Category Archives: سەرۆکایەتی زانکۆ

بە مەبەستی پتەوکردنی پەیوەندییە ئەکادیمی و کولتوورییەکان و هەماهەنگی زانکۆ لەگەڵ کەرتی تایبەت و دۆزینەوەی هەلی کار بۆ دەرچووانی زانکۆ پۆلیتەکنیکییەکان وە هەروەها لە نزیکەوە ئاگادار بوون لە سیستەمی خوێندنی پیشەیی بۆ ئاگاداربوون لە پێشکەوتنەکانی وڵاتی چین لەو بوارەدا، پ.ی.د.یونیس خالد خۆشناو وەک نوێنەری زانکۆی پۆلیتەکنیکی هەولێر بە هاوڕێیەتی نوێنەرانی زانکۆ پۆلیتەکنیکییەکانی کوردستان  بۆ ماوەی چواردە ڕۆژ لە چین دەبن کە لە 10 ی نیسان تاکو 24ی نیسان نوێنەری هەر پێنج زانکۆ پۆلی تەکنیکییەکانی کوردستان لەو وڵاتە دەمێننەوە.

 لەو سەردانەدا نوێنەری زانکۆ پۆلیتەکنیکییەکانی هەرێمی کوردستان، بەشداری لە چەندین سیمیناردا دەکەن وسەردانی چەند کۆلێژ و زانکۆیەکی ئەو وڵاتە دەکەن لەگەڵ سەردانی چەند کارگەیەکی پێشکەوتوو بۆ وەرگرتنی ئەزموونی وڵاتی چین و ئاگاداربوون لە چۆنییەتی پێکەوە گرێدانی کەرتی تایبەت و خوێندنی پیشەیی.

 ئەم سەردانە بە هەماهەنگی وەزارەتی خوێندنی باڵاو توێژنەوەی زانستی و کۆنسوڵخانەی چین لە هەولێر و وەزارەتی بازرگانی چین ڕێکخراوە بە مەبەستی پتەوکردنی هەماهەنگی لەگەڵ زانکۆی پۆلیتەکنیکی نینگبۆ لە شاری نینگبۆ وە زانکۆی ئیڕۆنیوتیکی فڕۆکەوانی لە شاری چەندوو لە وڵاتی چین بۆ پتەوکردنی پەیوەندی ئەکادیمی و پیشەیی و کەلتوری بە ناونیشانی: (Seminar for Vocational Education Teachers in Developing Countries 2024) شیاوی باسە شاندی زانکۆکانی کوردستان لە لایەن سەرۆکی زانکۆی پۆلیتەکنیکی نینگبۆ پێشوازییان لێ کرا.

 

 

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر سەردانی وەزارەتی دارایی و ئابووری حکوومەتی هەرێمی کوردستانی کرد و لەلایەن محەمەد عەبدولقادر، بەڕێوەبەری گشتی ژمێرکاری پێشوازیی لێکرا.

لە دیدارێکدا کە پ.د.ئازاد حەسەن قادر، یاریدەدەری سەرۆکی زانکۆی پۆلیتەکنیکی هەولێر بۆ کاروباری کارگێری و دارایی و بەڕێوەبەرانی کارگێری و دارایی و بەرپرسی سندوقی داهاتی زانکۆ ئامادەیی بوون، بەڕێوەبەری گشتی ژمێرکاری بەخێرهاتنی سەرۆکی زانکۆ و یاوەرانی کرد و باس لە چەند پرسێکی گرنگی پەیوەندار بە دارایی کرد.

دواتر باس لە وردەکاریی چۆنییەتی خەرجکردنی داهاتی زانکۆمان بۆ بەرەوپێشبردنی زیاتری ژێرخانی کۆلیژ و پەیمانگاکان کرا و چەند پرسێکی دیکەی پەیوەندار بە پرسی دارایی کرا.

هەر لە دیدارەکەدا، بەڕێوەبەری گشتی ژمێرکاری ئامادەیی و پشتیوانی خۆی بۆ زانکۆمان دووپات کردەوە و ئومێدی بەرەوپێشچوونی ئاستی زانستی و کارگێری زانکۆی پۆلیتەکنیکی هەولێر خواست.

ئەمڕۆ سێشەممە 16ی نیسانی 2024، پ.د. ئیدریس محەمەد تاھیر ھەرکی سەرۆکی زانکۆی پۆلیتەکنیکی ھەولێر لەگەڵ بەڕێزان یاریدەدەری سەرۆکی زانکۆ بۆ کاروباری زانستی و خوێندنی باڵا و ژمارەیەک لە مامۆستایانی زانکۆمان، بەشداری کرد لە دیداری (دەرفەت و ئالنگارییەکانی بەکارھێنانی ژیری دەستکرد لە بڵاوکراوە ئەکادیمییەکاندا) کە بە چاودێری د.ئارام محەمەد قادر وەزیری خوێندنی باڵا و توێژینەوەی زانستی، لەلایەن فەرمانگەی توێژینەوە و پەرەپێدانی وەزارەتی خوێندنی باڵا و توێژینەوەی زانستی لە ھۆتێلی ھەولێری نێودەوڵەتی رێکخرابوو.

دیدارەکە بە ئامادەبوونی ھەریەک لە بریکارانی وەزارەتی خوێندنی باڵا و توێژینەوەی زانستی و وەزارەتی کارو کاروباری کۆمەڵایەتی، سەرۆک زانکۆکان، راوێژکاران و بەڕێوەبەرانی گشتی و یاریدەدەرانی سەرۆکی زانکۆ و مامۆستایانی زانکۆ و میوانانی ئەکادیمی دەستی پێکرد و چەند وتارێک پێشکەشکرا.

دواتر لە چوار پانێڵی جیاوازدا باس لە ئامراز و دەرفەتەکانی بەکارھێنانی ژیری دەستکرد لە بڵاوکراوە ئەکادیمییەکان تیشکیان خرایە سەر و ئەزمونی زانکۆ پێشکەوتوەکان و دەزگای چاپ و بڵاوکردنەوەو گۆڤارە نێودەوڵەتییەکانیش بۆ چۆنیەتی مامەڵەکردن لەگەڵ ژیری دەستکردو ئاڵنگارییەکانی بەکارھێنانی ژیری دەستکردیش لە بڵاوکراوە ئەکادیمییەکاندا تەوەرەکانی دیکەی دیدارەکە بوون.

جێگەی ئاماژەیە دیداری (دەرفەت و ئالنگارییەکانی بەکارھێنانی ژیری دەستکرد لە بڵاوکراوە ئەکادیمییەکاندا) بە دەرکردنی چەند ڕاسپاردەییەک کۆتایی بە کارەکانی ھێنا.

رۆژی دووشەممە 8ی نیسانی 2024، ڕاگری کۆلێژی تەکنەلۆجی پ. د.کیهان زرار غفور وەك وتاربێژی سەرەکی (Keynote Speaker) بەشداری کرد لە پێنجەمین کۆنفرانسی زانستی نێودەوڵەتی بە ناونیشانی (5th International Conference on Computing, Communication and Cyber-Security _IC4S’05) کە لە زانکۆی (Graphic Era Hill University, Bhimtal Campus, India) ئەنجامدرا.

لە کۆنفرانسەکەدا بەشێوەی ئؤنلاين راگری کۆلێژی تەکنەلۆجی هەولێر بابەتێکی لەژێر ناونیشانی (Privacy in the Era of Social Medi: Managing your Digital Presence) پێشکەش کرد.