۆی دەربڕی بۆ ھەر ھاوکاری و ھەماھەنگییەک.

لای خۆیانەوە شاندی میوان زۆر سوپاسی سەرۆکی زانکۆیان کرد بۆ پێشوازی و میوانداری ھەروەھا خۆشحاڵی خۆیان دەربڕی بە کارکردن لەگەڵ زانکۆی پۆلیتەکنیکی ھەولێر وەک یەکەم زانکۆ لەسەر ئاستی عێراق ھەرێمی کوردستان بۆ ئەنجامدانی کاری پێکەوەیی تاکو لەڕێگەیەوە خزمەت بە کۆمەڵگە بەگشتی و لاوان و قوتابیانی کوردستان بە تایبەتی بکەن.

ھەر لە دیدارەکەدا یاداشتێکی لێکتێگەیشتن لە نێوان ھەردوو لا واژۆ کرا کە خۆی لە ئەنجامدانی ھەماھەنگی لە نێوان تیمی زانکۆی پۆلیتەکنیکی ھەولێر و ھەفتەی جیھانی داھێنان لە عێراق بە ڕێکخستن و بەڕێوەبردنی ھەر چالاکییەک کە ھانی داھێنان و نوێگەری بدات وەک: پێشکەشکردنی سمینار و وۆرکشۆپ لە زانکۆ و کۆلێژەکانی سەر بە زانکۆی پۆلیتەکنیکی ھەولێر دەربارەی نوێگەری و داھێنان لە لایەن ھەفتەی جیھانی داھێنان و نوێگەریەوە.

دەربارەی ھەفتەی جیھانی داھێنان و نوێگەری:
ئەم پڕۆژەیە لە ساڵی ٢٠٠١ لە کەنەدا دامەزراوە، ئێستا لە لایەن زانکۆی مەیامی لە ولایەتە یەکگرتووەکانی ئەمریکا میوانداریی دەکرێت. ڕۆژی جیھانی داھێنان و نوێگەری ٢١ ی نیسان لەلایەن نەتەوە یەکگرتووەکانەوە بە فەرمی لە ساڵی٢٠١٧دا ناسێنراوە بۆ ئاھەنگگێڕان و ھاندانی داھێنان و نوێگەری لە ئاستی جیھانیدا. بە ئەنجامدانی بۆنە و چالاکییەکان لە ١٦٠ وڵاتدا تیشک دەخرێتە سەر گرینگی داھێنان و نوێگەری لە ژیان کە لە ڕێگای داھێنان و نوێگەریەوە ڕووبەڕووی ئاستەنگە ئابووری و کۆمەڵایەتییەکان ببینەوە و ھانی گەشەی ئابووری بدەین بە شێوەیەکی گشتی.

بە ئامادەبوونی سەرۆکی دەزگای سەرپەرشتی و دڵنیایی جۆری بەنوێنەرایەتی وەزیری خوێندنی باڵا و توێژینەوەی زانستی و سەرۆکی زانکۆی پۆلیتەکنیکی هەولێر، سەرۆکی زانکۆی پۆلیتەکنیکی سلێمانی و سەرۆکی زانکۆی پۆلیتەکنیکی دهۆک، کۆبوونەوەیەک لە وەزارەتی خوێندنی باڵا و توێژینەوەی زانستیی بەڕێوەچوو.

لە کۆبوونەوەکەدا کە بە ئامادەبوونی یاریدەدەرانی هەر سێ سەرۆکی زانکۆی پۆلیتەکنیکی بۆ کاروباری زانستی و خوێندنی باڵا و بەڕێوەبەری دڵنیایی جۆری لە وەزارەتی خوێندنی باڵا و توێژینەوەی زانستیی بەڕێوەچوو، تیایدا باس لە پرۆژەی (TVET.2) کرا کە لەلایەن رێکخراوی یونیسکۆوە سەرپەرشتی دەکرێت بە ئامانجی بەرەوەپێشبردن و پێشخستنی خوێندنی تەکنیکی و پیشەیی لە عێراق و هەرێمی کوردستان لە رووی پڕۆگرام و کواڵێتی و بەنێودەولەتییکردنی ستراتیجییەتی زانکۆ پۆلیتەکنیکییەکان.

