ڕۆژی دووشەممە ڕێکەوتی ٢٠٢٣/٥/٢٢ بەڕێز ( پ.د.ئیدریس محەمەد تاهیر هەرکی ) سەرۆکی زانکۆی پۆلیتەکنیکی هەولێر سەردانی کۆلێژەکەمانی کرد و لەلایەن بەڕێز ( م. پاکستان محمەدامین یوسف ) ڕاگری کولێژ و بەڕێز ( م.عبدالباسط علی غفور ) سەرۆکی لێژنەی ئەزمونەکان و مامۆستایان پێشوازی لێکرا.

لە سەردانەکەدا بەڕێز سەرۆکی زانکۆ بە مەبەستی بەڕێوەچوونی تاقیکردنەوەکان سەردانی لیژنەی ئەزموونەکانی کرد و لە دانیشتنێکدا ئەرک و ماندوبوونیانی بەرز نرخاندن و دەستخۆشی لە لیژنەی ئەزموونەکان و مامۆستایان کرد ، دواتر هۆڵەکانی تاقیکردنەوەی بەسەرکردەوە و لە نزیکەوە چاودێری چۆنییەتی بەڕێوەچوونی تاقیکردنەوەکانی کرد.

هاوکات سەرۆکی زانکۆمان بەمەبەستی لە نزیکەوە ئاگاداربوون لە ڕەوشی قوتابیان ، لە نزیکەوە چاوی بە بەشێک لە قوتابیان کەوت و بەشێک لە پڕۆژەکانی بەسەرکردەوە.

 

 

 

ڕۆژی شەممە رێكه‌وتی ٢٠٢٣/٥/٢٠ لە هۆڵی کۆنفرانسی کۆلێژ، بە ئامادەبوونی بەڕێز م.پاکستان محمدامین یوسف ڕاگری کۆلێژ، كۆبۆنه‌وه‌ی سه‌رۆكی لیژنه‌ی ئه‌زمۆنه‌كان به‌ڕێز ( م.عبدالباسط علی غفور ) له‌گه‌ل مامۆستایانی چاودێری ( تاقیکردنەوەکانی کۆتای وەرزی دووەم و چوارەم – خولی یەکەم – قوتابیانی بەیانیان و ئێواران بۆ ساڵی خوێندنی ( ٢٠٢٢- ٢٠٢٣ ) له‌سه‌ر چونیەتی به‌ڕێوه‌به‌ربردنی تاقیكردنه‌وەکان به‌ڕێوه‌چوو کە ئاماژە به چەند خالێکی گرنگ لەلایەن بەرێزیان و ڕاگری کۆلێژ باس کرا و مامۆستایانش بیرو بووچون و کێشە و گرفتی خۆیان لە کاتی ئەرکی چاودێری باس کرد.کۆبونەوەی سەرۆکی لیژنەی تاقیکردنەوەکان لەگەڵ مامۆستایانی چاودێری هۆڵەکان.

ڕۆژی یەکشەممە رێکەوتی ٢٠٢٣٥/١٤ بەرێز م.پاکستان محمدامین یوسف ڕاگری کۆلێژەکەمان و قوتابیانی سەرکەوتووی پڕۆژکانی دەرچوون لەبەشەکانی پەرستاری و شیکاری نەخۆشیەکان و ئافرەتان و لەدایک بوون و تەکنەلۆجیای زانیاری بەشداریان کرد لە سێیەمین کۆنفڕانسی زانستی قوتابیان کە بە سەرپەرشتی پ.د ادریس محمد تاھر سەرۆکی زانکۆی پۆلیتەکنیکی ھەولێر لە پەیمانگەی تەکنیکی مێرگەسۆر بەڕێوەچوو ، دەستخۆشی بۆ سەرۆکی زانکۆمان کە ھەردەم ھەوڵ دەدات بۆ
بەرەوپێش بردنی زانست لە زانکۆکەمان و دەستخۆشی بۆ ڕاگرو یاریدەدەری ڕاگری پەیمانگەی تەکنیکی مێرگەسۆر و تەواوی ئـەندامانی لیژنەی سەرپەرشتی کۆنفڕانس .

ڕاگەیاندنی کۆلێژی تەکنیکی سۆران ١٤-٥-٢۰٢٣

بەبۆنەی ڕۆژی جیهانی پەرستاران سڵاو لە پیرۆزترین پیشە سڵاو لە ڕوحی پاکتان سڵاو لە دڵسۆزیتان رۆژی جیهانی پەرستاران پیرۆز بێت بە بۆنەی ١٢ ی ئایار.. ( ڕۆژی جیهانی پەرستاران پیرۆزبایی و سوپاس و پێزانینی خۆمان لە سەرجەم پەرستارانی جیهان بەگشتی و یەکە یەکەی کارمەندانی تەندروستی مرۆڤ دۆست و ماندونەناس لە هەرێمی کوردستان بە تایبەتی دەکەین.زۆرسوپاسی دڵسۆزی و ماندوونەبوونتان لە پێناو تەندورستی،و ئارامی و بێ ئازار بوونی نەخۆشەکان، هەر بەو بۆنەیەوە دوبارە پیروزبای یەکەی گەرم لە قوتابیان و مامۆستایانی بەشی پەرستاری و تەواوی بەشە پزیشکییەکان دەکەم.مامۆستایانمان بێ ووچان لە ماندووبوون و دڵسۆزانە ئەرکی خۆیان ئەنجام داوە بۆ فێرکردنی کاری پەرستاری بەشێوازێکی زانستی و دروست.جێی خۆشحالیە لە رووی توانای پیشەیی و شارەزایی پەرستاران لە باشتربوون بۆ تەواو کردنی خوێندن باڵاتر و کۆلێژەکەمان بە بێ هەبوونی پەرستاری لێهاتوو،خزمەتگوزاری تەندروستی هاوچەرخ فەراهەم نابێت.