هەر لە کۆبوونەوەکەدا کە بەڕێوەبەری رێکخراوی یۆنیسکۆ لە عێراق و بەڕێوەبەری پڕۆژەی (TVET.2) بە شێوەی ئۆنڵاوین ئامادەی بوون، بەشداربووانی کۆبوونەوەکە سەرنج و تێبینی و پشنیازەکانی خۆیان لەبارەی بەرەپێشبردن و سوودوەرگرتنی زیاتر لەو پرۆژەیە خستەڕوو.

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر جەختی لە رەخساندنی هەلی یەکسان و شەفافییەت و دادپەروەریی بۆ خوازیارانی خوێندنی باڵا کردەوە و رایگەیاند، نەزاهەتی تاقیکردنەوەکانی توانستی زانستی هێڵی سوورە و دەبێت هەمووان پێوەی پابەندبن.

ئەم گوتانەی سەرۆکی زانکۆی پۆلیتەکنیکی هەولێر لە میانی کۆبوونەوەیەکدا هات کە لەگەڵ سەرۆک بەشەکانی هەرسێ کۆلیژەکانی تەکنیکی ئەندازیاری هەولێر، کۆلێژی تەکنیکی کارگێری هەولێر و کۆلێژی تەکنیکی تەندروستی و پزیشکییی بەمەبەستی ئاگاربوون لە وەرگرتنی داواکاریی خوازیاران بۆ خوێندنی باڵا و و چۆنییەتی خۆئامادەکردن بۆ تاقیکردنەوەی توانستی زانستی بۆ پێشکەشکارانی خوێندنی باڵا، ئەنجامی دا.

لە گوتەیەکدا پ.د.ئیدریس محەمەد تاهیر هەرکی جەختی لەوە کردەوە کە دەبێت هەلی یەکسان بۆ گشت ئەو کەسانەی بڕەخسێندرێت کە داواکارییان بۆ وەرگرتن لە خوێندنی باڵا پێشکەش کردووە.

سەرۆکی زانکۆی پۆلیتەکنیکی هەولێر بەشداربووانی کۆبوونەوەکەی راسپارد کە بەوپەڕى بەرپرسیارییەتییەوە کارەکە ئەنجام بدەن بۆ چەسپاندنى بنەماکانى دادپەروەرى و یەکسانى و شەفافیەت و بێ لایەنى لە جێبەجێکردنى پرۆسەکە.

دووپاتیشى کردەوە هەموو هەوڵێکمان بۆ داواکارانی خوێندنی باڵا ڕەخساندنى ژینگەى لەبارى خوێندن و فێربون و پێگەیاندنیانە، هەروەها ڕێگر بن لە مەحسوبیەت و نادادپەروەریی. هەروەها جەختیشی کردەوە کە دووربن لە پێشێلکاری و دەستوەردانێکی نایاسایی و بەدەر لە رێنماییەکان.

پ.د.ئیدریس محەمەد تاهیر هەرکی هەروەها داوای کرد کە لیژنەکانی دانانی پرسیار لە بەشەکان ئاگادار بکەنەوە و رێنمایی پێویست بە چۆنییەتی دانانی پرسیار لەو جۆرە تاقیکردنەوانە بدەن.

بەمەبەستی لە نزیکەوە ئاگاداربوون لە چۆنیەتی بەڕێوەچوونی تاقیکردنەوەکان، لیژنەیەکی تایبەت بۆ سەرپەرشتی تاقیکردنەوەکان پێکهێندرا و بڕیاردرا کە تاقیکردنەوەکان بەشێوەی ناوەندی ئەنجام بدرێت و یاریدەدەری سەرۆکی زانکۆ بۆ کاروباری زانستی و خوێندنی باڵا راسپێردرا کە ئەو هۆڵانەی کە بۆ تاقیکردنەوەکان دیاریدەکرێن پێویستە ئامادەبکرێن و پێداویستیی و کەشێکی گونجاویان بۆ دەستەبەربکرێت.